جواز سري

الانسه الي لابسه شميز اوف وايت وطرحه كاشمير
انا يا دكتور
ايوه انتي تعالي اشرحي الي قولته
قومت وانا متوتر وماسكه الموبيل في ايدي وباترعش حرفيا رغم اني عارفه كل كلمه الدكتور كان بيقولها بش خاېفه ومعرفش ليه طلعت وقفت قدامه وظبط البروجكتور وكبرة الخط عشان الناس تشوفه وتلقائي ظبطت صوت المايك وبدات اشرح بصوت واطي مهزوز بس مجرد ملقيت كل الطلبه مركزين في شرحي حسيت اني لازم اشرح بجد صوتي علي ووضح اكتر واتكلمت بثقه فجاه الدكتور قاطعني وهو بيقول
كفايه كده شايف انك عايشه الدور قوى تبقي فلاحه وجايه من تحت البه ايم وتيجي تعيش الدور علينا وبتشرح كانها دكتور جامعه يلا اتفضلي بره ومشوفش وشك في اي محاضره ليا بصتله پغضب وانا فاهمه قصده حسيت اني جبت اخري منه ومن تصرفاته الي خاېفه اعترض عليها عشان جوزى وابويا بس خلاص كده كتير نطقت پغضب وانا خارجه لما تكون المحاضره بيدرسها واحد اقل ما يقال عنه انه حم ار يبقي الخير فاني ماحضرهاش

نده في الميكروفون وقال قولتي ايه يا انسه بصتله ببرود وقلت اولا انا مدام وثانيا الي انت سمعته هو كلامي عن اذنك ياه يا دكتور
فتحت باب المحاضره وخرجت وانا ماشية بلا مبالاه بس سمعته بيقول مهو الهانم لو ابوها عرف يربي مكنتش دخلت الجامعه بلبس الرقاصات ده وغلطت في شخص ظفر منه برقبت عيلتها كلها
دخلت تاني وطلعت وقفت جنبه ببرود وهو بيزعق ويقول رجعتي ليه وايه الي جابك مسكت منه الميكروفون وقولتله ببرود فيه الهانم دي ابوها رباها احسن تربيه وبخصوص لبس فده شئ يخصني وانا حره فيه لكن انت ميحقش ليك تتنمر علي الطلبه ولو انا جايه من تحت الجاموسه زي مبتقول فانات المفروض تحزن علي نفسك اني مجرد مطلعت اكرر كلام انت نفسك كنت بتشرحه كل الطلاب ركزوا معايا وده ليه معني من اتنين الاول انهم مكنوش مركزين مع شرحك او مش سمعينه والتاني انهم مبيفهموش منك حاجه حتي لو مركزين فركزوا معا طالبه عندك من سنه وبخصوص والدي الي انت داير تجيب سيرته كل شوية ده فاطمن هو طالبك في مكتبه لاني سجلتلك كل كلامك ليا وللطلبه صوت وصورة ورحت قدمتله شكوي رسميه وهو في الاول كان رافض وقال ينصحك بالحسني بس للاسف انا بقي قولتله لو مشوفش الشكوي ومشي رسمي هاشتكيه هو فهو اضطر يطلبك لمكتبه واظن السكرتير جاي يقولك انك مطلوب في مكتب عميد الجامعه عشان يتحقق معاك وعلفكره مش هعديها باي يا كتور
سبته ومشيت وانا متضايقه اني سمحت لشخص زي ده يخرجني عن شعورى ويخليني اكشف للطلبه في 3سنه جامعه اني بنت العميد الحاجه الي خبتها السنين الي فاتت وخاېفه جدا من ردود الفعل انا استحملته كتير تطاول لفظي واهانه وغير انه سبق وحاول يتقرب مني بس انا رفضت عشان هو شخص مش كويس بس من وقتها وهو معايا كده كان لازم احط له حد
نزلت المكتب واتكلمت قدام العميد والي معاه وحكيت بالتفصيل اهانت الدكتور ليا وكنت هاحكي عن جرءته في الكلام مع البنات وانه بيضحك عليهم بس مقدرتش خۏفت من بابا ورد فعله وكمان لان الجامعه مفهاش كلمه يتستخبي فاكيد هتوصل ل كنان ووقتها انا الي هاتأذي وهينكد عليا خلصت كلامي واستاذنت ورحت احضر المحاضره الي عليا بس للاسف الدكتور اتاخر كل دقيقه كان بيتاخرها كنت بتمني اني الارض تتشق وتبلعني حرفيا كل الطلبه كانوا بيبصولي ويهمسوا ومركزين معايا انا بالنسبه ليا عادي يحصل كده بعد الي عملته بس المشكله في الموضوع انهم عرفوا اني بنت العميد معرفتش ليه امسك لساني ده لاني غبيه والحظ انها لو اي محاضره كنت هربت منها ومن نظرات الطلاب بس دي محاضرة ل كنان نفسه فلو بص وملقاش اني حضرتها هيعمل مني بطاطس محمره لما اروح
بمناسبة كنان هو فين.. وازاى كل ده مدخلش ده مش عادته
فوقت من قلقي علي رساله من كنان بتقول اني لازم اسيب المدرج وانزل ليه عشان هو لغي المحاضره وهنروح
رديت پخوف انت كويس
قال في رساله انزلي قبل محد يطلع يبلغهم اني لغيت المحاضره