رواية عزيز وصبا كامله بقلم زهرة الربيع

وقال..انا..انا اسف ..عارف ان ملهاش اي لزمه..ولا اي قيمه بعد الي عملتو..بس اقسم بالله ماقصدت ان كل ده يحصل كنت فاكر اني..اني هاخد حق صبا وهتجوزك ونعيش سوا فكرت انك هتزعلي مني في الاول بس مش هتكرهيني ..مش لدرجه ټموتي نفسك..انا كنت..كنت ھموت بجد لما سمعت الخبر ..سامحيني ارجوكي سامحيني
اسيل كانت حابسه دموعها بالعافيه مش عايزه تبكي قدامو بصتلو ودموعها بتلمع في عنيها وقالت...خلصت..اتفضل اخرج...مستحيل اسامحك
..هتجوزك علشان اخواتي. علشان سمعتهم ومركذهم مش اكتر..وانت لازم تعرف اني على قد ما حبيتك..على قد ما كرهتك..وهفضل اكرهك طول عمري اتفضل اخرج عايزه انام

انور حس ان مفيش امل من الكلام معاها وهيه في الحاله دي قال..تمام..وانا مش هيأس يا اسيل وهخليكي تسامحيني وترجعي تثقي فيا وتحبيني زي الاول واكتر.... وخرج من عندها وقلبو پينزف حرفيا وكل كلمه قالتها كانها سکين بتدبحو
وقضو طول اليوم في المستشفى ورجعو بالليل على البيت وريحو اسيل في اوضتها وكل واحد راح على اوضتو
عند عزيز كان بيغطي تمار الي كانت في سابع نومه وباس جبينها ودخل ياخد دش
صبا كانت قاعده بتوتى وبتفتكر الي سمعتو الصبح ومش عارفه تتكلم معاه اولا قالت...طب وانا مالي اتحشر ليه..مليش دعوه
طلع عزيز وكان لابس البنطلون بس ومش لابس تيشرت وكان بينشف شعره وصبا بصتلو ونزلت عنيها وقالت..احم..ياريت لو تلبس حاجه لما تخرج من الحمام انت مش لوحدك في الاوضه
عزيز ابتسم بسخريه وقال..ليه بتتكسفي مثلا
صبا قامت اخدت هدوم ليها وقالت...طبعا بتكسف..هو انا اعرفك علشان تقف قدامي كده
عزيز ضحك جامد وقال..لا في دي عندك حق احنا منعرفش بعض خالص حايلا متجوزين
صبا نفخت بضيق من تريقتو وقالت...انت عارف احنا اتجوزنا ازاي فمفيش داعي للتريقه
عزيز قال..خلاص هلبس التيشرت مبسوطه كده
صبا بصتلو وقالت ..لا مش مبسوطه..وهفرقع لو متكلمتش..الصراحه انا سمعتكم لما كنت بتتكلم مع مرات عمك في المكتب
بقلمي..زهرة الربيع
عزيز اتنهد وقال..عارف شوفتك
صبا بصتلو بزهول وقالت ...شوفتني..وعادي كده ..مش حاسس ان المفروض تقول حاجه عن الموضوع او تشرح موقفك
عزيز قال..وليه...اظن انتي سمعتي كل حاجه والي قلناه واضح
صبا قربت عليه وقالت باستغراب..مش واضح ابدا..يعني ايه..انت ومرات عمك و
بس قاطعها عزيز وقال...مفيش اكتر من شويه محاولات منها ...متخليش دماغك تروح بعيد انا بعرف اصدها بطريقتي ومستحيل يكون في بنا اي حاجه
صبا اتنهدت وقعدت قدامو وقالت..اسمعني..الي بتعملو صح وتمام..بس لازم عمك يعرف..مش هينفع تسيبو كده فاكر ان مراتو ست كويسه لو عرف في اي يوم موقفو هيبقى وحش وهيكرهك حتى لو عرف ان ملكش ذمب مش سهل على اي راجل يعرف ان مراتو مكتفتش بيه وعينها راحت لغيره ومش سهل يعرف انها كانت بتستغفلو وتخونو خصوصا مع اقرب حد ليه
طبعا الكلام ده كان جاي على الچرح اوي وعزيز كان حاسس بكل كلمه بتقولها لانو جرب الاحساس ده بلع ريقه پألم وقال..عارف...انا اكتر واحد عارف...بس مش قادر اقولو..هقولو ايه..مراتك بتجري ورايا بتعرض نفسها عليا مش قادر
صبا شافت الۏجع في عنيه وصعب عليها قالت...طب هتعمل ايه هتسبها كده تلعب بيه وانت تتفرج
عزيز اتنهد وقال...اكيد لا بس اليومين دول متلخبطين واكيد هفضالها وهبعدها بطريقتي
صبا اتنهدت وقالت..تمام ...واخدت هدوم ولسه هتدخل الحمام وقفت وبصتلو وقالت بتوتر...احم على كده هيه مش عجباك ..ولا عجباك وبترفضها علشان عمك
عزيز بصلها باستغراب ورفع حاجب وقال...ويهمك في ايه..يعني احمد زي الحج احمد
صبا خدت نفس وقالت..لا طبعا تفرق..يعني لو عجباك ومش عايز تخسر عمك..يبقى زوق وحش قوي الصراحه
عزيز ضحك اوي وقال...ليه بقى دي حتى ....عود جامد ومشدود
صبا برقت بزهول وقالت بغيظ...ايه..دي...هقولك ايه في ناس كده ټموت في اي حاجه رخيصه
ولسه هتمشي عزيز مسكها من دراعها وبقى قريب منها وبيبص في عيونها وقال...لولا اني عارف ظروفنا سوا كنت قولت انك غيرانه
صبا قالت بارتباك ..غيرانه..من دي
عزيز قال بهمس قدام شفايفها..تؤ..لا غيرانه عليا
صبا ارتبكت جدا ووبقت مش قادره ترد بلعت ريقها من شده التوتر وجريت على الحمام من غير ما ترد عليه
عزيز ابتسم عليها وبقى يفكر في كلامها وعيونها بابتسامه جميله بس اختفت ابتسامتو لما افتكر كلامو مع اخوه ولما قلو انو هيطلقها ويجوزهالو ارتبك وقال...فيه ايه..حتى لو مازن مش عايزها..انا قفلت الباب ده مفيش ست تستاهل..فرمل يا عزيز..مفيش حاجه اصلا ...واتنهد وقعد يشغل نفسو في شويه اوراق
عند اسيل كانت نايمه وحست بايد عليها قامت مفزوعه جامد ولسه هتصرخ حد كتم صوتها بايده وقال...اشششش ده انا انور
اسيل كانت مبرقه جامد وانور قال..هشيل ايدي اوعي ټصرخي تمام
اسيل هزت راسها بالموافقه واول ما انور شال ايده قالت...انت بتعمل ايه هنا دخلت ازاي
انور ضحك وقال..مش مهم دخلت ازاي المهم اني معاكي دلوقتي..وحشتيني
اسيل قالت بعصبيه....وحش يلهفك..امشي اخرج بره بدال ما الم عليك كل الي في البيت
انور قرب عليها جامد وقال...طب اصړخي كده..وريني...يلا ناديلهم
اسيل لسه هتصرخ قالت يا عز...
بس اتفتح الباب وسمعو صوت شخص يعرفوه كويس قال...الله الله اجبلكو كاسيين يحلو