معنديش بنات تطلب الطلاق

مع الي كنت مجتمع معاهم لحد دلوقتي

سليم بخبث وهو يروق له غيرتها

بصراحه مجاش في بالي بس اكيد المره الجايه هعزمهم على العشا

عليا وهي تدفعه پعنف وهي تحاول النهوض من جانبه

طيب خليهم ينفعوك

سليم وهو يضحك بصوت مرتفع

خلاص يا ولاد مفيش لعب انا جعان جدا وايدي مشغوله بدراعات البلاي ستيشن وفريده ومامي مش عاوزه تأكلني يعني مضطر اقوم عشان اقدر اكل لتتعرض عليا لهجوم قبلات من ولديها

والنبي يامامي عشان خاطرنا اكلي انتي بابي عشان يكمل لعب معانا

عليا وهي تجلس مره اخرى بخضوع وهي تقرب الطعام من فمه ليأكل بسعاده وهو يكمل لعب لتندمج عليا معهم ومع لعبهم ومنافستهم  لينتهو من تناول الطعام واللعب وسط مرح وصخب سليم واطفاله

سليم بحزم لطيف وهو يشاهد اعتراض طفليه

يلا كفايه كده النهارده يلا كلنا على النوم و يصعد برفقة طفليه وعليا للاعلى لتجهيزهم استعداد للنوم

بعد مرور بعض الوقت

خرجت عليا من الحمام وهي ترتدي قميص نوم نبيزي اللون قصير وجلست امام المرآه تصفف شعرها الذي ازداد طول وكثافه وروعه امام عيون سليم المستلقي على الفراش يتابعها بعشق لتتوجه عليا للفراش وتستلقي عليه وهي تستدير للناحيه الاخرى پغض

لولو هتفضلي زعلانه مني كده كتير

عليا وهي تشعر بالغيره تستولي عليها

يعني هامك اوي اني زعلانه اهم حاجه العملا بتوعك ميزعلوش

سليم وهو يديرها اليه بحنان

عليا انتي كابيتي عليها نسكافيه سخن وكان ممكن تتحرق

عليا وهي ترفع يده پعنف عنها

زعلان عليها اوي قليلة الحيا....

دي بتغريك قدامي بمنتهى السفاله ولا هاممها انها بتعمل كده قدام عيني وفي الاخر بتعاقبني وبتمنعني اروح الشغل تاني  منعتك تروحي الشغل لان مهما حصل لازم تتحكمي في ردود افعالك وخصوصا انك شيفاني بعاملها برسميه وموقفها 

خلاص بقى يا لولو  مبقتش تحبني ذي الاول

سليم وهو يعتدل بدهشه 

ايه الكلام الفارغ اللي بتقوليه ده ..

عليا انا مش بس بحبك يا عمري دا انا بعشق التراب الي بتمشي عليه ..كل ده عشان شخطت فيكي في المكتب

سليم وهو يرفع وجهها اليه بعشق

يا مجنونه انا كنت بلاعبك عشان عارف انك زعلانه مني وبحاول اجر معاكي كلام 

كده برضه يا لولو دا انتي اغلى حاجه في حياتي حتى ولادنا حبهم في قلبي الضعف عشان هما ولادك انتي ..

انتي يا حبيبتي بنتي قبلهم وحبيبتي وعشقي ومراتي وام ولادي وامي الي برتاح من

 هموم الدنيا وانا حاطط راسي على كتفها

 ها لسه عندك شك في حبي ليكي يا قلب سليم لټدفن عليا وجهها بخجل في كتف سليم

بس بقى يا سليم

 بس بقى يا سليم ..بعد خمس سنين جواز لسه بتتكسفي ذي اول يوم لازم اشوف حل في الموضوع ده ليستدير وهو يمد يده لجانب السرير ويخرج علبه كبيره شديدة الاناقه

جلس سليم وهو يسحب عليا ليجلسها فوق ساقيه وهو يبعد شعرها 

خدي يا ستي دي هدية صلحنا

فتح سليم العلبه امام عيون عليا الفضوليه لتشهق بانبهار وهي تشاهد طقم مكون من قلاده ثلاثة ادوار من اللؤلؤ المتشابك مع الياقوت المطعم بالماس ويرافقها سوار وخاتم وحلق من نفس التصميم لتحاول عليا رفعها من العلبه وهي تقول بانبهار

روعه شكلهم يجنن ياحبيبي ..بس دول شكلهم غالي اوي

سليم  بتملك

مفيش حاجه تغلى عليكي يا قلب سليم

سليم

 انتي مراتي وحبيبتي وعشقى وملكي

ملكي لوحدي قوليها يا عليا قوليها يا حبيبتي

عليا  بلهفه وهو يثير مشاعرها پجنون

انا مراتك وحبيبتك وعشقك وانت جوزي وحبيبي وعشقي وانا ملكك ..ملكك لوحدك يا حبيبي

 وهو يقول بعشق

وانا ملكك يا عليا ملكك طول العمر??????