رواية دلالي الفصل الأخير

الثقة الزايدة دى 
دلال بتسندة علشان يقوم يعنى جبتها منك .. من تصرفاتك معايا و ثقتك فيا خلتنى اشوف نفسى بنظرة تانية ..
سليم بيتعدل .. و هو مندمج معاها فى الكلام وشوفتى أية 
دلال بخبث مش هقول الا لما تاكل الأول أنت معنتش بتاكل كويس خالص .. !
سليم بيحط ايدة عالجرح و بيقول بتذمر زى العيال مهى رصاصة مش شكه دبوس طبيعى تسد نفسى .. !
دلال مسم بطل تلاكيك و كل .. !
بصلها بطرف عينه .. خدت الأكل و بدأت تفصصله اللحمة ..
بدأ سليم ياكل من ايد دلال و هى عينها علية وباين اهتمامها الشديد بية ..
بعد صمت قالت دلال بحزن أنت عملت كد لية لية خدتها مكانى .. كنت أنا إلى هبقى مكانك دلوقتى .
سليم .. أنت بتسألى وتجاوبى على نفسك كنت أزاى هسيبك تبقى مكانى !
دلال أيوة بس .. أنا كد أذيتك انت مش مضطر و...
سليم بيمسك أيدها لا مضطر لو كان جرالك حاجة قلبى كان هيقف .. وبعدين أنا كويس قدامك اهوة فية إية بقى !
بدأت ټعيط وحطت ايدها على الچرح .. بټوجعك 
سليم وهو بيراقب ريأكشناتها .. آه بتوجعنى ..
دلال أوى .. أوى يعنى !
سليم بيبص بغزل .. تؤ .. لو فضتلى حطا إيدك عليها كد هتبطل توجعنى..
بتشيل أيدها وبتضحك .. بطل بقى ..
سليم بيمسح دموعها .. متخليش دموعك تنزل الأول .. مبحبش أشوفها نازله من عيونك يا دلالى 
إبتسمت بحب .. رجع قرب حواجبه و هو بيبص على لبسها وقال بمشاكسة إيه د .. لبسه أسمر لية بتفولى عليا !
دلال بسرعة لاا .. بعد الشړ عليك د أنا لو اطول اديلك عمرى كلة اعملها من غير لحظة تردد .. أنا قولت البس حاجة مختلفة بس لأن النهاردة يوم مميز ..
رفع حاجب .. لية 
دلال سقفت بإيدها بفرح .. الدكتور كتبلك خروج ! 
سليم رجع ظهره براحة وهو بيقول الحمدلله .. البيت كان واحشنى أوى..
دلال بصتله وقالت بحب وهو وحش من غيرك اصلا ..
بصلها مجاوبتنيش يعنى 
دلال على إية 
سليم بقيتى شايفة نفسك أزاى 
دلال بخجل .. يعنى بقيت شايفة نفسى احلى و استاهل أنى اتحب .. م مدام عملت كل د علشانى فأنا لازم اكون قد حبك ..
سليم مسك إيدها و قال بعد صمت لبرهه .. أنا.. آسف يا دلال أنا السبب .. مكنش لازم اسلم بالسهولة د .. كانت الحقيقة قدامى طول الوقت و أنا كنت مغمى عينى زى الاعمى رافض أشوفها ..
دلال بحب .. احنا اتعذبنا كتير .. لكن جايز وقتنا مكنش لسة جه .. و د الوقت المناسب ل لم شملنا و لتحقيق امنيه دعينا بيها كتير .. أننا نبقى سوا .. بصتله بحب و همست .. بحبك .
رفع إيدها ثم قال .. وأنا بعشقك .. وعد منى مش هخلى دمعة تنزل من عيونك د تانى 
كان خبر مفاجىء على آذان كل من سمعوة سليم بية هيخطب دلال الخدامة عندة ! 
أمام الصايغ اتفتح باب العربية و سليم بيقول .. يلا علشان ننقى الشبكة ..
دلال نزلت وعلى وشها ابتسامة .. دخلوا المحل.
الصايغ أنا حاسس أنى شوفتكوا قبل كدا 
سليم .. آه .. أحنا جينا فعلا
دلال بمقاطعة بس دلوقتى قلبى مش بيوجعنى ..
سليم بندم .. آسف .
دلال إلى فات ماټ .. أنا لو مكانك كنت هعمل كد دلوقتى أحنا على مشارف حياة جديدة