ود بقلمي ساره مجدى

يوميات_زوجه_مجنونه 
البارت_الاول
رقييييييه
رقيه وهي بتلف حوالين نفسها يمين وشمال پخوف يالهووي استر يارب استر يارب هيبلعني اروح فين اعمل ايه
دخل باسم الأوضه زي المچنون وهو ماسك في أيده القميص الأزرق أو اللي كان ازرق 
رقيه وهي واقفه علي السرير پخوف ا انا هفهمك ا انا
باسم بعصبيه وجنون هتفهميني ايه ! ها هتفهميني ايه ده عاشر قميص تبوظيه اعمل فيكي ايه !

رقيه بتوتر م م ماهو يعني انا هفهمك الكلور اللي بتجيبه هو اللي بيبوظ الهدوم
باسم يعني مش انتي اللي غبيه وبتبوظي الهدوم !
رقيه توء توء الكلور
باسم وهو بيقعد علي طرف السرير وبيحط رأسه بين أيده الاتنين يارب اعمل ايه فيها يارب اعمل ايه مبقاش عندي هدوم كل هدومي باظت مره تغسلهم في كلور مره تحب تعمل زي ابطال الروايات وتلبس القميص وتبوظه مره توقع عليه اكل متعرفش تطلع البقعه فتاخده خرق عشان تمسح بيهم المطبخ يارب انت العالم بحالي يارب انا ايه بس اللي دبسني التدبيسه ديه !
رقيه وهي بتحط ايديها في وسطها مالها بقي التدبيسه ديه ياخويا مالها ! علي فكره انا اللي المفروض اتكلم أنا اللي سيبت بيت اهلي وسيبت الدلع عشان واحد غريب بنضفلك شقتك وبعملك احلي اكل بغض النظر اني بحرقه بلبسلك ريش يعني سايبه بيت اهلي عشان اقلب فرخه في بيت جوزي وكمان بتتكلم !!
باسم بذهول فرخه! فين الريش ده انا من ساعه ما اتجوزنا ما شوفتش غير بيجامات كلها كارتون توم وجيري وروبانزل وميكي موس !
رقيه لو سمحت متتريقش علي هدومي
باسم پجنون هي ديه هدوم ! ديه كلها هدوم اطفال ياريتني سمعت كلام اهلك قالولي جاي تتجوز طفله وانا اقولهم بحيييبها يابني هتتدبس وانا ارد واقول ديه احلي واجمل تدبيسه يابني هيجيلك الضغط والسكر وانا اقول وماله فداها عمري وروحي انا مني لله علي اللي عملته في نفسي 
قال جملته وهو بيفتح الدولاب عشان يدور علي حاجه يلبسها
رقيه وهي بتبصله من فوق لتحت انت اصلا مش عارف قيمتي غيرك هيمۏت عليا عشان انا حلوه ومدملكه والف مين يهواني
باسم وهو بيلف برفعه حاجب نعم ! غيري هېموت عليكي ومين بقي أن شاء الله اللي هيمۏت ده 
رقيه وهي بتبلع ريقها پخوف يمۏت ! انا قولت يمۏت !
باسم وهو بيقرب منها وهي بترجع لورا پخوف ف في ايه ياسطا انت بتقرب ليه
باسم بهدوء ما قبل العاصفه مين ده اللي هيمۏت عليكي عشان اخلص عليه !
رقيه بابتسامه واسعه الله انت بتغير عليا
باسم پجنون انتي عايزه تجني امي 
رقيه ببراءه انا يابني !
باسم وهو بيقفل ازرار القميص بتاعه وبيخرج من الأوضه ادعي عليكي بأيه ياشيخه وانتي فيكي كل العبر منك لله 
رقيه بصوت عالي كلنا والله مننا لله 
وصل باسم المكان اللي بيشتغل فيه وهو مكشر وشه وباين عليه متضايق لابعد حد 
قعد علي مكتبه من غير ما يقول صباح الخير كالعاده 
ميرا زميلته في الشغل بمياعه بسووم مالك انت كويس !
باسم بجمود انا كويس ياميرا شكرا
ميرا وهي بتاكل لبانه بمياعه واستفزاز مالك شكل مراتك مزعلاك !
باسم وهو بيبصلها وبيقول پحده مراتي مش مزعلاني ولا حاجه وحتي لو انا مش بزعل منها ومش بقدر اسيبها يوم تنام واحنا زعلانين حتي لو هي اللي غلطانه 
ميرا وهي بتبصله بقرف ربنا يخليكوا لبعض
باسم ببرود وهو بيفتح اللاب بتاعه يارب ويبعد عننا الشړ
ميرا بعصبيه قصدك انا !
باسم بمكر وابتسامه صفراء ليه هو انتي شړ!
ميرا بغيظ لا طبعا
باسم اومال واخده الكلام علي نفسك ليه!
