اسكريبت تحت الټهديد الفصل الاخير بقلم منه ممدوح البنا
اللي بابا أخدها لينا حتى ساب الشغل اللي مع عيلة الشھاوي واشتغل في مكان تاني
كان عايز يقطع أي صلة تربطه بيهم مش قادر يواجه حد منهم كنت بشوف نظرة الانكسار كل يوم على وشه ومبقدرش أعمل حاجة
يمكن اللي مھون الوضع إن علاقتي بيه بدأت تتحسن شوية بدأنا نرجع اسرة دافية تاني!
جهزت نفسي وخرجت لجامعتي اللي كان بقالي ١٠ ايام تقريبا مبروحهاش
١٠ ايام بس واشتاقت ليه بالشكل ده فما بالك لو سنين!
١٠ ايام معرفهش فيھا حاجة عنه بقينا زي الغرب
محدش فينا حاول يوصل للتاني حتى!
على الاقل قبل الأيام دي كنا بعاد بس قادرة املي عيني منه
اتنفس ريحته
وأشوف عيونه!
الكل بيبصلي
وبيتهامسوا
وحسيت من نظراتهم إن فيھا احتقار!
حاولت احسس نفسي إنه متهيألي بس من الضغط اللي أنا فيه واتجهت لندى اللي كانت في عينيها كلام كتير
_كنت غايبة فين كل ده
اتنهدت بضيق_كويس إني جيت والله سيبنا القصر وروحنا سكنا في شقة تانية وبابا ساب كل شغله مع عيلة الشھاوي
_كنت قولتيلي إيه سبب جوازتك من سليم الشهاوي!
بصتلها باستغراب لملامحها الغريبة ورديت بتعجب_إيه يا بنتي ما قولتلك قبل كده!
هزت راسها كذا مرة_آه فعلا قولتيلي
_هو فيه حاجة يا ندى
قولتھا وأنا بتامل المكان من حواليا كان فيه حاجة مريبة فعلا
ليه نظرات الكل متوجهة ليا!
_مفيش حصلت مشكلة بين بابا وأكرم الشھاوي فقرر يسيبهم
كنت متعودة إني محكيش تفاصيل حياتي حتى لو حد ليا
يمكن لإن حياتي مكانتش طبيعية!
_وجوازك أنت وسليم
للحظة سكت واتبدلت نظراتي للحزن
_ما أنت عارفة إن كده كده كانت على الورق فأكيد كان هييجي اليوم وهنتطلق
معلقتش وده خلاني اتعجب اكتر ندى مش في حالتها الطبيعية النهاردة
للحظة ارتبكت من قصدها
_يعني إيه مش فاهمة
_يعني الكلية كلها دلوقتي ملهاش سيرة غير إنك أجبرتي سليم يتجوزك بعد ما معاه.
وإن كل ده كان تخطيط منك طمعا في فلوسه يعني مش عشان أنت البنت الوحيدة في القصر ولا الاسباب العبيطة اللي قولتيهالي!
ارتجفت ومقدرتش ارد وبدون تردد خدت شنطتي وخرجت بسرعة من المدرج وأنا مش شايفة قدامي من الدموع اللي مغرقة عينيا
ازاي!
ازاي التفاصيل دي وصلت هنا
وليه انكشفت في الوقت ده بعد كل السنين دي!
مقدرتش اتحمل كل النظرات والهمس اللي حواليا فاڼهارت وأنا بجري برا الكلية
_منة!...
وكإن صوته جالي زي طوق النجاة كنت زي الغريق أو التايه من غير وطن اتلفت بتأكد إنه موجود
كانت ملامحه مليانة قلق وخوف من حالتي وقبل ما يتكلم جريت عليه وأنا ببكي ومتشبثة فيه والقلق اللي على ملامحه مقلش ولكنه فضل على شعري
_اهدي
مالك يا حبيبتي
حاول يبعد ولكني منعته وفضلت بقوة مقدرتش اتحمل صورتي اللي اتهزت بعد السنين دي كلها قصاد صحابي!
مبقتش قادرة افهم ازاي ده اتعرف
وليه الذنب ده هيفضل ملاحقني كده
ليه كلهم بيجلدوا فيا بالشكل ده!
بعدت عنه فرفع إيده يمسح دموعي بحنية وملامحه القلقانة مقلتش من حالتي
_تعالي
خدني من إيدي ومشيت معاه من غير مقاومة
كل القوة اللي كانت جوايا اتبخرت قصاد النظرات اللي
