كروووونا كاملة
اسكريبت
" امتحانات الثانوية ف ظل الكورونا "
أمل : ندي سمعتي ضباط جيش هما اللي هيراقبو علينا 🤦
ندي : اه سمعت وشكلنا هنروح بعرسان 😂😂
امل : اتلهي عرسان ايه مش لما نعدي من المخروبة دي الاول
ندي: تؤ تؤ زوجي قرة عيني شيلوني ودوني عند بيت حبيبي
امل : اخرسي بقا وانت صوتك نشاز.... هنهبب ايه الوقتي
ندي : سبيها علي الله
امل : ونعم بالله
""اول يوم امتحانات ""
ندي : يا سنه سوخة انا مش عارفه احل حاجه ههبب ايه الوقتي
الظابط : بتقولي حاجه يا انسه ركزي ف ورقتك
الظابط : اتفضلي
ندي : ابوس ايدك سيبني اغش
الظابط : انتي بتقولي ايه مينفعش طبعا
ندي : ايه معندكش اخوات بتمتحن 😢
الظابط : لا معنديش
ندي : وحياة عيالك
الظابط : مش مجوز
ندي : ارجوك اكسب فيا ثواب ده انا كده ابويا هيشعقلني
الظابط : يا انسه بصي فورقتك عيب كده
ندي : متسيبني بقا وانت زي القمر كده
الظابط : ايه اللي بتقوليه ده
ندي : مبقولش سيبني بقا
الظابط : اللهم طولك يا روح
الظابط : انتي جايه تفولي عليا
ندي : مقصدش بس فيه كورونا والاعمار بيدي الله
الظابط : خلاص خلاص انا مش هخلص منك اتهببي غشي بس براحه وحلي عني بقي
ندي : وبكده الخطة نجحت جيالكم يا اوائل
"" امتحانات ثانويه في ظل الكورونا ""
Part 2
بعد امتحان العربي
امل : عملتي ايه ياندي في الامتحان
ندي: ده كان سهل اوي خلصته بسرعه
أمل: احنا هنستعبط ده انتي كنتي داخله تشليه
ندي : اصل كان في ظابط قمور سابني اصرف نفسي
امل : اه قولي كده بقي زمانك زهقتيه فعشته
امل : انت هتقوليلي
ندي : بصي هناك بسرعه الظابط القمور اهو
امل : يخربيتك وطي صوتك زمانه سمعك ... بس ايه الحلاوه دي بجد
ندي : انتي هتعاكسيه وانا واقفه ولا ايه
امل : خلاص اخرسي يلا نروح
عند الضابط اسمه عمر
واقف مبتسم وبيحاول يكتم ضحكتة بالعافيه
سيف ظابط زميله : مالك ياعم واقف بتضحك علي ايه السناره غمزت
عمر : غمزت ايه ده البنات دول شياطين زهقوني فعيشتي مش عارف ايه اللي جابنا نراقب عليهم من الاول شويه وهنقلب دادات يخسارة سنين الكلية الحړبية امشي ياعم نروح
في بيت ندي
بس ايه الحلاوه دي هو ازاي كده *وبدأت تفتكر شكله* طويل 185 عينه زرقه شعره شديده السواد بشرته تميل للأبيض ويقف ف ثقة جعلتها تذوب ( مش عارفه دي هتروح تمتحن بعد كده ازاي )
ايه اللي بهببه ده اما اقوم اذاكر وبدأت تذاكر قصه الانجليزي " مسجون زيندا"
عمر : بيتخيل شكلها وهو بيضحك ندي " قصيره نسبيا 159 عينه سوده بشرتها بيضاء ومختمره واللي ميعرفوش شعرها اسود به قليل من اللون البني شديد النعومة وطويل يذهل من يراه " قصيره بس قرده ايه اللي انا بقول ده يلا كدا كدا اكيد معتش هشوفها
امل بترن علي ندي
ندي : يا نعم عايزه ايه
امل : معرفتيش اللي حصل
ندي : لا في ايه
امل : ........
ندي نعممممم
يتبع" امتحانات الثانويه ف ظل كورونا "
Part 3
امل : عرفتي اللي حصل
ندي : ايه في ايه
امل : الظباط اللي رقبو علينا النهارده هيكونو نفسهم مش هيتغيرو طول الامتحانات
ندي : نعم.... يعني الظابط الحيلاوه ده هيفضل يجي
امل : اايوه .. واحترمي خمارك يا ابله مينفعش كده
ندي : مش قصدي اصل معرفش اسمه
امل : زمانه مضي علي البوكيلت مشوفتيش الاسم ليه يا هبله
امل : المهم خلصتي لحد فين الوقتي
ندي : عند راسيندل وهو قاعد مع الأميره فلافيا
امل : يبنتي اخلصي انتي لسه هنا يلا معدش وقت وبطلي مرقعه
ندي : المرقعة دي جزء من شخصيتي ... حاضر خلاص هقوم اكمل سلام ياقلبي
امل : سلام يا روحي ... اما اشوف اخرتها معاكي
نيجي بقي لوصف امل ... ( زي ندي 18 سنه اطول منها 165 وهي وندي زي الاخوات من الحضانه شعرها بني يميل للاصفر بشرتها معتدله مختمره كمان ومجتهده جدا ف مذاكرتها عايشه مع باباها ومامتها ومعندهاش اخوات )
( لكن ندي عايشه مع والدها وامها متوفيه ليها اخ مالك اكبر منها ب6 سنين متخرج من تجاره )
ــــــــــــ;ـــــــــــــ
سيف بيرن علي عمر
عمر : ازيك يباشا
سيف : تمام الحمد لله وانت
عمر : تمام
سيف : عرفت اخر التعليمات
عمر : في ايه مش هنروح نراقب
سيف : لا لا ده انت طموحك كببر اوي
عمر : ايه لخص
سيف: هنتثبت في اللجان اللي كنا فيها
عمر :ايه ... يعني البنت الزنانه دي هتفضل ورايا
سيف : بنت مين ها
عمر : يابني واحده نص شبر بس ايه بالعه راديو مبتهداش جابتلي صداع
سيف : اه قلتلي .... تلاقيها بتعمل كده عشان تغش
عمر : وعلي مين مش هخليها تبص جنبها بعد كده ... لسه متعرفش مين الرائد عمر الأسيوطي
سيف : براحه علي البنات شويه يبني مش هنبقي احنا والامتحانات عليهم
عمر : سيبك انا عارف هتصرف مع الاشكال البايظه دي ازاي كانو يذاكرو بدل المرقعه دي
سيف : ماشي تمام سلام * شكلها هتبقي سلملي علي الشهدا اللي معاك
عمر : سلام * اما سودت عليكي الامتحانات عشان الصداع اللي عملتيه مبقاش انا عمر الأسيوطي
جه يوم امتحان الأنحليزي
امل : ياااااااندي ياااااااندي اصحي بقي يخربيتك هنتأخر علي الأمتحان
ندي بنوم : طيب 5 دقايق بس ...
امل : بقي كده طيب براحتك ..
ندي : ايه ده يخريبتك حد يصحي حد كده
امل : بقالي ساعه بصحي فيكي
ندي : تقومي ترمي عليا مايه ساقعه انت بتستهبلي
امل : اخلصي بطلي نق قومي البسي
ندي : ياستار يارب طيب اخرحي اما البس .... خلصت يلا يا ستي
امل : يلا .. صحيح خلصتي مذاكره ؟
ندي : اه طبعا انتي عارفه ان ال E لعبتي
امل : واشمعنا العربي
ندي : انتي عارفه اني كنت تعبانه ومعرفتش اراجع حاجات كتير ويلا الحمد لله .
امل : تمام يلا عشان منتأخرش
ندي : يلا
امل : سلام دي لجنتي
ندي: تمام ودي لجنتي نتقابل هنا بعد الامتحان
وفجأه ندي شافت اټرعبت ...
