قصه جميله وجديده

من قدامه.
تاني يوم.
جات كارمن بيتنا كانت حابة تتكلم مع آدم.. ومعايا أنا!
قعدت وانا متوترة عشان اسمع كلامها.
بصتلي وابتسمت وقالت
أنا كرهتك يا ميرا ولحد دلوقتي مسامحتكيش بس انتي عملتيلي أكبر خدمة في حياتي لما خلصتيني من عزت... لما بفكر الحالة التعيسة اللي وصلتلها لما كنت متجوزة واحد زي عزت بتاع ستات علطول بيهينني وبيضربني... بستغرب ازاي كنت متمسكة فيه... ازاي سمعت لقلبي ودوست علي كرامتي علشانه.... وازاي أنا عايزة ادوق واحدة تاني نفس اللي دوقته.... لما بفكر بشوف أنك صحيح غلطتي في حقي بس كمان انقذتيني عشان كده أنا بشكرك.
بصتلي پصدمة فضحكت وقالت
لما فكرت في كلامك امبارح حسيت أن قلبي وجعني... ليه احنا كبشر مبنقبلش اللي بيتوب وسطنا. ليه مبندهوش فرصة بدل ما يرجع تاني لأخطائه.... ربنا بيقبل توبة العبد فمين احنا عشان نرفض التوبة دي ونعامله بإحتقار.... إذا كان الله المنزه عن أي غلط قبل توبته احنا كبشر مليانين أخطاء ازاي نزايد ونعترض...
بكيت فقربت مني وقالت
انتي شجاعة لأنك وقفتي الغلط...محدش ليه أنه يحاسبك علي ماضيكي.
مسحت دموعي وقلتلها بصوت واطي 
شكرا.
يعني خلاص اتصافينا
ضحكت وانا بقول 
طبعا
يعني هتحضري فرحي
اټصدمت وبصيت لآدم هي مش مفروض سامحتني.
ضحك آدم وضحكت هي وخرجت دعوة من شنطتها وقالت
دي دعوة فرحي بس طبعا مش من آدم... أنا هتجوز واحد تاني.
كنت لسه متنحة لما كملت كارمن 
أنا اصلا مخطوبة لصاحب أخويا الكبير وجوازي من آدم كان لعبة عملناها عليكي عشان ننتقم منك وعرفنا اننا غلطانين وبنعتذر ليكي.
اديتني الدعوة وقالت
هزعل لو مجيتيش.. وبالتوفيق في حياتك.
لسه هتمشي حضنتها وقولت
وبالتوفيق ليكي في حياتك الجديدة بتمني تلاقي السعادة اللي ملقيتهاش مع عزت.
بعدت وابتسمت ومشيت.
أحيانا يا عزيزي الغالي بنقف في طريق مسدود وبنقول هي دي النهاية بس سبحان الله ربنا بيدبرها من عنده بطريقة تخلينا مندهشين... بس ليه نندهش !!! اللي خلق الكون ده كله في أحسن صورة ودبره.. مش هيقدر يدبر أمورنا التافهة ببساطة !!... اللي أخرج سيدنا يونس من بطن الحوت وأخرج سيدنا يوسف من البئر وخلاه عزيز مصر مش هيقدر يدبر أمورنا قادر طبعا بس هو مستني منك تناجيه هو عاوز يسمع صوتك هو عاوز يشوف إيمانك وإذلالك وإلحاحك في الدعاء مستني منك تعترف بذنوبك وتتوب منها وتقول يا رب إن عظمت ذنوبي كثرة ف لقد علمت بأن عفوك أعظم.... استعمل قلبك يا قلبي استعمله زي ما بتبقى شايله على كتفك لما تحب أحدهم استعمله في الدعاء وخليك فاهم إن ربنا دايما بيدينا الفرص اللي تخلينا نقرب منه أكتر وأكتر.... بس انت ركز واعمل صالحا.
تمت