اعز اصحابى

شقته
الام 
حبيب أمه جه يا ناس فينك يا واد انا بقعد 
باليومين مش بشوفك ولاكان عايشين في بيت 
واحد
وليد 
بحاول اروح امسك محل جوزك بس هو 
عايز يسيبه لابن ضرتك والولد بياخد 
فلوس من الدرج وبيقول ان انا اللي وخدها
الام 
منك لله يا نبويه عايزه تفرقي 
بين ابني وأبو والله ليلتك سودا
وليد 
انا مش عارف انتي ازاي لحد دلوقتي مش مخليها تمشي من البيت ده
الام
بيقولي مراتي الاوانيه ومينفعش امشيها
بس اوعدك والله ان هيكون ليا موقف 
كبير
وليد 
ياريت بقي يا امي المهم انا كنت عايز 
مبلغ كده لاحسن معنديش فلوس
الام 
عنيا يا حبيب امك بس اوعي تقول لابوك 
لاحسن انت عارف هو عامل ازاي لما بدفع
الفلوس ليك
وليد 
ماشي يا اما وفي بيت اسراء دخلت
الاب 
كويس انك جيتي
يا حبيبتي عماد ابن 
عمتك جه واتكلم معايا تاني في موضوع 
الجواز انتي ناويه تعملي اي بقي
اسراء
تاني يا بابا هنتكلم في الحوار ده انت عارف
إن لايمكن اوافق عليه انا مش بحبه 
وخرجت مرات ابوها
دلال 
امال بتحبي مين يا حبيبتي قولي لابوكي
يمكن يجوزك اللي بتحبي
اسراء 
مش بحب حد بس مش عايزه اتجوز 
وخليكي في حالك بقي يا كلاب وملكيش 
دعوه ليا
دلال 
سامع بنتك يا ابراهيم بتتكلم معايا ازاي 
شوفت اخر تربيتك يا اخويا
ابراهيم 
سبيها علي راحتها ي دلال 
ادخلي يا حبيبتي الاوضه وبعدها دخلت
دلال 
يا راجل هو انت مش ملاحظ أن بنتك مش 
طبيعه وفيها حاجه غريبه أنت اي
ابراهيم 
انتي بس علشان حطاها في دماغك 
فكك منها بقي
دلال 
طيب ناوي تعمل اي مع عماد 
الواد جاهز و مش هيخليك تجيب حاجه 
خالص
ابراهيم 
وسعاده بنتي اهم حاجه عندي وطلعيها
من دماغك بقي يا دلال واياك تتكلمي 
معاه في حاجه انتي سامعه ولا لا
وتاني يوم روحت الشغل ووليد جه ورايا
هشام 
جاي متاخر ليه يا وليد
وليد 
في اي يا هشام انت بتتكلم معايا كده 
ليه من أمتي يعني
هشام
بطل تقول يا هشام دي انا هنا 
اسمي استاذ هشام
وليد 
الله فيه اي يا هشام عيب ليك يا اخي 
احنا اصحاب وانت عارف وكمان عارف ان 
مش محتاج الفلوس وانا موجود هنا 
علشان خاطر بس اساعدك في الشغل
هشام
شكرا لمساعدتك مش عايز منك حاجه لان 
الكل بدأ يشتكي منك وبنات كتير عايزه 
تمشي بسببك
وليد 
هو فيه اي انت بتصدق اي كلام عليا
هشام
بقولك اي بلاش نخسر بعض انت مرفود
وليد اتعصب وقال
انت بترفدني انت مش عارف اني ممكن اعمل مصنع اكبر من بتاعك ده مېت مره
هشام
ابقي اعمل ياوليد ابقي خلي ابوك يعملهولك بره ياوليد يلا
وليد
ماشي ياهشام انا هوريك
ورجع البيت متعصب وعمال يخبط في كل حاجة امه قالتله
الام 
مالك ياحبيبي راجع متعصب ليه كده هو ابوك زعلك تاني ولا ايه
وليد
مش ابويا ده الزفت اللي اسمه هشام رفدني من الشغل في المصنع بس والله انا هورية العره ده هو نسي ان انا اللي عملته له مصنعه ده
الام
اهدي ياحبيبي اهدي ولا يهمك شغل ايه وبتاع ايه لو انت عايز اي فلوس قولي بس عليها وانا اديك عنيا
وليد
ربنا يخليكي ليا يا أمي هاتي بقا اي حاجة عايز انزل افك عن نفسي بدل منا هيجرالي حاجة بعد اللي عمله الزفت هشام ده
الام
بعد الشړ عليك ياقلب امك خود الفلوس اهيه
ونزل وليد وهو نازل على السلم قابل أحمد وقاله
وليد 
اهلا وانا اقول السلم مضلم كده ليه اعوزو بالله
كان يوم اسود يوم ما اقعدنا مع بعض في بيت 
واحد
أحمد
الله يسامحك ياوليد انا مش هرد عليك
وليد
لا ترد ياخويا ايه عايز تقول ايه يلي عملي فيها شيخ وانت اصلا تلاقيك مبتعرفش تقرا الفاتحة
أحمد
لا وانت اللي فالح اوي ربنا يهديك ياوليد انا مش هرد عليك عشان خاطر الراجل اللي رباني
وليد
لا ياخويا رد ووريني هتعمل ايه
أحمد سابه واقف على السلم وطلع
وليد قال لنفسه
عيل عره بصحيح عامل فيها