ياتري ندي شافت ايه رعبها كده
وايه اللي عصب عمر وخلاه عايز يسود اللجنه
عايزه اشوف تفاعل حلو عشان اكمل
وطولته اهو زي ما طلبتم
#يتبع
" امتحانات ثانوية ف ظل الكورونا "
Part 4
ندي شافت الظابط " عمر " وكان متعصب جدا في ڼار بتطلع منه
عمر : يلا منك ليها بسرعه اترزعو وكل واحده تخليها في ورقتها واللي هلمحها بتبص هنا ولا هنا همرجحها ( عڼيف اوي عمر ) يلا بسرعه هنوزع الورق
ندي فعقلها : هو ماله ده جاي بزعبيبه كده ليه ما كان كويس اول يوم ربنا يستر
الامتحان كان ماشي واللجنه محروقه صوت النفس مسموع وكل شويه عمر يزعق لو حس بس ان حد بيفكر مجرد تفكير انه يحاول يغش ( شكلها هتبقي طين )
ندي اعصابها بدإت تتعب وخصوصا لما واحده قامت صوتت ( كانت بتمثل عشان تغش بس عمر قفشها )
وعمر تصرف معاها تصرف عڼيف واخد ورقتها وخرجها من اللجنه
بعد ما البنت خرجت ندي صابتها رعشه وقعدت ټعيط ف صمت وتترعش جامد وتقول ماما بصوت واطي كتير ورا بعض ماااااااماااااا .. ماااااااماااااا..ومنزله راسها وحطت ايدها علي ودانها والنوبه بدإت الموضوع استمر شويه لحد ما عمر لاحظ فكرها بتهزر ولا بتمثل زي اللي قبلها عشان تغش راح جنبها وقال
عمر : يا انسه بطلي تمثيل بقي مفيش غش يلا بطلي مرقعه بدل ما اسحب ورقتك
ندي ولا كإنها سامعاه والرعشه بتزيد
عمر : رزع علي التخته جامد لدرجه انها وقعت علي الارض ولسه بتتشنج
*الامتحان كان قرب يخلص وفي بنات سلمت وخرجت امل سلمت وراحت تشوف ندي عملت ايه عدت من قدام لجنتها واول ما شافتها وهي بتقع دخلت تجري عليها
امل : ندي ... ندي مالك اهدي الدوا ! اه الدوا فين راحت دورت ف شنطتها تطلع الدوا بسرعه تديهولها
عمر * واقف مذهول مكنش متوقع تكون تعبانه ومن الصدمة متكلمش
ندي رعشتها بدإت تقل وتهدي شويه وأمل حاضناها وقاعده تهديها ا
ندي : ماما ... ماما .... ماما
امل : مفيش حاجه اهدي اهدي انا هنا انا هنا
في الوقت ده الامتحان وقته كان خلص والمراقب اللي كان مع عمر بدأ يلم الورق وكله بيخرج وعمر واقف متنح مش فاهم حاجه
ندي بقي الدوا في نسبة مهدئ ف نامت علي التخته
عمر : يا انسه هو في ايه
أمل : والدة ندي متوفيه ف حاډثه وندي كانت موجوده معاها وقتها وكانت قاعده تصرخ بهيستريه وقعدت فتره لحد ما خد جه انقذهم فمن وقتها اي ضغط جامد عليها او تسمع حد پيصرخ بتدخل فنوبه ... انا اسفه بالنيابه عنها هي اكيد متقصدش
عمر : انا اللي اسف اني زودتها في اللجنه خليكي هنا معاها لخد ما تفوق وانا هعرفهم بره
امل : شكرا جدا لحضرتك
بعد شويه ندي بدأت تفوق
ندي: ايه اللي حصل هو الامتحان خلص انا مش فاكره حاجه .
امل : اهدي مفيش حاجه هو بس اللجنه كان شكلها صعبه ف انتي ډخلتي ف نوبه
ندي : نوبه ..! اه ابتديت افتكر
امل: الحمد لله لحقتك بالدوا وانتي نمتي شويه .. صحيح بما انك افتكرتي اخبار الامتحان ايه والظابط وبتغمزها ( عشان تخرجها من المود)
ندي : لا انا خلصت الإمتخان بدري كان سهل ما انتي عارفه الانجليزي لعبتي
ظابط مين ... اه اللي كان مسودها علينا مش عارفه ماله كان قالب علينا اوي
منه لله ده انا كنت مړعوبه وشويه وكنت هنسي اللي مذاكراه
امل : لسه معرفتيش اسمه !
ندي : انا كنت ف ايه ولا ايه يا شيخه اهدي شويه
امل : ده خاېف عليكي يا بنتي وسمحلي اعد هنا لحد ما تصحي وانتي عارفه محدش بيعد ف اللجنه لما الجرس يضرب
ندي : يلا سيبك لسه قد ايه علي البريك قبل ما يخلص عايزه اخرج اشم هوا
امل : لسه شويه تعالي
عند عمر
سيف : مالك سرحان ف ايه يبني
عمر : اه مفيش حاجه
سيف : يبني قولي ف ايه
عمر : شكلي طلعت ظالم ندي
سيف : ندي مين
عمر : بنت بتمتحن
سيف : ولحقت تحفظ اسمها هي السناره غمزت ولا ايه
عمر : يبني بطل تفكيرك ده بجديه *
سيف: خلاص خلاص مش قصدي اعصبك ف ايه
عمر : هحكيلك ...
فلاش باك ليوم امتحان العربي لما امل وندي كانو واقفين مع بعض
ندي : عرفت اضحك علي المراقب واخيله يسيبني اغش
امل : زمانك زهقتيه
ندي : انا ده كيوت
امل : ندي !
ندي : قرفته حبتين بس
امل : ايوه بقي قوليلي
ندي : هو اللي اهبل اعمله ايه
عمر كان واقف قريب وسمع واتعصب جدا من كلمة اهبل
عمر : * انا الرائد عمر الاسيوطي ظابط الجيش بيتعملي الف حساب واحده زيك بتقول اهبل انا غلطان اني تساهلت معاكي شكلك بنت فاشله اصلا وملكيش ف المذاكره هوريكي
نرجع تاني
عمر : ده اللي حصل عشان كده قلت هسود عليها اللجنه بس البنت طلعت تعبانه وجالها نوبه .....
سيف : كل ده حصل والبنت اخبارها ايه الوقتي
عمر : بقيت كويسه
سيف طب هتعمل ايه الوقتي
عمر :......
ياتري عمر هيعمل ايه
#يتبالجزء الجديد موجود على صفحتي ادخلو شوفوه
" امتحانات ثانوية ف ظل كورونا "
Part5
سيف : هتعمل ايه
عمر : ......
سيف : متأكد
عمر : لازم اتحمل نتيجة غلطي
سيف : تمام يلا عشان اللجنه هتبدأ
عمر : سلام
امتحان الإقتصاد
ندي : انا خلاص بقيت كويسه يلا عشان متتأخريش علي لجنتك
امل : متأكده
ندي : ايوة يابنتي يلا انكشحي بقي
امل : ماشي يباشا سلام
ندي ( الباشا شرف بسلامته ربنا يعديها علي خير )
عمر : هدوء .... انا شكلي زودتها معاكم في الامتحان اللي فات انا اسف ومش معني كده اني هسيبلكم السايب ف السايب * وكان ينظر نحو ندى
ندي * هو مفكر اني فاشله ولا ايه عشان امتحان العربي وانا مالي ما يفكر زي ما هو عايز كان من بقيت عيلتي يعني
الورق اتوزع وكله بدأ يحل
عمر كل فتره كان بېختلس نظره علي ندي كان عايز يطمن هي كويسه ولا لسه تعبانه
* وانا مالي قلقان عليها كده ليه ما تحل ولا تولع انا اعتذرت وخلاص معلييش ذنب بس هي حلت لوحدها ومبصتش جنبها لا ف الانجليزي ولا الوقتي معقوله تكون بتغش وانا مش واخد بالي !!
عمر : قومي يا انسه ..
ندي : نعم ! بتكلمني
عمر : ايوه قومي اخلصي
ندي : هو في حاجه
عمر ،: من غير كلام كتير قومي يلا
ندي : حاضر، حاضر بس متزعقش
عمر لاحظ انه زودها وانها خاڤت : دور مكانها لتكون مخبيه برشام هنا ولا هنا بس ملقاش حاجه : خلاص تمام يا انسه اعدي
ندي * مكانش سؤال عربي انا غلطانه اني استأذنت منه يومها كان لازم الامانه تاخدني اوي كده ما كنت صرفت نفسي وخلاص يلا الحمد لله
الامتحان خلص والورق اتلم
امل : ها يا ندي كويسه
ندي : يابنتي كويسه خلاص متقلقيش انا بس يمكن نسيت اخد الدوا ف تعبت
امل : طب يلا نروح
ندي : انا جعانه متيجي ناكل الاول
امل : ما انتي لسه واكله ف البريك لحقتي يا مفجوعه
ندي : قري عليا قري الله اكبر الله اكبر ف عينك يا شيخه
امل : خلاص خلاص بتخمسي علي ايه امشي نطفح
ندي : اهو هو ده الكلام يلا ياابو الصحاب
امل ،: ما تحاسبي الفاظك يابنتي ده انتي عدتيني ف واحده مختمره تقول كده
ندي : مش انا قلت
امل : اه
ندي : يبقي في.
