دبلوم يا ماما

هيام لو عاجبك اجوزهولك والله.
واعمل اية في حب أبوكي
من كتر ما كانت نبرة صوتها صادقة وجميلة حسيت إن الجملة اتحولت لفراشة هادية وجات خبطت بجناحتها على قلبي برقة ومعرفش ازاي افتكرت أم كلثوم فجأة وهي بتقول وأحب تاني ليه واعمل في حبك أية
طيب قولي يا ماما وهسمع كلامك.
جربي مرة متفكريش جربي مرة متحسبيهاش بالورقة والقلم سيبي نفسك لمشاعرك اقولك.. إسألي قلبك مش دايما تقوليلي يا ماما أنا قلبي دليلي 
أيوة أنا قلبي دليلي أنا مرة كنت مصاحبه واحدة ومن كلامها وطريقتها مقدرش اقول عليها غير انها بتحبني بس قلبي.. قلبي بيقولي فيه حاجة غلط فيه حاجة مش عادية وفضلت فترة بعدها بحاول أفسر شعوري الغريب دا لحد ما عرفت إنها كانت بتمثل عليا وانا علشان عبيطة صدقت كلامها.
اصلها صعبة حد بيقولك بحبك هتكدبه ليه يعني هو أية أجبره إنه يعترفلك بحبه لو فعلا مش حاسه إية الداعي من إظهار مشاعر قوية وحب غير عادي لو فعلا مش موجود.. لحد ما فهمت إن دا عقلي ودا تفكيري وإن صوابع ايدي مش زي بعضها ومن ساعتها بقيت مؤمنة إن قلبي بشارة من ربنا.. إن قلبي دليلي.
فيه لسه حالات يا مها 
حالة واحدة يا دكتورة.
طب دخليها.
قلعت النضارة كنت حاسة بصداع رهيب مش بسبب ضغط الشغل قد ما بسبب ضغط التفكير أنا كان مالي ومال الجواز والله أنا مليش غير اوضتي وكوباية السحلب ومسلسل القضاء وخلصت على كدا.
لبست النضارة ومسكت القلم خلاص انا مش هفكر فيه الليلة هاخد إجازة منه النهاردة علشان ارتاح شوية. 
مساء الخير.
رفعت راسي مساء.. يا نهار أبيض! 
ابتسم ابتسامة واسعة وحشتك ولا اية
وقبل ما اتكلم نص كلمة كان قعد بكل ببرود قدامي وكأن العيادة عيادته وحط رجل على رجل.
بتعمل اية هنا يا استاذ زين 
عندك قهوة حاسس بصداع رهيب.
اعملك قهوة 
حط دراعاته على المكتب وقال برقة 
بتعمليها حلو أنا قلت الحلو ميعملش إلا الحلو.
من غير وش.
زي السكر على قلبي هشربها.
قلعت النضارة ومسحت على وشي بإيدي واتنهدت.
تعبانه ولا دي تنهيدة اشتياق 
اشتياق لمين بالله عليك! 
لمين يا ليلة مش معدية وانتي عاوزة تشتاقي لناس غيري 
قصدك حد غيري.
لا هي ناس صح كدا حد دي فرض مش مفروض أصلا.
أنا مش مشتاقة لحد.
الحمدلله.
وعاوز الصراحة 
أيوة كدا خلينا نقصر الطرق على بعض.
ولا ليك.
نرجع نطول الطرق تاني محصلش حاجة.
حطيت ايدي على وشي علشان اضحك من غير ما يشوفني فقال 
شوفتها يا قاسېة.
رفعت ايدي بتعمل اية هنا يا زين 
بسلم عليك.
نعم 
هكون بعمل أية يا دكتورة جاي أكشف طبعا.
فعلا 
طبعا انا انسان مريض.. قصدي أنا دلوقتي مريض.
رجعت النضارة لورا بجدية ومسكت القلم وانا بقاوم ابتسامتي من جديد والله انا ممكن اوفق عليه بسبب البهجة الي عاملها في حياتي دي.
بتشتكي من اية 
قلبي بيدق بسرعة.
ضړبت فوق المكتب لا بقى.
ضرباته سريعة أقصد.
زين! 
اللهم صلي على النبي! دا احنا صوتنا بيعلى أهو خلاص انا اتطمنت على ولادي اهم حاجة في الأم الشخصية القوية.
ولادك كمان! ما شاء الله.
في اعتبار ما سيكون إن شاء الله.
بس انا لسه مقولتش ردي.
بص في ساعته معاكي تلت دقايق توافقي عليا فيهم.
ولو هرفض 
يبقى معاكي عشر سنين تفكري على مهلك كدا وانا مستنيكي لحد ما ربنا يهديكي وتوافقي باذن الله.
سكت شوية وميلت راسي لقدام وشاورتله بإيدي 
قرب كدا.
مسك ياقة قميصه عيب يا دكتورة أنا انسان
محترم.
قرب يا زين.
قرب راسه بسرعة حاضر وهو الزوج عليه إية إلا الطاعة.
بارك الله فيك.. لحظة زوج أية 
زوج قولتي زوج اللهم صلي على النبي البشارة جاية أهيه.
أنا اتكلمت! 
مش لسه قايلة زوج لا بقولك اية أنا مبحبش الكدب.
طب اقولك سر.. انا اصلا كدابة.
ومين فينا كامل على بركة الله.
تعرف يا زين انك عملت چريمة يعاقب عليها القانون.
يا خبر! اية 
انت مش عارف 
لا خالص نوريني.
انت اخد دور شخص تعبان كان محتاج الكام دقيقة دول.
ما انا كمان تعبان يا ناس.
رجعت لورا لا إله إلا الله.
رجع زيي وشوفته وهو بيلملم ضحكته بصعوبة هو كمان.
والله انا جاي أكشف بجد بس الكلام خدنا والله قعدتك ميتشبعش منها يا دكتورة.
الصبر من عندك يارب.
والله ما بهزر.
طب قول يا زين بتشتكي من أية 
سكت شوية وقال بابتسامة جانبية 
مش ملاحظة انك بتقولي زين زين بدون استاذ انتي خدتي عليا اوي علفكرة.
أنا.. 
وانا احب انك تاخدي