حب امتلاك

لو مش السنه دي يبقا السنه الي بعدها 
ماهي رنا انا كنت عارفه ان كل دا هيحصل قولتلو فيلم ورا فيلم ومش هشوفك تاني هو مصدقنيش وقال اني مأڤوره بس عادي بقاا لازم اخد ع كداا 
بعد يومين ع السطح 
ماهي قاعده وقدامها لوحه ومندمجه في الرسم 
ورنا قاعده جمبها بتقرأ كتاب 
ماهي رنا انتي شيفاني ازاي بصراحه

رنا اممم مش هتزعلي 
ماهي لا 
رنا بتقفل الكتاب وتبص لماهي 
انا شايفه انك انانيه وعندك حب التملك ومش بتحبي تخسري حد مبتحبيش تكوني رقم اتنين في حياه حد بتحبي تكوني مميزه وبتحبي العقاپ سابني يبقا اعقابو واندمو بس هو مسابكيش هو سعي ورا حلم حياتو من وجهه نظري انتي الانانيه في الموضوع دا كان لازم تدعميه
ماهي بتسيب الفرشه من ايديها وتبص لرنا 
انا مش عاوزه اندمو ولا اعاقبو يا رنا 
انانيه ف ااه انا انانيه واي العيب في كداا بحبو ومش عاوزه حد يشاركني فيه 
ومين فينا مش اناني الطفل الصغير لما حد بياخد لعبتو المفضله بيعمل اي بيسكت ويقول خيرها في غيرها ولا بيفضل يعيط لحد ماتجيلو طيب لما بتديلو غيرها بيسكت ولا بيفضل يعيط عليهاا 
عبدالرحمن بالنسبالي الشخص المفضل ومش عاوزه حد ياخدو مني ولا عاوزه غيرو انا عاوزاه هوو 
وانتي اكيد هتشوفيني مأڤوره لانك متعرفيش اي اللي حصل يومهاا يارنا انا قولتلو انا ولا التمثيل مقدرش ينطقهاا مقدرش يقول انتي اهم ياماهي مقالش
كل اللي قالو بلاش مقارنه 
مش محتاجه عقل عشان افهم الكلمه دي يعني هو اختار حلمو وسابني عارفه لو كان طيب خاطري وقالي تمثيل اي داا الي تقارني نفسك بيه وكان ضحك عليا بكلمتين بعدها وسافر مكنتش هزعل كداا ماهو دايما بيعمل الي في دماغو عمرو ما سمع كلمتي ولا كلمتك بس كان بيرضينا ويناقشنا وبعدين يعمل الي عاوزو بردو 
طيب ليه يارنا مقليش بحبك لحد دلوقتي ومتقوليش شايفك طفله دا انا حتي مردتش اقلب وشي وانكد عليه وهو مساافر
انا عارفه ان في ناس شيفاني مأڤوره ولازقه
رنا انا اسفه ياماهي والله ماكنت اعرف انك بتفكري كداا انا بحسبك بتتصرفي بطيش 
ماهي عادي انا خلاص قررت اني مش هضايقو او احسسو اني مش مهتمه انا هعرفو كل حاجه وهو حر هعرفو اني بحبو ومش هلف ولا ادور عليه هتمالك نفسي والي عليا هعملو 
رنا الي هو اي 
ماهي اني استنااه...
يتبع..
روقه 
البارت التالت
من روايه حب إمتلاك
ماهي اني استنااه...
رنا اعملي الي تحسي انو صح عبدالرحمن اخويا وانتي كمان اختي وانا عاوزه مصلحتك 
ماهي بتمسح دموعها شكراا يا رنا 
بتدخل اوضتها وتمسك تليفونهاا وقلبها بيدق 
طول السنين دي عبدالرحمن فاكر اني بهزر وضحك وهتجوزك ونيهاااا وبتاع انا لازم اوقف الهزار لحد هنا ونتكلم جد شويه ولازم بردو اعرف هو قلبو في اي قالي مش جاهز دلوقتي هقولو تماام لما تجهز نتجوز انا مش مستعجله قالي ياماهي انتي اختي هقولو اختك في عينك بس سهله اهي طيب لو قالي انا مبحبكيش هقولو حبك برص متحبنيش ليه ناقصه رجل 
قال اديني وقت افكر هقول معاك خمس دقايق كريمه اناا اهوو 
قال بحب واحده غيرك هقولو ھدفنك انت وهي في قبر واحد لا قپرين عشان بغير عليه 
احم يالا يا ماهي تشجييع انتي قدهاا يالا ابعتي 
مسچ من عبدالرحمن 
مااهي
ماهي قلبااي القلوب عند بعضها امال اي كتبت نعم 
عبدالرحمن عاوز اقولك حاجه 
ماهي اهدي ياقلبي اهدي واستني حلم داا ولا 
قوول 
عبدالرحمن typing 
ماهي قلبها بيدق اسرع 
عبدالرحمن لسه typing
ماهي بيعترف بيعترف يالهوي بيعترف 
بعد 5 دقايق
عبدالرحمن
انا بحبك
شوفت فيكي الأم والأخت والصاحبه حبيت ضحكتك وهزارك ووقفتك جمبي في الاوقات الصعبه حبيت نظرتك لياا حنيتك عليا دعمك ليا تشجيعك اني أكمل حبيت خفه دمك غمازتك جنانك رقتك جرائتك حبيت عيونك حبيت لمسة ايديكي حضنك 
بحبك 
مااهي كانت فاتحه بوقهاا من الصدمه اييه رمت التليفون وفضلت تتنطط اخيراااا اخيراااااا 
رنا اي في اي 
ماهي هيييه اخيراا يا رنا ھموت من الفرحه 
رنا بتتنطط معاها طب فرحيني معاكي 
ماهي قالها يا رنا قال بحبك اخيراا 
رناا بصړيخ واااو 
ماهي بتجري علي الفون عشان جالها كذا اشعار ان في مسچ 
عبدالرحمن 
اي رائيك 
حلو الكلام داا
قررت اعترف لشجن بحبي وابعتلها الكلام داا 
بتختفي الابتسامه من علي وش ماهي لا لحظه شجن مين بتبص ل رنا الي وقفت مكانها مصدومه 
عبدالرحمن يابنتي 
ماهي شجن مين 
عبدالرحمن اتعرفت عليها في دبي وحاليا هي معايا في باريس كانت من طاقم الفريق حاجه كدا قمر رقه وجمال حاجه وهم 
ماهي الغيره بټحرق في قلبها 
انت بتهزر صح 
عبدالرحمن بهزر اي 
مااهي وانا 
عبدالرحمن انتي اي 
ماهي انا اي والي بينا 
عبدالرحمن لا سوري ياماهي هو اي اللي بينا 
ماهي نعم 
عبدالرحمن في اي يابنتي هو انا اعترفتلك بحبي او حتي مخطوبين عشان تقولي كدا دا انتي حسستيني اني بخونك 
بترمي ماهي الفون وتبص ل رنا بعيونها الي كلها دموع 
رنا دا مقلب صح قوليلي انو مقلب وانتو متفقين
رنا حاطه ايديها علي بوقها وبتدمع 
ماهي لا ماهو بيهزر ماهو عارف اني بحبو بيحب غيري ليه يا رناا هو انا مش قد المقاام 
رنا