امل : طب يلا يا روحي عشان نروح علي طول
*وهما في المطعم
ندي : صحيح الامتحان الجاي هيبقي ايه
امل : اول مره اشوف دحيحه مش عارفه الجدول
ندي : وانا اشغل دماغي ليه ما انا اعرف قبلها وخلاص
امل : صحيح وهتقلقي من ايه ما انتي مراجعه المنهج مرتين ثلاثه
ندي : يابنتي بطلي قر بقي ما انتي مذاكره زي
امل : طب اتلهي ياختي ف الاكل يكش تشبعي
هوب هوب من سمع الحوار اللذيذ ده
عمر كان ف الترابيزه اللي وراهم مع سيف وسمع ااحوار
عمر * يعني هي مطلعتش فاشه وبايظه زي ما كنت مفكر وتفرق ايه يعني وأنا مالي
سيف : مالك يبني سرحان ف ايه من ساعه ما قعدنا
عمر : اه.... لا مفيش حاجه يلا نمشي
سيف : مش ناكل الاول انا واقع
عمرر: ممم ماشي يلا اطلبلنا اي حاجه
سيف : تمام
__________________________________________
Part 6
" امتحانات ثانويه ف ظل كورونا "
امل : ايه مش هتروحي
ندي : لا جايه معاكي
امل : يبنتي روحي انتي مش كنتي تعبانه
ندي : ملكيش دعوه خفيت
امل : صبرني يارب علي اللزقه دي
ندي : هفضل علي قلبك دايما
امل : ماشي انجري يلا
ندي : حاضر بس متزقش كده يصحبي بوراحه عليا
امل : بوراحه ! ومتزقش ! انتي متأكده انك بنت عادي كده
ندي :يلا يا ابو الصوحاب مش هنبتدي المرشح اللي مبيخلصش
بعد ما وصلو بيت امل
وفاء ( ام امل ) : ازيك يا ندي
ندي : الحمد لله يا طنط اخبارك ايه وحشاني
وفاء : يابكاشه لو كنت وحشاكي كنتي جيتي تشوفيني
ندي : والله وحشاني هو بس بنتك ام بوز شيبرين اللي مكنتش عايزاني اجي
امل : ما تخرسي يبنتي بقي
وفاء : اهو انتم كده مبتبطلوش خناق دايما ناقر ونقير
ندي : اعمل ايه بقي انتي مش شايفاها، كويس اني مستحملاها لحد الوقتي
امل : بقي كده طب بيتك بيتك وروحي يلا
ندي : وانتي مالك انتي انتي انا جايه لفوفه
امل : يابنتي دي امي ومبدلعاش احترمي نفسك بقا
ندي : ملكيش دعوه مش كده يا فوفه
وفاء : طبعا يا حبيبتي ... يلا عشان تتغدي
امل : تتغدي ايه مش هتروحي
ندي : لا هتغدي وانتي مالك يلا يا بخيله .... عملالنا ايه يا فوفه
وفاء : بشاميل يقمر
ندي : بشاميل !وكنتي عايزاني امشي يا امل روحي يا شيخه اشوف فيكي يوم
امل : طب قومي كلي علي الله يطمر فيكي او حتي يبان عليكي ... انتي مش لسه واكله عندك بطن تاكلي تاتي ازاي افهم بس
ندي : الله اكبر .. ما قلنا بطلي قر ... ودي بشاميل يعني لو لسه قايمه من علي الاكل اعد اكل انتي هبله
وفاء : بااااس خلاص بطلو خناق انا تعبت منكم.... يلا ندي هقوم اجيبلك عايزه يا امل
امل : ايوه يماما بس متكتريش
ندي: انتي مش واكله معايا
امل : وانتي مالك جعت .. بيتنا وانا حره
( ناقر ونقير علي طول تقلش مولدين فوق بعض بس ايه ميستغنوش عن بعض برضو )
ندي : الله يا فوفه البشاميل يجنن خدي قلبي ولا اقولك هقوم اغرف تاني
وفاء : الف هنا وشفا .. روحي يحبيبيتي
امل : ايه ياعم دي تالت مره تقومي تجيبي ايه ما تشبعي
ندي : وانتي مالك اش دخلك انتي بطني ... هل انتي بطني
امل : لا بيتنا ومكرونتنا اللي قاعده تحشي فيها دي
ندي : شايفه يا فوفه بنتك بتذلني بالاكل ازاي وانا مكالتش حاجه خلاص نفسي اتسددت
وفاء : لا يا امل عيب كده تزعلي ندوشه حبيبتي
ندي بتبص من ورا ام امل وبتغيظ امل
امل : يماما دي بتطلع لسانها وبتغيظني شايفه
وفاء بتبص علي ندي وندي قلبت وشها بسرعه وعملت زعلانه
ندي : انا يا امل شكرا
وفاء : لا يحبيبتي متزعليش خلاص
اما اقوم بقي مش هخلص من مناقرتكم
ندي : ابو الصوحاب
امل : ايه
ندي : اسمها نعم انتي هبله
امل : ندييييي متنرفزنيش
ندي : خلاص خلاص مقولتيش هنمتحن المره الجايه ايه
امل : صبرني يا رب .... احياء ارتحتي
ندي : الله ده شكله هيبقي امتحان عنب
امل : طب سبيني ف حالي بقا عشان اذاكر
ندي : طب مالك مدايقه ليه
امل : مفيش
ندي : لا في مالك
امل : انا مش فاهمه الجزئيه دي خالص * وقامت راميه الكتاب بنرفزه
ندي : اهدي يباشا مش كده ... وريني هي ايه كده
امل : دي انا مش فاهمه الشد العضلي والاجهاد خالص
ندي : بقي هي دي اللي مدايقاكي اوي كده ... خلاص متزعليش تعالي اما افهمك
امل : يلا يا ابو العريف
ندي : بصي ... الاجهاد بيحصل الاول ولو زاد بيترتب عليه الشد العضلي بس الاسباب هتلاقيها عكس بعض
امل : ازاي
ندي : يعني عشان يحصل اجهاد العضله بتعد تنقبض وتنبسط بسرعه جدا ورا بعض
بس ف الشد العضلي العضله بتبقي ف انقباض مستمر من غير انبساط
امل : اشمعنا
ندي : عشان ف الاجهاد الاكسجين اللي ف العضله بيخلص بسرعه فمش بيكون في اكسجين عشان ننتج طاقه ولما الطاقه بتقل جدا العضله بتلجئ للتنفس اللاهوائي لانه مش بيحتاج اكسحين بس المشكله في بينتج طاقه قليله جدا ما تكفيش وبيتراكم حمض اللاكتيك اللي بيسبب اجهاد العضله وتعبها ولما تزيد عن الحد المطلوب مش بيتوافر طاقه عشان الروابط تنبسط فبالتالي بتفضل ف حاله انقباض فهمتي
( حتي علميه لو حد ف ثانويه اي خدمه 😂😂😂)
امل : اه بس كده ما سهله اهي
ندي : طبعا اهم حاجه اللي بيشرح
امل : طب ماشي ياعم متشكرين
ندي : عم ! انا هديت عليك ولا ايه
امل : تقريبا
ندي : طب يلا يا قلبي عشان توصليني
امل : ما تخليكي قاعده شويه
ندي : يابنتي كنتي بتكشحيني من شويه !
امل : ميبقاش قلبك اسود بقي
ندي : ماشي ... يلا تعالي بقي
امل : حاضر من عيوني
#يتبعالتاسع موجود على صفحتي ادخلو شوفوه 🤍
"امتحانات ثانوية ف ظل كورونا "
Part 7
ندي : يوووه لازم اروح انا مبصدق اخرج معتقدش في حد مش بيحب يروح زيي كل الناس بيتهم مصدر امانهم لكن انا .. بيكون مصدر عذابي .. بضحك وابين انه مش فارق معايا لكن جوايا كل حاجه بتتحطم بحاول اهرب من الواقع لعالم الخيال بس ف النهاية لازم ارجع تاتي للواقع بمره وألمه .... امي كانت الوحيده اللي بتهون عليا بس من بعدها وكأن الدنيا اسودت ومعدش باينلها ملامح ...
