دبلوم يا ماما

عليا خالص.
رفعت حاجبي وبصتله بضيق مصتنع فحمحم واحترم نفسه وفرد ضهره أنا بحس اني..
بدأت يحكي بجد هو تعبان من أية لبست النضارة ومسكت القلم وبدأت اكتب العلاج وانا بقوله 
دا قولون هكتبلك مهدأ له بس مدام مخفف أكلم زي ما بتقول ومبتاكلش بقوليات كتير يبقى أكيد من التوتر أو القلق فيه حاجة قلقاك 
بصلي بنظرة خاصة فقطعت الروشته وادتهاله 
طيب ابقى خفف أكلك بقى.
مسك الروشته عقبال القايمة.
نفخت فقال بسرعة بلاش القايمة بتعمل مشاكل.
بدأ يقرأ وهو بيقولي اوعى تكوني هتموتيني.
وانا اقدر
نزل الروشته من قدام وشه بسرعة خاېفة عليا 
يارب
خلاص مش عاوز منك حاجة ربنا يخليلي أمي پتخاف عليا وبتحبني واكيد يعني مش محتاج حب من حد جميل تقلان علينا وبقاله اسبوع مقاليش رده.
ابتسمت ربنا يخليهالك.
هتحبيها أوي اوريكي صورتها 
ضحكت بيأس فقام وقف طيب انا ماشي. 
طريق السلامة.
كان لسه هيتكلم فسبقته احنا بنتمى السلامة لأي انسان متمسكش فيها.
ظالماني أنا كنت هقولك حاجة تانية.
قولي حاجة تانية.
باباك عارف إني جاي النهاردة أنا مستأذن منه.
هزيت راسي بتفهم كنت عارفة إنه يستحيل ييجي هنا بدون إذن. فتح الباب وقبل ما يمشي ناديته 
زين.
البشارة جاية ولا أية 
ابتسمت انت عاوز تتجوزني ليه اقصد أننا جيران من زمان أيوة بس لا عمرك كلمتيني ولا أنا عمري قابلتك صدفة أنا اكتشفت موضوع الجيرة دي صدفة من ماما امبارح.
حقيقي ولا أنا عمري شفتك إلا مرة واحدة بس. 
رديت بلهفة وبعد كدا 
رفع كتافه جيت واتقدمت.
بس كدا مفيش حاجة تانية 
بصلي ببراءة إنت مستنية حاجة تانية 
رديت بغيظ أصل طريقتك بتقول انك متمسك بالموضوع أوي يعني كإنك تعرفني من زمان.
أنا كدا عشري ولذيذ.
نعم !! يعني لو كنت اتقدمت لواحدة تانية كنت هتتكلم معاها كدا 
لا طبعا.
أنا برضو بقول.
وانا اتقدم لواحدة تانية أزاي وانا اصلا متقدملك هو انا بروحين 
زين.
مسك الباب محتاجة حاجة قبل ما تطلعي ڼار من بوئك 
مسكت الباب لا اتفضل مع السلامة.
خرج برا فحطيت ايدي في وسطي ونفخت بعصبية.
قال عشري قال.
دي غيرة 
اتنفضت ولفيت لقيته مميل رأسه من ورا الباب ولما شاف ملامحي مسك الباب بسرعة وقال.
دا مجرد سؤال سلام.
فات عشرة أيام بدون رد وبابا قالي أخرك بكرا عارفة إني المفروض اخدت وقتي وكفاية بس الضغط حواليا كبير.
ماما من ناحية بابا من ناحية حتى اخواتي البنات الصغيرين من ناحية أية.. كلهم شايفنو حلو اوي يعني 
ماشي هو حلو وطيب ودمه خفيف وواثق من نفسه وعنده شغله وأهله طيبين واييييييه ما تكتبي فيه شعر بالمرة يا ست رحمة ما خلاص دا الي ناقص بقى.
رحمة افتحي الباب.
حاضر يا بابا.
لبست الاسدال بسرعة وجريت على الباب ماما مكانتش هنا علشان نزلت تجيب حاجات من السوق فتوقعت تكون هي. فتحت الباب وانا بقول 
أتأخرت كدا ليه يا حبيبتي 
لقيت كيس بيتمد في وشي أنا مش حبيبتك وطبعا أنا مقدرش أكمل الجملة العمر مش بعزقه.
حسيت بحاجة غريبة جوايا لما سمعت صوته من أخر مرة لما زارني في العيادة لا شوفته تاني ولا اتصل دا
انا حتى مرة من باب الفضول يعني مش اكتر مريت على العطارة الي في اول الشارع علشان المحه صدفة كجاري يعني مش لاي حاجة تانية لاسمح الله ومشوفتوش برضو.
تجاهلت شعوري ومثلت الضيق علشان أناكفه زي كل مرة ودوست على سناني اهلا يا زين.. أهلا.
الفرحة مش سيعاكي صح مش قولتلك أنا خدت البشارة خلاص يا ماما.
اتفاجئت إنه جاي مع ماما لا ومش بس كدا زين حبيب الملايين شايل ليها شنطة السوق وهي جاية الابتسامة من الودن للودن معاه مش بعيد يكون راح معاها السوق وهي قالت لكل لإنسان على وجه الارض قابلته إن دا زين عريس بنتها الجاحدة الي لسه موافقتش عليه.
جيت أشيل الشنط وقفني عمي جوا 
أيوة.
طيب قوليله اني هنا واني هدخل الشنط.
دخلت أقوله وبابا خرج سلم عليه وماما فضلت تضحك معاه شوية لما بابا دخل يصلي وبعدين في الست دي بقى اقول لبابا عليها يعني 
عادي ما يضحك معاها ولا ميضحكش وانا مالي.
استأذن علشان يمشي فماما قالت وصلي خطيبك للباب.
سمعته وهو بيكتم ضحكته بصعوبة وانا همست ماما! 
بنت ولا كلمة للباب.
سبقني فمشيت وراه پغضب وانا ببرطم.
ناس متجيش إلا..
سامعاك بتقول حاجة 
قال وهو بيخرج من الشقة أنا خالص دا انا هحلق العصر