هو محبنيش ليه

وانتى بتعاملينى كده تعبان من معاملتك دى ي مى
تعبان ي أواب 
لوهله فكرتها هتغفر بس ردها صدمني _ ايوه تعبان والله ي مى 
كويس عشان تجرب شويه من ال كنت بدوقه بسببك اما بقا بالنسبه لأنى اغفر فانا بصراحه مش ناويه ومش عايزه أصلا 
مى اتغيرت اوى ردها صدمنى بس انا ال استأهل ومش هقف مكانى اتفرج عليها وهى بتضيع منى والله لو كنت خسړت قلبها لارجعه زى م رجعتلى قلبى من تانى
بعدها بيومين كنت خلاص بدأت اتحسن وهى بصراحه مسابتنيش لحظه ولا هملت فيا دقيقه ودا ال خلاني اعشقها أكتر 
جه يوم الجمعه والحمدلله كنت اتحسنت لدرجه انى انزل اتغدى معاهم وكعاده مى بعد م جهزتلى اللبس وخلصنا صلاه وداخلين عشان نتغدى لقيت ريناد جايه تقعد جمبى

_ انتى راحه فين 
ردت بكل بجاحه هقعد جمبك 
_ بس ده كرسى مراتى ومحدش يقعد عليه غيرهاا وبعدين كلمت مى 
_ تعالى ي حبيبتى يلا عشان تاكلي
خلينا متفقين انى اټصدمت بس فرحت اول مره حد يدافع عنى وعن حقى انا مش هزيله ولا ضعيفه انى اقومها بس بما انى مبيناله الجمود مكنش ينفع اقومها كمان ف حته جوايا كانت مستنيه تشوفه هيعمل اى والحقيقه بقا إنى فرحت جدا جدا بال عمله 
بعد م خلصناا اكل لقيت ريناد خرجت برا بس عادي محطتش ف دماغى طلعت الشقه عشان اجيب علاج اواب لأنى نسيته وبعد م جبته وقبل م أدخل لقيت ريناد بترمى نفسها ع الارض قدام شقه حمايا وبتصرخ ف البدايه مفهمتش بس بعدين فهمت لما قالتلى قدامهم كلهم
انتى عايزه تموتينى بتزوقينى من ع السلم ي حيوانه 
ملحقتش ارد ولقيت أواب جاى علينا بعصبيه ورافع إيده انا غمضت عينى متنسيه القلم وانا بحلف لنفسي انه هتطلق منه ف لحظتها لو عملها وسمعت صوت قلم بس ثانيه اتنين تلاته مفيش ۏجع لى اكتشفت انى مش انا ال اتضربت  اللحظه دى وبيقول 
_ الحيوانه دى تبقى أنتى مراتى أحسن منك ومن عينتك كلها ومش  ع السلم  اصلا انتى ال رميتى نفسك زى م انتى برضه ال دلقتى عليها الشربه اخر مره 
خلص كلامه بعصبيه وزعيق وبعدين بصلى بحنيه 
_ يلا بينا نطلع شقتنا ي حبيبتى
هزيت دماغى وانا مش قادره اتكلم وفضل الشقه سبته وقبل م ادخل الاوضه نادانى
_ مى
بصتله من غير م ارد مستنياه يكمل كلامه 
_ انا..انا بحبك ..لا لا انا مش بحبك انا بعشقك بحب كل حاجه فيكي حنيتك روحك ملامحك ابتسامتك ضحكتك قلبك انا عشقتك ي مى والله 
ف صوت عالى ي جماعه صوت اى ده ااه ده صوت قلبى والله 
بس