سالم ( والد ندي ) : ايه يا ابله ما لسه بدري ولا انتي خلاص معدش همك حد
ندي : انا اسفة يبابا بس أمل مسكت فيا عشان اكل عندهم
سالم : طب يلا بلاش لكاعه خشي اعمليلنا ناكل
ندي : حاضر يبابا
( سالم مش اب سئ او بيعذب بنته بس هو زي ناس كتير مش قادرين يفهمو اولادهم وندي مش بتكرهه بس اوقات بتتجرح من كلام بيقوله يمكن قاصده ويمكن مش قصده بس ف النهايه مش هتفرق لاننا خلاص اتوجعنا بيه )
مالك ( اخو ندي ) : ايه يا فاشله عملتي ايه ف الامتحان
ندي : الحمد لله حلو
مالك : والله ما انتي فالحه هتجيبي ايه يعني بكره نعد علي الحيطه ونسمع الزيطه
ندي : شكرا يا مالك حاجة تانية ؟
ندي * اوقات بنكون محتاجين كلمة تشجيع من اللي حوالينا بس للأسف مش بنلاقي غير اليأس وقلة الثقه
ندي : بااابااا انا خلصت الأكل
سالم : عملتيلنا ايه بقي يا ست هانم
ندي : رز وشعريه وبطاطس وكفته
مالك : ومالك جايه علي نفسك كدا ليه
سالم : خلاص يبني .. هي لسه جاية برضو من الإمتحان
مالك : وايه يعني يبابا يعني هتحصل ايه اصلا مكنش له لازمة ندخلها ثانوي عام
سالم : امر الله اهو اللي حصل يلا قوم يابني ولو مش عجبك خد هات بيتزا ولا حاجه بتحبها
مالك : بجد يا حاج شكرا ... وقام باس ايد والده ونظر ل ندي نظره غيظ
ربنا يحفظك لينا يا بابا
سالم : ويحفظك ليا يا ابني
ندي واقفه وف عينها دموع يمكن لانها قليل لما بتحس بحنان والدها واوقات بيكون اقصي طموحها الحضن اللي مالك دايما واخده
سالم : مالك ياندي سرحانه ف ايه يلا اغرفيلي ولا هتفضلي متنحه كده
ندي : ها .... حاضر يبابا ثواني بس
بعد الاكل وندي نظفت المطبخ وروقت الشقه وكل حاجه بقت كويسه هتدخل غرفة العزل بتاعتها اللي بتحاول تفصل بيها عن كل حاجه وبتفتح صفحتها اللي بتنزل فيها كتاباتها باسم مستعار " قطرة الندي "
وتكتب وهي تتذكر كلام مالك وتدمع عينها للحظة قبل ان تخفيها حتى عن نفسها " لما الاكتراث لما يقال لما التشبث بما حكي الا يكفي معرفتنا بأنفسنا لما علينا ان نسمع عنا من اشخاص ليسو نحن.. "
وبرغم ذلك الخواء، الهدوء إلَّا أنَّ بداخلنا يَتمزق ونَحترق رويدًا رويدًا وكُل ذلك الألم مقفل عليه بداخل تلك القوقعة وكأننا لا نَملكُ حقَّ التعبيرِ عنْ الألم، وكُل مَا نَملِكه هو مشاهدةُ أرواحِنا تنزفُ وتُقطرُ دمًا حتىٰ ننتهي وكأننا لمْ نكنْ يومًا أحياء
_نهلة عادل
وفجأة تأتيها رسالة
من مجهول " عندك حق سخيف جدا اننا نحكم علي نفسنا من كلام ونظرة حد تاني ...الاسخف اننا اصلا نحكم علي حد .. عندك حق .. مهما طالت عتمة الليل اكيد هينتهي بالفجر تبسمي فلا يليق بوجهك غير السرور"
ندي مفهمتش حاجه ولا مين اللي بعت الرساله بس ده نفس الشخص اللي كل فتره بيعد يرد علي كلامها وبيديها طاقة ايجابيه ابتسمت ونسيت حزنها وكتبت
حروفُ البعضِ تكون كالبلسم لجروحنا النازفة والملتهبة مِن تراكمات الحياة المهلكة، مجرد حروف لها القدرة على التغلغلِ لأعماق نفوسنا، تنتشلنا من كهوفِ الحزن التي لبثنا بها مطولًا، سُبحان مَن جعل الكلمة الطيبة صدقة، فوالله هي نعم الصدقات للنفس وأطيبها!
_نهلة عادل
تقفل صفحتها وتعد تراجع شوية علي الاحياء ( ما الدحيح لازم يراجع برضو )
وهي بتذاكر تفتكر الشخص المجهول : ياتري مين ده وهيجي يوم واعرفه ولا الغموض هيفضل سيد الموقف ...
امل ترن
ندي : ازيك يا امل
امل : مالك ياندي
ندي : مالي مفيش .. انتي هاطله يبنتي
امل : انا كده اتأكدت انك كويسه
ندي : كنتي عايزه حاجه يا اخرة صبري
امل : اه كنت عايزه اسألك علي حاجه باليييز
ندي : قولي يا روحي انا عارفه مش هخلص منك
امل : هو ليه اللي بيزرع كِليه بيدوله مثبطات كتير بعد العمليه ها ؟
ندي : عشان اللي بيزرع كليه ده بيكون دخل جواه جسم غريب واحنا اخدنا ان القاټلة الطبيعية بتهاجم الفيروسات والخلايا السرطانيه والأعضاء المزروعه ف المثبطات دي عشان تنيم القاتله الطبيعية والا ممكن تقضي علي الكبد المزروع وتبوظ العمليه
امل : طب هو بيفضل ياخد مثبطات علي طول
ندي : لا طبعا ده بعد ما يخرج من العمليات بس فترة مؤقته عما الجسم يتعود علي الكبد المزروع
امل : اااااه ... فهمت يباشا ألف شكر
ندي : الحمد لله . .. اخيرا
امل : خلاص يعم هتزلتي عشان بتشرحلي الحاجه ست سبع مرات علي ما بفهمها شكرا
ندي : خلاص يازفت ... حاجه تاتيه
امل : لا شكرا سلام
ندي : سلام
* ندي رغم قربها الشديد من امل الا انها مش بتحكيلها علي مشاكلها او اي حاجه وبتفضل تكون كتومة وبتطلع اللي جواها ف الاكونت بتاعها
#يتبع
__________________________________
Part 8
" امتحانات الثانوية ف ظل كورونا "
مع اشراقة شمس يوم جديد
مالك : ندى ويقوم بهزها بشده وهي نائمة
ندي : ها ..ها ! ف ايه مين ماټ
مالك : قومي اعمليلي افطر
ندي : يوووه هو حد يصحي حد كدا حرام عليك قطعت الخلف
مالك : مش انا عملت كده
ندي : اه ازفت
مالك : يبقي في
ندي * هو اللي بعمله ف امل هيطع عليا ولا ايه
مالك : سرحتي ف ايه يلا قومي عشان وراكي امتحان النهارده
ندي : امتحان ! اه تصدق كنت ناسيه ههههه
مالك : فاشلة بتتكلم ... اول مره اشوف فاشله بتتكلم
يلا يا ابله قومي
ندي : حاضر ... قايمة اهو ... عايز تفطر ايه
مالك : اي حاجه .
ندي : وكالعاده مباخدش عقاد نافع
ماااااالك يلا جهزت الفطار كل وانا ماشيه راحه الامتحان
مالك : تمام يلا غوري
ندي : تشكر يا اخوة
مالك : هقوملك
ندي : باااس وتتعب نفسك ليه .. وف ثانيه كانت ندي طلعت تجري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امل : ايه النشاط ده كله جاية بنفسك وانا قلت لسه نايمة
ندي : البركة ف مالك منه لله
امل : مبسوطه فيكي بيطلع عليكي اللي بتعمليه فيا
ندي : نينينينينيننيني الصحاب في اجازة
امل : يلا يلا عشان نلحق الإمتحان .. وتشوفي اسمه ايه
ندي : افتكريلنا سيره عدله
امل : ليه يبنتي كده
ندي : اخر مره قعد يقومني ويفتش مفكر معايا برشام تقريبا !
امل : برشام ... دحيحة الدفعة معاها برشام امال الباقيين يعملو ايه
ندي : نصيبي بقي
امل : بس ايه الشياكه دي
*ندي كانت لابسة دريس بينك مشجر ورد وعليه خمار اوف وايت
ندي : اقل حاجه عندي
امل : يخريبت تواضعك
ندى: لا داعي للتصفيق
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر !
عمر : ها... نعم يا سيف
سيف : ايه يابني مالك ماشيين بقالنا شويه عمال اكلمك وانت ولا هنا
عمر : لا مفيش حاجه .. منمتش كويس بس
سيف : قطرة الندي برضو
عمر : وعرفت منين
سيف : اكيد كتبت كلام جديد وانت فضلت تفكر فيه وسرحت مع نفسك ومنمتش
عمر : هو انا مفضوح اوي كده
سيف : اوي يصحبي
عمر : اصلها بجد تحير
سيف : ليه يعني
عمر : تركيبه غريبه كلامها بېلمس القلب وعميق اوي من كآبة لتفاؤل حزن لفرح تركيبه عجيبه مشوفتهاش ف خد قبل كده
سيف : وايه ياروميو كمان اشجيني
عمر : معتش هحكيلك
سيف : خلاص .. خلاص بس انت غريب اوي يصحبي
عمر : ليه يعني اشجيني
سيف : واحده لا تعرف اسمها ولا سنها ولا عمرك شفت حتي صورتها ولا سمعت صوتها ومتأثر اوي كده بحروف بتكتبها علي الفيس ! والمشكله انك شكلك واقعت فيها
عمر : اقع ايه يابني بس اديك قلتها معرفش عنها حاجه انا بس معجب بكتاباتها وقد ايه بتلمسني من جوه مش اكتر
سيف : الرائد عمر الاسيوطي اللي بيتعمله الف حساب بقي كده لا حول ولا قوة الا بالله
عمر : انا فعلا فيا حاجه اتغيرت من ساعة ما بدأت اشوف كلماتها من سنة
سيف : وايه كمان يصحبي
عمر : و.... ها وانت مالك يلا هنتأخر علي اللجنة
سيف : اهرب اهرب يعم روميو
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياتري عمر هيعرف ان ندي نفسها قطرة الندي
ومين المجهول اللي بيبعت لندي
جزءين اهو ف يوم واحد والبارت طويل عايزه احلا تفاعل
للاسف مش هقدر انزل بكره عشان عندي امتحان دعواتكم♥️
#يتبع"امتحانات الثانوية ف ظل كورونا "
Part 9
عمر دخل اللجنة وبيشوف العدد
عمر : ايه ده امال الهانم اللي هنا فين
طالبة : زمانها جايه يا مستر
عمر * الرائد عمر الاسيوطي بقي مستر منك لله يا حكومه
ندي طالعه بتجري واول ما دخلت
ندي : ..... السلام عليكم
عمر : مالسه بدري
ندي : اسفة اوي حضرتك علي التأخير
عمر : يلا اتفضلي اعدي ومعدتش تتكرر
ندي فسرها * ما قلنا اسفين ف ايه بقي استغفر الله العظيم
عمر : في حاجه يا انسه !
