قصه انا بدور

يلا من هنا! احنا ناقصين بلاوي! 
_ في أي يعبدالله بتزعق لييي 
تعالي شوف مش عاوزة تمشي وبحاول أقنعها أن مفيش شغل هنا وهي مبتفهمش!
_ انت عبيط ولا اييي انت بتكلمها كده ازاي اصلا علي شغلك لو سمحت 
بصلي ب ڠضب ودخل علي جوا رجعت بصتله شاب لابس كاجول لبس براند ساعة شيك جذمة مفيهاش حتي نقطة تراب! كان مرتب اوييي .
_ أنا آسف علي أسلوبه اقدر اساعدك ازاي
أنا بدور علي شغل أنا بطبخ حلو اوي والله كل جيرانا بيجوا ياكلوا عندنا
ضحك _ طب عظيم محتاجة الشغل لييي
بصيت علي الارض عاوزة فلوس عشان علاج ماما 
_ ووالدك اخوكي فين

والدي مټوفي ومعنديش اخوات 
_ قولتيلي بتعرفي تطبخي حلو بتعرفي تعملي بشاميل
يعني اييي
_ يعني ادخلي المطبخ واعملي أكله وانا قاعد عشان ادوق في الأخر اعملك كويز يعني 
بصتله ب استغراب _ مالك
أنت هتدخلني هنا
_ ولو اكلك فعلا طلع حلو هتبقي معانا 
ابتسمت ودخلت بتهيألي محدش كلمني ب ذوق قبل كده زيه كان كله حاجة فيه بريفكت! 
دخلت علي المطبخ الي كان كبير اوييي لبست مريلة ووقفت قدام البوتاجاز وانا مش مصدقة هو دا المكان الي كنت بعدي من قدامه من سنتين وعاوزة ادخله بس! أكل فيه اكله حلوة وأخرج دلوقتي فيه احتمال اشتغل فيه! 
بدأت اسلق المكرونة واعمل البشاميل واعصج اللحمة بحبها متغرقه في البشاميل في ظرف ساعة إلا ربع كانت جاهزة حطيت قطعة في طبق وخرجت حطيته قدامه وبدأ ياكل اول قطمة قلبي كان خاېف مع إن كل المقادير كانت مظبوطة بس مش كل الناس بتحب طريقه اكل معينه .
_ اسمك اييي
مريم
_ احمد يناسبك تشتغلي من النهارده 
اشتغل النهارده 
_ اه فيه مشكلة
أنا مش عارفه اقولك اييي شكرا بجد 
_ دا احنا الي كسبنا شيف محصلتش يلا ورينا الهمة 
ابتسمت ودخلت المطبخ تاني وسط عشر شيفات وسط اكتر من عشرين ويتر وسط كل دا كنت حاسه اني بطبخ في مطبخ بيتنا الضيق كنت حاسه أنه مكاني .
كان يوم صعب مليان اوردرات طبيعي! اكبر مطعم في البلد الناس الهاي الي بيجوا هنا بس .
خلصت اخيرا وخرجت الساعه ١١ الوقت اتأخر! وقفت استني ميكروباص بس لسه ملمحتش عربيه واحدة حتي 
_ مريم لسه واقفة لييي
بستني المواصلات بس 
_ اركبي هوصلك أنا 
لاء لاء اتفضل انت عشان متعبكش هو شويه وعربيه هتيجي 
_ مينفعش اسيبك دلوقتي لوحدك اركبي وانا هنزلك قدام البيت 
ركبت وانا ساكتة كنت دايما بكتب عن الراجل الطيب الي ممكن طيبته تكفي العالم كله بس برجع اقول دا كله خيال أنا دلوقتي حاسه إني لقيت حد طيب اويي وسيم زوق شيك .
_ ومامتك مالها بقي بتشتكي من اي يعني
اه عندها السكر 
_ لا الف سلامه عليها بس