قسمه ونصيب

كل اللي بينا لكن انا مشوفتش بجمالك..على فكره يكسبك دهب ...ده اذا كانت لسه هتكسبك
قسمت بصتله بقرف ولسه هتمشي وقفها وقال انتي رايحه فين
قالت بضيق شديد هلبسلي حاجه وامشي من هنا..كويس ان حضرتك اتكرمت وجبتني ..اهو على الاقل البس طرحتي
برهان حس بحرج شويه من اللي عمله مهما كان هيه مراته وعلى زمته وما كانش ينفع يرميها في الشارع بالمنظر ده كده اتنهد وقال بحرج... خلاص انا ميهمنيش مين اللي بعتلك الجواب ده ولا ايه اللي كان في بينكم كده كده انتي هنا مجرد خدامه يعني ما تفرقش خليكي مفيش داعي تمشي

قال كده و لسه هيمشي ناحيه الحمام قالت بسخريه... ده لما تكون حضرتك اللي منعني اقعد.. انما انا الي مش عايزه اقعد معاك اكتر من كده 
برهان بصلها بسخريه وقال...ومن امتي بقى الكلام ده
قسمت قالت پغضب شديد من النهارده او بمعنى اصح من امبارح من وقت ما رمتني في الشارع غير حتى ما تسمع كلمه ..وبالليل و في البرد ده

ومفيش حاجه تستدعي اصلا الي عملتو
قسمت لسه هتمشي شدها عليه بقوه وقال پغضب... واللي قريته في الجواب مكانش يستدعي
قسمت دفعته بقوه وقالت پغضب .لا ميستدعيش ابدا لان مش انا اللي كاتبه الجواب علشان تعتبرني بخونك ..اللي كاتب الجواب ده واحد بقاله سنتين ما جاش البلد والدليل انه باعتلي جواب وممعهوش رقم تليفوني حتى تلاقيه بعتو على بيتا القديم وهناك ادو للساعي عنوانك... ده اصلا واحد له عزبه بتاعة جدو كانت جمبنا واتعرفنا عادي وهو سافر يخلص شغل ...و بعد اللي حصل وبعد ما اتجوزتك متواصلتش معاه ابدا ..مش مشكلتي انا بقى انو فاكرني لسه متجوزتش وبعتلي جواب
برهان قال پغضب شديد ..طب والمكتوب في الجواب ما قرتيهوش كاتب لك وحشتني ايامنا وليالينا...ليالي ايه الي كانت بينكم يا محترمه يالي عاملالي فيها شريفه
قسمت قالت پغضب شديد... انا شريفه ڠصب عن عينك وعين 10 زيك..لان مش كل الليالي هي اللي بتيجي في بالك في عادي ليالي نضيفه
برهان ضحك بسخريه وقال ويا ترى ايه اللي بيحصل في اليالي النضيفه لان معنديش خبر
قسمت قالت بضيق شديد ...ولا عمره هيكون عندك خبر لان ليالك كلها في القرف بتاعك اللي بتعمله كل يوم لو على سيره الخيانه والمفروض كل واحد يحاسب التاني على خيانته ...يبقى حضرتك تلي تتحاسب لانك كل يوم پتخوني
برهان بلع ريقه بارتباك وقال پغضب.. انا ..انا اعمل اللي انا عايزه انا عمري ما اعتبرتك مراتي
قسمت قالت بضيق شديد وڠضب وانا اعمل اللي انا عايزاه ..لاني برده عمري ما اعتبرتك جوزي ..انت اتجوزتني علشان ټنتقم مني على حاجه انا مليش ذنب فيها ومعملتهاش
برهان قال پغضب اه فعلا معملتهاش.. لما تطلعي قدام عربيتها في نص الشارع وتقتليها