ندي : لا أبدًا
الامتحان بدا
ندي : بسم الله توكلت علي الله ولا حول ولا قوة الا بالله
اللهم لا سهل الا ما جعلته سهل وانت تجعل الصعب ان شئت سهلا
واخذت تردد ف ادعية وتستعيذ من الشيطان وبدإت تحل
عمر كان رايح جاي وشادد اللجنه جامد ورغم كده مكنش في توتر كبير
( ايه اللجنه اللي كلها دحيحه دي )
ندي خلصت وسلمت الورقه ومشيت بس المره دي كانت مختلفه لانها افتكرت وشافت اسمه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امل : ايه الاخبار يقلبي
ندي : الحمد لله تمام ... وانتي
امل : تمام الحمد لله
ندي : طبعا بفضل شرحي المبسط ليكي
امل : ايوه طبعا يا قرة عيني
ندي : مش عرفت اسمه
امل : اخيرا ... ده انا قلت هتنسي كالعاده
ندي : نبنينينينينني
امل : واسمه ايه الفارس
ندي : عمر
امل : انا نقطة ضعفي اللي اسمهم عمر
ندي : ايه وقعدت ف الشبكة
امل : ها... لا يبنتي شبكة ايه بس
ندي : علي رايك نعدي من المخروبة دي الاول
امل : دحيح بيشتكي هل انتِ عبيط ولا بتهزي العين ؟...
ندي : يبنتي بطلي قر بقي تعبتيني
امل : انا مش بقر
ندي : امال
امل : انا بحسد بس
وندي امل قعدو يضحكوا سوا
وواقف علي بعد سيف وعمر وبالمناسبة دي نبدأ نوصف سيف
سيف شاب ف اواخر العقد الثاني طويل القامة 180 خمري لديه عينان بخضرة الشجر لديه عضلات بارزه ويحب الهزار وجاد فعمله * الرائد سيف الدسوقي
عمر : كان شاردا ينظر نحو ندي وامل وعلي ثغره شبح ابتسامه من رؤية ضحكاتهما ولكنه افاق من شروده ليجد سيف شاردا ايضا ...
عمر : ايه يعم وبتقول ان انا اللي بسرح كتير
سيف : ها لا ابدا ... ده من الجوع تعالي ناكل
عمر : دايما كده جعان ... تعالي يلا انا كمان جعان
سيف : يلا يباشا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في الكافيتريا
عمر : صحيح يا سيف
سيف : نعم
عمر : انت عرفت منين ان قطرة الندي نزلت كلام وانا مقولتش
سيف : ها... ما انا قرأته .
عمر : ده انت متابع زيي بقي
سيف : اه ياعم شوقتني من كتر ماكنت بتتكلم علي الكلام بتاعها
عمر : ومقلتليش ليه
سيف : ماجاتش مناسبه وانا لسه متابع قريب يعني مش من زمان
عمر : ماشي يا دنجوان
سيف : يلا هتطلب ايه
عمر : هاخد نجرسكو
سيف : وانا كمان .... جرسون لو سمحت اتنين نجرسكو
جرسون : تمام يا فندم
عمر : بس ايه عجبتك الكتابات
سيف : اه جدا ... حتى استغربت ان معظمها يميل للكآبه اكنها حزينه
عمر : وايه اللي خلاك تفكر كدا
سيف : لما قرأتلها ... مُؤلِم ألّا تعرف سبب حُزنك هُناك فقط شَئ مُنطفئ بِك وبِداخلك لمْ تَعدْ كَمَا كُنت ولا تَعرف كَيف تَعُود ..
تَدخُل في حَالة المَلل المُخِيف الذي يَجعلك تَفقد الرغبَه بِأَي شئٍ حَولك والاعياء دُون سَبب وكَأنكَ مُكتَئب مِن الحَياة ومِن هم حَولك لمْ تعُدْ تُرِيد التعَامل مَع أَحد وأيضًا تُريد أحدًا بجَانِبك تَناقضٌ غَرِيب ولكنه هَكذا ..
لا تَدرِي كَيف تَصِفُ حَالتك غَيرَ أَنكَ حَزِين "((
_نهلة عادل
سيف : ساعتها حسيت بكلامها اوي ولما الكلام يكون مؤثر يبقي اكيد الاحساس ده حسته قبل كده فااهم
عمر : اه فعلا انا فاكر لما كتبت كده ده من حوالي شهرين تلاته مش كده
سيف : اه من شهرين و 6 ايام الساعة ٩
عمر : ماشاء الله وفاكر ساعة النشر!
سيف : والثواني وحياتك .... ها لا عادي
عمر وهو ينظر بعدم تصريق لسيف : ماشي هعديها ... عارف ايه أكتر حاجة حبيتها ليها رغم ان كل كتاباتها في قلبي اصلا
سيف : ايه يا عمورة
عمر: الأمل؛ شعور يُبقينا على قيد الحياة، يعطينا دفعةً للأمامِ لنؤمن أنَّ بمقدورنا تحقيق المستحيل، كُل لحظةٍ في حياتنا بحاجة إلى أمل لنتجاوزها لنظل صامدين في وجه اليأس الذي يتآكلنا تدريجيًا، يُحاربان بعضهما طوال الوقت؛ لكنْ في اللحظةِ التي يفوز بها اليأس ويتمكن مِن قلوبنا لأخر قطرة ډم لن توجد لحظة أخرى، فلن نكونَ متواجدين لعيشها، الانسان يستطيع الصمود أيام دون طعام وماء، بضعة دقائق دون هواء أو حتى نبض من القلب، لكنه لا يستطيع تجاوز لحظة دون أمل، جميع البشر قد يكونون فقدو جزء من أملهم؛ لكن وجودهم على قيد الحياة يعني بالتأكيد وجود ولو جزء قليل من الأمل، وأنَّ المعركة الضارية بين الأمل واليأس لا تزال قائمة ينازع كلًا منهما الأخر ليبقى ويفوز
_نهلة عادل
سيف: هي جامدة بس اشمعنا دي اخترتها المفضلة ليك؟
عمر: فيها ازدواج غريب بين التفاؤل واليأس وصراع للبقاء مش عارف اوصفلك بس هي لخصت حاجات كتير في السطرين دول
سيف: عندك حق كل كتاباتها كده غريبة بتجمع بين كذا شعور تخليك تايه مش عارف تفرح ولا تزعل ميكس غريب بس لذيذ
عمر: يلا ناكل انا واقع جوع
سيف: يلا يصحبي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#يتبعPart 10
"امتحانات ثانوية ف ظل كورونا "
امل وندي كل واحدة فيهم ف طريقها للبيت وسرحانه فملكوتها
ندى * ظهرت ابتسامة خفيفه علي وجهها وهي تتذكر اول رساله ارسلت اليها من مجهول كانت من ٣شهور كانت وقتها حزينه ومكتئبة وكعادتها عند الحزن تدخل إلى صفحتها المستعاره " قطرة الندي " وتبدأ ف الكتابة يومها كتبت
أعلمُ أن كل مُر زائل وجميعنا راحلون ولكن أهذا يكفي لعدم حزننا؟! أيكفي لنقابل كل هزائمنا بابتسامة، لمحو أحزاننا، لتجاهل مرارة الأيام وغدر البشر؟!، لتناسي أحلامنا التي أضحت سرابًا، لمعانقة جروحنا وتطيب آلامنا وتهدئة زئيرنا وعويلنا الليلي؟!، أيكفي للشعور بالأمان وسط الضعف والخواء والفجوة العميقة في أرواحنا؟!، أتلتئم الچروح! لكن الندوب ستظل آثارها باقية تنتظر الوقت المناسب لتفيض بالألم وكأن إصابتنا بالچرح كانت الآن! ووشاح القوة سينهار مع غروب الشمس وبقاءنا بمفردنا لنبدأ رحلتنا في قهر النفس.
_نهلة عادل
وكانت وقتها تشعر بالتيه والحزن لتأتي رسالته ك قشه تتعلق بها حتي لا ټغرق
كانت الدموع تملأ عينها تبكي بصوت مكتوم تخشي ان يشعر احد بها من البيت لتنتبه علي صوت رسالة تقول :" نعم يكفي رُبما نسيتي لكنها فانية لا تستحق حزنك، حزنك سيُمر قطرتي وستلمعين من جديد مهما حدث معك ومهما كان مُره فلم يبتليك الله به الا للنه يعلم أنه في طاقتك اصبري وستثابين من الله، ألم يقل الله " لا يكلف الله نفسا إلا وسعها " اذا مهما حدث معك ف انتي قادرة علي تخطيه امسحي دموعك واشكي لربك ف أمره بين الكاف والنون " ان بعد العسر يسرا لا يليق بكِ الحزن يا قطرتي ..
