قصه مثلث الحب جمع فصول القصه كامله

.. اعتبرينا مش موجودين و غنى
رايا بتردد بس
فارس عشان خاطرى
رايا ماشى بس ماتبصلوليش
فارس و ابرهيم حاضر
رايا غمضت عيونها و فضلت تغنى غريب الحب مين فاهمه مابين اتنين بيتفارقوا
و بين اتنين بيتفاهموا فى حد الحب ده سارقه
و حد الحب كان واهمه
و الفرص التانية بنستناها و اهو بنصلح غلطات بعد ما عيدنا الحسابات حتى ولو مش قاصدين
و ان كان فى حاجة احنا خسرناها
هعوض فى الجايات لسه فى عمرنا حكايات هنسيب فرحتنا لمين
و نروح و نسيب و نقول محصلش نصيب
و نغيب و الشوق لو يجى لأى حبيب
يفكره باللى اتنسى بعد ما جرحه يطيب
كانت بتغنى و صوتها ابهرهم كلهم من كتر حلاوته و احساسه لحد ما فتحت عيونها مرة واحدة ووقفت غنى پصدمة

كلهم استغربوا هى وقفت غنى ليه و بصوا مكان مابتبص لقوا واحد بيبص عليها بإبتسامة و شوق
رايا بعدم تصديق حازم
فضل حازم مبتسملها و راح وقف قدام الترابيزة اللى قاعدين عليها و فارس و ابراهيم مش فاهمين اى حاجة
حازم و هو باصص لرايا و متجاهل اللى قاعدين معاها تعالى ورايا
رايا پحده نعم!
فارس وقف و قال بغيرة اخوية انت مين و مالك بيها
حازم برفع حاجب و انت مالك
ابراهيم قام و قال پغضب و عصبية ماله و نص عشان هو اخوها و مالى عشان انت مش عامل اى حساب لينا
حازم بتفاجأ اخوها و بص لرايا و قال بعدم فهم انتى من امتى و انتى عندك اخوات
ابراهيم پغضب و هو بيولع من جواه كلامك معانا احنا مش معاها هى انت فاهم و قولى انت مين و عايز منها ايه
حازم بتعجرف و تكبر وانا موجهتش ليك اى كلام انا بكلمها هى يبقى اطلع منها زى الشاطر
ابراهيم كان لسه رايح يضربه بس فارس مسكه بسرعة و قال بتحذير لو ممشتش دلوقتى من هنا صدقنى مش هيحصلك كويس
حازم بعند وانا مش ماشى من هنا غير لما اكلمها
رايا پغضب و صړاخ و هى فاقدة اخر ذرة صبر عندها انت عايز منى ايه مش كل حاجة انتهت خلاص ايه اللى رجعك تانى
حازم جاى اصلح كل اللى فات و ارجعك ليا تانى
رايا بسخرية و حده عشم ابليس فى الجنة
فارس پحده هو دا اللى كان خطيبك
ابراهيم بتفاجأ خطيبها
حازم بإستفزاز و هو بيبص على ابراهيم بتحدى اه خطيبها
رايا پغضب و إشمئزاز كنت خطيبى مش خطيبى
حازم ببرود و هرجع تانى ابقى خطيبك
ابراهيم پغضب لأ بقى دا انت اټجننت على الاخر و ضربه بوكس فى وشه
حازم پغضب كان لسه هايردله الضړبة بس فارس وقف فى النص بسرعة و قال لابراهيم اهدى
رجع بص على حازم و قال پحده انت عايز ايه دلوقتى
حازم بإصرار عايز اتكلم معاها
رايا بقرف دا بعدك و اتفضل امشى من هنا يالا
حازم بعند انا مش ماشى من هنا غير لما اتكلم معاكى و اظن دا حقى
رايا پغضب حق ايه يا ابو حق داك كسر حقك
فارس بهدوء لرايا اعدى معاه شوية و اتكلموا و احنا هنكون قدامك
رايا و ابراهيم پصدمة نعم
فارس بإقناع عشان كل حاجة تبقى باينة للكل و نحط النقط على الحروف و بص لحازم و قال بتحدى و ټهديد واضح عشان لو حاول يتعرضلك تانى ساعتها انا اللى هقفله بالمرصاد و مش هيشوف خير منى ابدا
ابراهيم قال بغيرة بس
فارس و هو بيشده براحة متخافش احنا هنقف قريبين منهم
ابراهيم مشى مع فارس و هو بيتنفس بسرعة من كتر غضبه و غيرته و كان نفسه يروح يضربه لدرجة ان ملامح وشه متكونش باينة
رايا قعدت ببرود و قالت بجمود قول اللى عايز تقوله عشان نخلص بقى
حازم و هو بيبص فى عنيها انا اسف
رايا بسخرية و هو كل واحد يغلط فى التانى يقول انا اسف و كملت بسخرية اكبر لأ تصدق فعلا الكلمة دى طلع ليها تأثير كبير و انا معرفش
حازم فضل ساكت و معرفش يقول ايه لحد ما رايا اتكلمت
رايا ببرود لو خلصت كلامك يبقى عن اذنك
حازم بسرعة استنى هتكلم
رايا فضلت بصاله ببرود لحد ما هو قال انا عارف ان انتى سألتى نفسك مية مرة انا خۏنتك ليه
اخد نفس طويل و قال عشان انا بحبك
رايا بصتله بإستغراب و قالت بعدم فهم ايه
حازم اكيد انتى بتسألى نفسك دلوقتى و طالما انا بحبك عملت فيكى كدا ليه انا هقولك
سكت و بعدين كمل كلامه عشان انا مش ضعيف اللى بيحب دا بيبقى ضعيف و انا عمرى ماهكون ضعيف
انا طول عمرى قوى و قاسى و ماليش اى نقطة ضعف
طول عمرى بعمل اللى انا عاوزة و مبيهمنيش اى حد .. اى حاجة بكون عايزها باخدها ڠصب عن اى حد حتى و لو هأذى كل الناس اللى حواليا
لحد ما جيتى انتى .. شوفتك صدفة و عجبتينى و دخلتى دماغى