هتجوز واحدة خرسه

لا.. لأنها لغايه دلوقتي فاقدة النطق 
يعني مفيش اي وسيلة اقدر اتواصل معاها 
حاليا انا بحاول اخليها تتكلم على الورق وعملت تجربه قبل كده ومقدرتش تكتب غير حروف مش مفهومه
اقدر اشوف الحروف ديه 
اه طبعا.. اتفضل اهي 
هو 
هي.. 
غريبة تقصد ايه بالكلام ده 
مش عارف والله يا حضرة الظابط بس أظن انها بتحاول تقول حاجه مهمه 
تمام متشكر اوي يا دكتور انا همشي دلوقتي وارجوك لو فيه اي تغير أو تحسن في حالتها تبلغني 
اه اكيد ان شاء الله 
عن اذنك 
اتفضل مع السلامة 
فى خارجة الظابط.. دخل معاه زياد خطيب ريحان 

ازيك يا دكتور 
اهلا يا زياد اتفضل
خير مين الظابط ده 
كان جاي يسأل على ريحان وعايز يستجوبها 
اييه.. طب واستجوبها 
لا محصلش ريحانه لسه فاقده النطق 
اووف الحمدلله 
نعم 
ها اصلا ريحان پتخاف يعني من البوليس والظباط والناس ديه ف خۏفت عليها بس مش اكتر 
ااه فهمت.. عندي ليك خبر كويس ريحان قدرت النهارده انها تمشي وتتحرك 
بجد ي دكتور.. عايز اشوفها بالله عليك 
اكيد اتفضل معايا 
روحت انا وزياد لريحانه وأول ما فتحت الباب وشافته اتعصبت جامد وملامحها قلبت كأنها واحده شريرة أو مچرمة.. قامت وفضلت تبعد وتبصله نظرة شړ 
زياد من فضلك اخرج حالا 
بس انا عايز اطمن عليها 
من فضلك اخرج دلوقتي بسرعه اسبقني ع مكتبي 
ماشي ماشي 
اهدي ي ريحان اهدي مټخافيش انا هنا مټخافيش 
مدام سمر هاتي حقنه مهدئة بسرعه 
اديتها الحقنه ونامت 
......... 
انا عايز افهم بقي ريحان كل ما تشوفك حالها يتغير كده ليه 
مش.. مش عارف يا دكتور 
لو سمحت لو تعرف حاجه ومخبيه عننا قولها 
حاجه.. حاجه ايه لا مفيش حاجه.. انا هضطر امشي بعد اذنك 
استنى يا زياد استناااا
تاني يوم 
ريحانة عامله ايه دلوقتى 
شاورت انها كويسه 
ممكن اعرف ليه بيحصلك كده لما بتشوفي زياد 
بصت على ورق فى ايدي 
تحبي تكتبي 
جاوبت ب آه 

هيا خ دنى هو 
انا مش فاهم حاجه ي ريحانة.. حاولى توضحي.. بصتلي بيأس وحطت راسها ع المخده ونامت
سبتها ورحت بلغت الظابط باللي حصل وجه وخد مني الورقه الجديده
انا متشكر اوي يا دكتور ياسين على تعاونك معانا
انا هحاول احل لغز الكلام بتاع ريحان يمكن اطلع منه بمعلومه تفيد القضية
لا ابدا حضرتك ده واجبي اتمنى تقدروا تحلوا الموضوع ده ف اقرب وقت ممكن

بعد اسبوع
الدكترة اللي عامل عظمه عامل ايه 
تعالى ي عمرو.. زي ما انت شايف الحمدلله.. ريحان بتتقدم وحالتها بتتحسن بس لسه متكلمتش.. بس هي حالتها مستقرة يعني وعقلها سليم 
هانت يا صاحبي هانت وبكره تتكلم وتبقي عملت إنجاز عظيم 
انا خدت قرار وعايز اخد رأيك فيه 
خير يا صاحبي 
انا قررت اتجوز ريحان 
هتتجوز واحده خارسة يا ياسين!!!! 
بحبها 
بتحبها ايه بس أعقل الكلام قبل ما تقوله 
هو انت مش لسه قايلي انها هتتكلم وتبقى كويسه
ماشي يا دكتور انا بتكلم على واحده مريضه وقاعده فى مستشفى نفسيه.. مش معني انها بقى كويسه انها كده اتعالجت خلاص ممكن يحصل انتكاسه فى اي وقت زي ما حصل مع هالة ولا انت مش فاااكر.. لو مش فاكر افكرك يا صاحبي 
Flash Back 
انت متأكد يا صاحبي انك عايز تتجوزها 
ايوا يا عمرو مش اتكلمنا ف الموضوع ده قبل كده 
يا ياسين فكر تاني هالة كانت مجنونه 
اديك قولت اهو كانت.. دلوقتي بقت كويسه وانا اللي عالجتها بنفسي ومتاكد من شفائها 
ي بني فكر تاني لسه فيه فرصه 
فرصة ايه يا عمرو النهارده الفرح ولا انت ناسي 
.. يلا ناولني البدله ديه عشان الحق اجيب العروسة 
الحقني يا ياسين 
خير يا أمي فيه ايه! 
والد هالة اتصل وقال.. 
قال ايه يا ماما في ايه
هالة اڼتحرت يا ياسييين 
Back 
ها يا دكتور افتكرت 
مش ناسي عشان افتكر يا عمرو.. بس مش ديه المشكلة دلوقتي
كمان.. اومال ايه 
ريحانة مخطوبة يا عمرو 
يا حلاوة وكمان مخطوبة.. ده انت لو مچنون مش هتعمل كده والله 
دق دق 
ادخل 
دكتور ياسين فيه واحد جه وساب لحضرتك