اتسعت بسمتها وهي تتذكر كلمة "قطرتي " وكيف ينهي بها كل رساله كيف امتلكها هكذا من كلمة واحده ... قطرتي
لتكمل طريقها الي المنزل وبسمتها لا تزال علي وجهها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أمل : تسير شارده وعلي وجهها ابتسامة مشابهه لندي* اسمه عمر
تتذكر اول مرة رأته حينما كانت ندي مصاپة بالنوبة تتذكر كيف كان قلقا ويتعامل بكل ود رغم انه لا يعرفها ولا يعرف ندي تتذكر محاولة تهدئتها حينما كانت قلقه علي ندي .... كيف يكون رائدا ف الجيش وبهذه الرقة سحقا .. هل وقعت ف حبه !
لا مستحيل كيف وانا لا اعرفه كل ما اعرفه هو اسمه وشكله تهييم وهي تتذكره وتتذكر عيناه التي تكاد تجزم انهما احلا من لون البحر وقامته الشاهقه تبدو بجواره وكأنها طفلته الصغيره
تقوم بضړب رأسها : ايه اللي بفكر فيه ده انا اتهبلت ولا ايه استغفر الله العظيم
وتقوم بتأنيب نفسها : ده الغض البصر برضو يا امل يارب سامحني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر بيوصل سيف بعربيته عشان عربيته ف التصليح ورغم انهم مع بعض الا ان الصمت كان سيد الموقف وكلا منهم ف ملكوته
عمر * يتذكر ضحكات ندي وامل وعلي وجهه شبح ابتسامة واخد يتأمل احدهما ويسترسل ف ادق تفاصيل وجهها ولكن ايهما يا تري ...
سيف * وهو يتذكرهما ايضا : لما اشعر اني اعرفها لما شعرت بتلك الألفة وانا اكيد انها اول مرة ارها ولكن هل هي اول مره حقا .....
ليتذكر احدى خواطر قطرة الندى
أسهم عيناك اخترقت قلبي، وسُمها جعلني متيمةً بك، فمتى الشفاء منك؟ وقد انتشرت وتوغلت في كل نفس حتى أصبحت أنت الهواء!
_
Part 11قبل الاخير
" امتحانات ثانوية ف ظل كورونا "
أنتظرك لكي تنتشلني من غياهب الوحدة، وأغوار الضياع، ولهيب اليأس، وبراكين الألم المتفجرة في نفسي، وتفشت في كل أركاني كما المړض بالجسدِ
_نهلة عادل
بتمر الأيام ومعاها الإمتحانات ولسه المجهول بيبعت لندي وندي بتتعلق بيه وبتستني رسالته كل يوم بفارغ الصبر
وأمل بتحاول ټخطف نظرة كل شويه لعمر عشان كده بتتعمد تروح لندي اللجنه كل امتحان لحد ما انتهت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مالك ( اخو ندي ) : ازيك يا حسام
حسام ( صديق مالك ) : تمام يسطا ..عامل ايه
مالك : تمام .... ليك واحشه يصحبي فينك بقالي كتير مشوفتكش من ساعة ما دخلت الجيش
حسام : بنتمرمرط والله والاجازات قليله اوي وخصوصا عشان كنت لسه ف الاول يعني و كده
مالك : اه يا معلم زمانك عملت اصحاب تانيين ف نسيتني
حسام : لا والله مش كده انا اقدر انساك برضو... بس ده ميمنعش اني عملت صحوبيه برضو
مالك : اه بقي قولي
حسام : عندي واحد صحبي وقف جنبي جامد هناك ف الاول بحبه اوي اسمه ..... لازم أبقى اعرفك عليه
مالك : ان شاء الله يا حبيبي .... بس ايه اللي فكرك بينا ف حاجه ولا ايه؟!
حسام : كده يعم يعني انا غلطان اني جيتلك ... انا ماشي
مالك : لا يعم مش كده يعني زيارتك دي مفيش وراها حاجه
حسام : مش بالظبط كده
مالك : اهو زي ما قلت يعني جاي فمصلحة
حسام : طب استني اسمعني بس
مالك : اشجيني
حسام : انا خطوبتي الخميس اللي جاي
مالك : بجد ... الف الف مبروك يصحبي ... وساكت كل ده ما تقول من بدري
حسام : بقول اهو يعم ابقي تعالي بقي انت وندي ... وحشاني اوي بنت الجنيه بقالي كتير مشوفتهاش زمانها كبرت
مالك : ما انتم اللي عزلتم من 5 سنين ولولا انا كنت بجي اشوفك والزيارات قلت من لما دخلت الجيش من 3 سنين
حسام : يلا خير هي بقت ف ايه الوقتي
مالك : خلصت ثانويه عامة وف انتطار النتيجه
حسام : يلا ربنا معاها ... لسه بتغلس عليها
مالك : طبعا يبني مبقاش مالك
حسام : طب براحه علي البت شوية بكره تتجوز ومعتش تشوفها
مالك : لا طبعا هفضل اغلس عليها برضو بنت قطرة الندي
حساام : يااه بقالي كتير مسمعتش الاسم ده .... وفنفس الوقت تليفونه رن وهو بيرد
وحشني اوي اسم قطرة الندي لسه بتسمي نفسها بيه
اللي علي التليفون ... : بتقول مين يا حسام
حسام : ...... لا يصحبي مكنتش بكلمك كنت بكلم واحد زميلي
* : انت كنت بتقول قطرة الندي !
حسام : ده نيك نيم بتاع اخت صحبي سيبك ازيك
*: الحمد لله .... وانت
حسام : تمام ...... متنساش خطوبتي
*: طبعا يبني هو انا اقدر مجيش
حسام : تمام مع السلامه
*: ف حفظ الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مالك : ده صحبك اللي كنت بتكلم عليه
حسام : اه هو .. هبقي اعرفكم علي بعض يوم الخطوبه ... صحيح
مالك : نعم
حسام : قطرة الندي لسه بتكتب خواطرها
مالك : اه يبني ومفكره اني معرفش
بس انت عارفني عمال اتابعها ف صمت من يوم ماكانت ناسيه الصفحه مفتوحه وكنت ماسك تليفونها اعمل من عليه مكالمة زي ما حكيتلك قبل كده
حسام : وانت مقولتلهاش ليه
مالك : لو عرفتها ممكن تتحرج تنزل تاني ... وده المكان اللي بتفضي فيه اللي جواها ..وكمان بتنمي موهبتها
حسام : م انت لو تبطل تئذيها بالكلام يبني وتغلس عليها
مالك : مش بيبقي قصدي والله هي اللي حساسه زيادة وكمان بحاول استفزها عشان تطلع اللي جواها حلو
حسام : انت لسه بتدور لها علي ......
مالك : اه ولقيت الحمد لله وهعملها مفاجأة كمان
حسام : طب استني متقولهاش الا يوم خطوبتي عشان اشوف وشها
مالك : تصدق فكره حلوه .. ومش هتبقي متوقعها كمان
حسام : عشان تعرف افكاري
مالك : وهخليها كمان تجيب صحبتها امل
حسام : ماشي يعم اي خدعه
مالك : يلا يعم غور احنا هنتصاحب
حسام : ايوه كده خد غرضك مني وبعدين ارميني
مالك : ايه قلبت علي موزه كده ليه ما تنشف ولا الجيش طراك زياده
حسام : تصدق يعم انا غلطان يلا غور سلام
مالك : سلام. ....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مالك : ندييييييي
ندي : ايه يبني مالك بتزعق ليه .
مالك : عندي ليكي خبر حلو
ندي : وانت بتيجي من وراك اخبار عدله
مالك : بت اتظبطي لاظبطك ولا ضړبي وحشك
ندي : ايه يا مالك يحبيبي مالك قفوش كده ليه بهزر مش قصدي
مالك : ناس متجيش غيير بالعين الحمره
ندي : يلا ايه الخبر الحلو
مالك : الخميس الجاي خطوبة حسام
ندي : بجاااااد حسام المنياوي خطوبته الخميس !
مالك :.ايوه يستي وعازمك بالاسم
ندي : الله .... بس هروح وانا معرفش حد اعمل ايه
مالك : ما انا عامل حسابي فقلتله انك تعزمي امل صحبتك وهو وافق
ندي : بجد وقامت حضنت مالك ماشي يحبيبي ..... انا اقوم اقول ل أمل
مالك : طب خليها تجهز نفسها عشان تنزلو تشترو فساتين كمان
ندي : وهي بتطنطط من الفرحه بجد ي ابيه الله انا مبسوطه اوي
( ندي مش بتقول لمالك ي ابيه الا وهي فرحانه ومش زعلانه منه )
مالك ف نفسه * فرحت بس من كده امال لما تعرف المفاجأه هيغمي عليها من الفرحه
ندي : بتضحك علي ايه ي ابيه
مالك : لا ولا حاجه يلا قومي قولي لامل
ندي: ماشي ي ابيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ندي بترن علي امل
امل : بصوت منعوس : ايه ي زفته بترني ليه .