بصتله ميرا بقرف وكملت شغل وهي بتدعي من جواها يطلق مراته
حربوقه 
الفون بتاع باسم رن وكانت رقيه
ضحك بخبث وهو بيرد وعارف ايه اللي هيحصل
عااااااا انت ايه اللي عملته ده
باسم بابتسامه بارده عملت ايه ياحياتي !
رقيه بعصبيه وجنون حطيت الفستان اللي بحبه في كلور ليه حرام عليك
باسم بخفوت شوفتي بقي شوفتي أن الموضوع بيعصب !
رقيه روح كشفت راسي ودعيت عليك ياباسم يابن ام باسم
باسم روحي يالا ياعسل عشان عندي شغل
رقيه بغيظ ماشي ياباسم مااااشي أما حړقت قلبك علي قميصك الكحلي مبقاش انا رقيه
باسم پخوف وهو بيبلع ريقه لا رقيه حبيبتي اعقلي الا ده
وحياه امك بحبه 
رقيه بابتسامه شريره باسم حبيبي قميصك الكحلي بسيق بيه الأرض هو كان يلزمك في حاجه !
باسم بغيظ ااااه يابت ال 
رقيه بسرعه باي ياحبيي شوف شغلك
قالت جملتها وقفلت الفون في وشه وهو قاعد ھيموت من الغيظ
وحياه امك لربيكي يارقيه 
في البيت كانت قاعده رقيه قدام الفستان بتاعها اللي باظ وهي بتغني
كتاب حياتي ياعين ما شوفت زيه كتاااب الفرح فيه سطرين والباقي كله عذاااب عذاااب
الفون بتاعها رن وكانت جنا صاحبتها
رقيه الووو ازيك يااا
جنا پجنون بقولك ايه مش هتصدقي اللي حصل
رقيه بفضول وعينيها بتلمع ايه ايه اللي حصل
جنا سلمي الصفراء
رقيه مالها الصفراء !
جنا خطوبتها يوم الجمعه اللي جايه
رقيه بتهزززززري
جنا وربنا ده حتي عزمت الشله كلها وقالت عليكي كلام
رقيه بلهفه قالت ايه الحربايه أم اربعه وأربعين قالت ايه عليا !
جنا قالت محدش يقول للبت الهبله البيئه اللي اسمها رقيه عشان مش ناقصه احراج قدام أهل خطيبي 
رقيه بحزن هي قالت كده !
جنا اه وعلي فكره انا لو منك اروح واعرفها مين البيئه 
رقيه وهي بتتنهد ملهاش لازمه
جنا بحزن انتي زعلتي!
رقيه توء هزعل من ايه انا هقفل عشان بعمل اكل
جنا اوك باي
قفلت رقيه مع جنا وهي بتتنهد بحزن وبتمسح الدمعه اللي نزلت من عيونها بسبب اللي سمعته 
هي ليه دايما سلمي شيفاها كده ! ليه دايما تقول عليها بيئه وبتحرجهم قدام الناس !
ليه محدش بيحب يكون معاها في مكان واحد
يمكن هي عفويه يمكن مجنونه حبتين تلاته لكن هي طيبه بتحب الناس وبتحب الحياه 
ليه الناس بټأذي كل حد طيب وبتحوله لبني آدم تاني كئيب منطوي انسان ڼار البعد والوحده اهونله من القرب من الناس !! 
مسحت الدمعه اللي نزلت من عيونها وهي بتبص علي البرواز اللي فيه صورتها وصوره باسم الشخص الوحيد اللي اتحدي الكل عشانها الشخص الوحيد اللي حبها هي من وسط مليون بنت !
قربت من الصوره وهي بتلمس صورته بحب
انا بحبك اوي ياباسم بس خاېفه خاېفه تزهق مني انت كمان خاېفه تبعد عني زي اللي بعدوا 
فات اليوم من غير احداث تذكر ورقيه حزينه طول اليوم وبتفكر لو باسم زهق منها وقرر يطلقها ياتري هتروح لمين !
هي حاليا مفيش حد تروحله وتتحامي فيه من غدر البشر وقسوه الايام غير باسم ! 
كانت قاعده قدام التليفزيون بتتفرج علي فيلم وهي سرحانه لدرجه انها مأخدتش بالها من باسم اللي فتح الباب ودخل وقعد جنبها 
رقيه انتي كويسه !
رقيه وهي بتتنفض من مكانها بفزع ايه ده انت جيت ازاي !
باسم جيت من الباب
رقيه نينينيني ياخفه
باسم وهو بيتنهد بتعب وبيسند ظهره علي الكنبه كنتي سرحانه في ايه!
رقيه بتوتر هه م مفيش احضرلك تاكل !
باسم بتوتر ياتري حارقه اكل ايه المره ديه !
رقيه بحرج لا لا ه

هو مش محروق هو
اتلسع مني سيكا
باسم سيكا استر يارب ايه هو اللي اتلسع منك ياتري !
رقيه بحماس طاجن