ندي : انتي لسه نايمه ي كسوله قومي
امل : يبنتي خلاص اخدنا الإجازة اقوم اهبب ايه سبيني انام
ندي : قومي عندي ليكي خبر حلو
امل : قولي ي اخرة صبري
ندي : فاكره جارنا حسام صاحب مالك اخويا
امل : ماله
ندي: خطوبته الخميس اللي جاي
امل : وانا اعمل ايه ايه بترني عليا ليه برضو
ندي : عشان تيجي معايا
امل : اجي اهبب ايه
ندي : عشان معرفش حد هناك ومش عايزه ابقي لوحدي
امل : ما مالك هيكون معاكي
ندي : هيكون مشغول مع حسام واصحابه
امل : وانا ذنبي ايه
ندي : ذنبك انك صحبتي وبزعل مصطنع بااااليز يا امولة متزعلنيش
امل : خلاص خلاص بطلي هتعيطي ف التليفون
ندي : يعني هتيجي
امل : ايوه يسيتي سبيني انام بقي
ندي : ماشي بس اجهزي بكره عشان نروح نجيب فساتين كمان
امل : ماشي سلاام بقي
ندي : سلام
تقوم قطرة بكتابة خاطرة جديدة
وماذا بعد كسرةِ القلبِ والصياح؟! متى سنبدأ برمي أعبائنا جانبًا والالتفات إلى نفوسنا؟! ماذا قدم لنا الأخرين لنمضي ما تبقى لنا من الحياة باكين عليهم؟!، متى سنتعلم وضع نفوسنا أولا والسعي لنكون سعداء؟! بدلًا من السعي لنكون تعساء! أعتقد حان الوقت لتكون أولويتنا سعادة نفوسنا وراحتها وليذهب الباقي إلى الچحيم
_نهلة عادل
ثم تأتيها رسالتها من المجهول " قريبًا جدا ستختفي احزانك أو على الاقل سأكون بجانبك لنتشاركها سويًا فيخف عبئها عنك فكما قلت وسأظل أفعل دائمًا لا يليق بكِ سوى السعادة قطرتي .. حتى وإن كانت كتاباتك الحزينة تعطي لذة عند قرائتها .. لنا لقاء قريب قطرتي
_______________________________________
يا تري ايه المفاجأه اللي عاملها مالك ومين صاحب حسام كل ده هنعرفه ف البارت الجاي والاخير
#يتبعPart 12 والاخير
" امتحانات ثانوية ف ظل كورونا "
سيف : مالك ي معلم بقالك فتره مسهم جامد ودايما سرحان ف ايه حب ولا ايه .
عمر : ها... لا ولا حاجه
سيف : لا ما انا مش سايبك النهارده الا اما اعرف
عمر : يبني مفيش
سيف : علي بابا يلا ... قول بالذوق احسن
عمر : شكلك مش هتسييني ف حالي
سيف : اه .. ف لخص وهات من الاخر
عمر : طيب .... وحشتني
سيف : هي مين
عمر : بنت من اللي كانو بيمتحنو
سيف : لحقت تتعلق بيها ولا ايه يبني
عمر : هترخم مش هكمل
سيف : خلاص ... خلاص قول
عمر : شفت منها كذاا موقف كبروها ف نظري واعحبت بيها
سيف : ما يمكن اعجاب بس
عمر : كنت مفكر كده بس مبترحش من بالي من ساعة ما الامتحانات خلصت .. وديما ف بالي ومش عارف اشيلها منه
سيف : لا ده انت شكلك وقعت ومحدش سم عليك
عمر : اتلهي بقي وسيبني ف اللي انا فيه
سيف : ليه بس
عمر : اصلي معرفش غير اسمها بس
سيف : ايه
عمر : .......
سيف : بس طب متعرفش حتي اسم ابوها
عمر : لا ي فالح م لو كنت اعرف مكنش ده حالي
سيف : وهتعمل ايه هتدور عليها وتيجيب مايكروفون وتنادي عليها عيلة تايهة يولاد الحلال
عمر : بطل سخافة ياا رزل
سيف : خلاص يعم .... صحيح هتيجي يوم الخميس
عمر : اه .. الكابتن رن وعزمني ... هيودع العذوبيه
سيف : اعبالنا
عمر : وانت ايه مفيش حاجه كده ولا كده
سيف ب ارتباك : ها لا يبني مفيش
عمر بنظرة شك : ماشي هعمل نفسي مصدقك سلام
سيف : سلام
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امل : ياااااااانديييييي .... قومي بقي يبنتي تعبتيني
ندي :‘.......
امل : بقي كده ماشي .... وراحت تجيب تلج
ندي : اه يح اااااه
امل :ھموت هههههههههه
ندي : حد يصحي حد كده ي امل
امل : زهقتيني وانا قاعده اصحيكي الجيران صحيو وانتي لا قومي بقي كل ده نوم وقال ايه هاجي الاقيكي جاهزه
ندي : عمرك جيتي لقيتيني جاهزه
امل : الصراحه لا
ندي : طب ايه بقي اشمعنا هتلاقيني جاهزه النهارده
امل : طب يلا ي اخرة صبري عشان نلحق المحلات قبل الحظر م يشتغل
ندي : حاضر اخرجي عما اخلص
امل : يلا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ندي : ده حلو
امل : ده خامس واخد تقسيه واقولك حلو وتقولي لا
ندي : بقي كده بتعملي كده عشان لقيتي فستانك بسرعه
امل : يبنتي خلصيني بقي
ندي : عااا
امل : ايه يبنتي
ندي : هو ده شكله حلو اوي هاخده
امل : اخيرا يلا عشان تقيسي
ندي : ماشي يلا
: لو سمحت ي انسه احنا هنقفل عشان الحظر هيبدا
امل: هتعملي ايه ي ندي
ندي : مش مشكله هاخده وانا نصيبي بقي
امل : ماشي يلا نحاسب
ندي : يلا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ندي وامل روحو
ندي * اما اشوف جالي رساله ايه النهارده
المجهول : قطرتي ... اما آن اوان اللقاء .. اشتقت كثيرا ... الم يحن الوقت لكي تشرقي في سمائي و تنيريها ..... ياليت كنت لك ظلا حتي لا افارقك .. لقد اصبتيني بسهام حروفك ... ضعي حد لشوقي ..... قطرتي
تبتسم ندي برقة وخجل رغم انها بمفردها ف الغرفه ... كيف اسرت من كلماته وكم تمنت ان تجيبه لكنها تخاف الله ولا تعلم نيته الحقيقية ف اختارت الصمت حتي ينتهي القدر من خططه
وذهبت ف نوم عميق .....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واتي يوم الخميس ... اليوم المنتظر ... يوم خطبة حسام ... واجتماع الابطال
مالك : يلا ي ندي اخلصي ساعه بتلبسي
ندي : خلصت وخارجه اهو
مالك تنح
ندي : ايه يبني مالك مسهم ليه
مالك : ها .. ايه الحلاوه دي كنت مخبيها عننا فين ف قمر
ندي بغرور : طول عمري يبني بس انت اللي مش واخد بالك
( ندي كانت لابسه فستان طويل واسع بدرجات البنفسج وعليه خمار باللون الابيض كانت قمة ف الاناقه )
مالك : طب يلا ي قلبي عشان منتأخرش
ندي : تمام وانا رنيت علي امل وزمانها تحت مستنيانا
مالك : تمام .. يلا
امل : يلا يجماعه بقالي كتير واقفه
مالك : ايه الحلاوة دي ي امل ... انا همشي الم وراكم العرسان ولا ايه
( امل كانت لابسه فستان بلون السماء وعليه ورود جميلة وخمار باللون الابيض ايضا )
امل : كل بعقلي حلاوة عشان مزعقش يلا اتأخرنا
مالك : فاهمني يا نصه
ندي : يلا ي حبايبي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وصلو الحفله وكانت الاصدقاء القريبين بس عشان ممنوع الاذدحام او كده وكده
ندي : مالك اختفي فين ي امل
امل بخبث : معرفش تلاقيه هنا ولا هنا زمانه جاي
ندي : تمام
فجأه الاغاني وقفت والنور انطفي وضوء متسلط علي ندي وطبعا امل جنبها
وصوت بيقول:...
أحيانًا يكونُ النجاحَ هو استمرارِ المحاولةِ والسيْر في الطريقِ؛ لا يهم إنْ لم نصلْ لنهايتِه يكفِي أنْ نَموتَ ونحن فيهِ متمسكينَ بمبادئِنَا مصممينَ علي خوضِ التجربةِ..
..
وقد يكون كل ما نحتاج إليه تجاهل أحزاننا قليلًا ومحاولة سړقة لحظات سعيدة، هانئة تسمح لنا بإعادة اكتشاف أنفسنا من جديد فكل شيء زائل يا صديقي فابتسم
_نهلة عادِل
تلك كانت مقتطفات سريعه من كاتبه المستقبل " قطرة الندي "
حبيبة قلبي عندي ليكي مفاجأتين الاولي ان في دار نشر ‘...... هتنشرلك كتاب ب اسمك
والمفاجأه التاتيه اني جيبتلك نتيجتك من الكنترول وبقيتي دكتوره المستقبل برضو
ندي طلعت تجري علي مالك وحضنته
ندي : ربنا يحفظك ليا ي احلي مالك ف الدنيا
كان في متابع ف صمت سيف لما ندي جريت علي مالك مقدرش يتمالك نفسه وخرج بره البلكونه وحاول يكتم دموعه بس في قطره خانته ....
وكان في عمر برضو مكنش مصدق نفسه وكان مفكر انه حلم وانع بيتخيلها لحد ما فاق وراح يتأكد انها هي
عمر : ي انسه
امل بتلف : قلبي .... اقصد ح الظابط
عمر كتم ضحكته ب العافيه : اه ح الظابط
امل : ف ايه انا عملت حاجه
عمر : ممكن تليفون والدك
امل : ليه عملت ايه
عمر : سړقتي قلبي
امل: افندم !
عمر : لو سمحتي وقفتنا كده متنفعش اديني رقم والدك من سكات
امل : حاضر 010........
وبعدها عمر سابها ومشي
ندي رجعت هي ومالك وشافت عمر وهو ماشي
ندي : مش ده الظبوطه اللي كان بيراقب عليا
امل : وهي ف عالم تاتي اه هو
ندي : ايه يبنتي مالك هي السناره غمزت ولا ايه
امل : ها اوي يبنتي
ندي : اتقلي يبت مش كده كان عايز ايه .
امل : رقم ابويا
ندي : لا دي غمزت فعلا شكلنا هنحضر فرحك قريب يا نصه
امل : سيبك يعم ... الف الف مبروك يروحي علي الكتاب والمجموع
ندي بشك : انتي كنتي عارفه
امل : ايوه مالك قالي امبارح
ندي : كده متقوليليش
امل : وتبقي مفاجأه ازاي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر : سيف انت فين قاعد بدور عليك ايه اللي خرجك مش هتصدق شفت مين
سيف : ها شفت مين
عمر : حبيبة قلبي امل واخدت رقم ابوها كمان
سيف : بجد الف مبروك ربنا يتمملك بخير
عمر : مالك ي سيف شكلك زعلان
سيف ومعدش قادر يخبي : بعد مالقيتها مطلعتش ليا
عمر : هي مين دي اهدي ف ايه
سيف : قطرة ااندي
عمر : هو انت كنت بتحبها
سيف : اه وياريتني م حبيتها
عمر : اهدي لو ليك نصيب فيها هتاخدها
حسااام من بعيد : سيييف يا سيييف
عمر : حسام بينده ي سيف روحله يلا
سيف : حاضر هروح .... نعم ي حسام
حسام : تعالي عايز اعرفك ب صديق عمري ... مالك
مالك : نعم ي حسام
حسام : مالك ده صحبي اللي وقف جنبي ف الجيش وساعدني جدا
سيف ده مالك صديق طفولتي وعمري كله
سيف : تشرفت بمعرفتك
مالك : الشرف ليا
وندي جيت من ضهر مالك
ندي : ابيه مالك ... ابيه يلا عشان نروح ..
حسام : مالك ي ندي مستعحله علي ايه ولا هتتأمري علينا من الوقتي
مالك : سيبها براحتها ي حسام هي كل يوم هتكتب كتاب
حسام : سيف احب اعرفك قطرة الندى كاتبة المستقبل اخت مالك
سيف : ايه .. اخته احلف ي حسام
حسام : مالك يبني ف ايه والله اخته
مالك : ف ايه
سيف : لو سمحت ي مالك ممكن كلمة علي جنب
.مالك : حاضر
سيف : ممكن ....... لو سمحت ارجوك اوعي ترفض
مالك : علي خيرة الله طالما صاحب حسام ف انا موافق
سيف : ممكن متعرفهاش
مالك : ماشي براحتك
سيف : طيب سلام انا همشي بقي
امل : ندي مش ده الظابط القمور اللي كنتي بتكراشي عليه
ندي : اه هو
امل : بيعمل ايه مع مالك
ندي : والله م اعرف يخبر بفلوس الوقتي يبقي ببلاش
مالك : يلا عشان نروح
ندي : ابيه هو سيف كان عايزك ف ايه
مالك بخبث : سيف مين
ندي : الظابط القمور اللي كنت واقف معاه
مالك : قمور وبتعاكسيه قدامي
ندي : اسفه ي ابيه
مالك : تعرفيه منين
ندي : كان من الظباط اللي راقبت علينا
مالك : اه
ندي : مقولتليش كان عايزك ف ايه
مالك : وانتي مالك..... ولا حاجه
ندي : نينينينينينيني ... انت رجعت لعادتك
مالك : يلا عشان لسه هنوصل امل
بعدها بيومين
نور الدين ( والد امل ) : امل
امل : نعم. يبابا
نور : ف عريس متقدملك
امل : عريس ايه يبابا ده انا لسه هخش جامعه
نور : انا عارف بس هو ميتعيبش ومستعد يستناكي
امل : بس يبابا
نور : مبسش انا اديته كلمه لو معجبكيش ابقي ارفضيه هو جاي بليل
امل دخلت ترن علي ندي
ندي : قلبي كنت لسه هرن عليكي
امل : انا متقدملي عريس
ندي : هو ايه اصله ده هي موضه
امل : ليه بتقولي كده
ندي : انا كمان يستي
امل : ومالك بتضحكي ومبسوطه
ندي : مش مبسوطه ولا حاجه هعد معاه محبتوش هرفضه سهله ومش مستاهله
امل : تصدق ي رايق فعلا
ندي : يلا سبيها علي الله
امل : ونعم بالله .... ماشي طيب سلام عشان نجهز
ندي : هو جايلك النهارده برضو
امل : اه وانتي كمان شكلنا هنتجوز يسطا ولا ايه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مالك : يلا ي ندي اخرجي قابلي عريسك
ندي : لا انا خاېفه ... ( كانت اسد مش شويه قلبت قطه )
مالك : يلا يبنتي وقام مخرجها جامد
ندي قعدت ومتوتره جدا وتقريبا حفظت سجاد بيتهم من كتر ما هي باصه فيه .
ابو ندي : يلا يا مالك نسيبهم شويه
...... : حلو السجاد ي قطرتي
ندي : اټصدمت لما سمعت الاسم ده ورفعت راسها بسرعه
ندي : ايه ده انت .... سيف
سيف : ايوه ي قطرتي
ندي : هو انت اللي كنت بتبعتلي
سيف : اه انا وجاي الوقتي عشان اتقدملك ف متبخليش عليا بقطرة هتحييني وترجعني للدنيا
ندي وشها احمر وبقيت زي الطماطم وحاطه وشها ف الارض ومش عارفه تتكلم
.سيف ،بخبث : ايه مش موافقه
ندي : هزت راسها جامد علامة النفي
سيف متصنع الحزن ... وانا مش هقدر اجبرك
ندي : رفعت راسها بسرعه : لا موافقه وطلعت تجري علي اوضتها
سيف : قعد يضحك
ابو ندي : ايه يبني ايه اللي حصل
سيف : لا يعمي مفيش حاجه الخطوبه الخميس اللي جاي
ابو ندي : هي وافقت
سيف : اه
مالك : يلا ربنا يتمم علي خير .
ابو ندي : بس طبعا يبني مفيش جواز الوقتي انت عارف. ان كليتها هتبقي 6 سنين( طب اسنان ) وهيكون بدري اوي انها تتجوز الوقتي
سيف : فاهم يعمي وهستناها ولو العمر كله
ابو ندي : علي خيرة الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عمر وسيف عملو خطوبتهم مع بعض وقعدو مخطوبين سنتين ملتزمين ب ضوابط الخطوبة وبعدها كتبو الكتاب واتجوزو وهما لسه ف سنه رابعه. ( ندي وامل كانو فنفس الكليه )
يوم كتب الكتاب بعد قول الشيخ بارك الله لكما وبارك عليكما وجمع بينكما في خير
ثم إلتفتت باسمةً وقالت: سبحانه يزرعُ القبولَ في القلوبِ؛ تُرى العيوب في عين الحبيبِ جمال، تصبح العين دفاء، والبسمةُ راحةً واطمئنان، ويصبحُ وجودك هو الحياة بذاتها لي.
_نهلة عادل
وكان ذلك اعتراف ندى الاول بحبها لكنه لم يكن يوما الاخير
تمت
مستنيه رايكم واتمنى تكون عجبتكم
وطويله اهي يارب بس متزهقوش فالنص من طولها
#تمت
#نهلة_عادل
#نهلة_عادل
