دبلوم يا ماما

انا بقى. 
استنى.
وقف مكانه عند الباب نعم.
انت متكلمتش معايا النهاردة لية 
أية الهبل الي أنا قلته دا! مالك يا قليلة الأدب مالك وحشك ولا اية 
قصدي.. مع السلامة يا زين.
مش عاوز اضغط عليك سايبك على راحتك.
افتكرت انك.. انك يعني زعلان مثلا 
علشان مبتبيليش ريقي بكلمة لا متاخديش في بالك.
ابتسمت دا انت زعلان بجد 
وبتبتسمي ليه من فضلك متضعفيش موقفي في الخناقة لوسمحت. 
علشان شكلك حلو وانت زعلان.
ابتسم اتفضلي ضعفي موقفي براحتك أنا بحب المواقف الضعيفة.
ضحكت ففضل ساكت وبعدين حمحم وقال وهو ماشي 
سلام عليكم.
استني يا زين.
غمض عينيه يادي النيلة على زين وسنين زين يا بنت الحلال حرام الي بتعمليه في راجل محترم زيي كدا. 
زين.. أنا متضايقة منك.
لا إله إلا الله أنا قلت انك لاسعة والله.
بجد متضايقة منك.
باين على وشك متحلفيش.
وانت عادي كدا 
الحمدلله على كل حال قسمتي ونصيبي.
بصيت لبعيد أنا مبعرفش اغسل المواعين. 
مع الوقت ه.. لحظة كلامك دا معناه حاجة واحدة.
ولا بستحمل زن الأطفال.
طب والله كلامك دا معناه حاجة واحدة.
اتحكمت في ابتسامتي وعندي مشكلة كمان.
لا دا انا اشوف عروسة غيرك بقى.
اني مبعرفش اصحى بدري فلو عاوز تفطر بدري اوي يعني انزل خفيف أو استنى لما اصحى براحتي.
طيب سلام عليكم انا بقى.
ضحكت المرة دي من قلبي فوقف بحماس وهكدب لو قلت إن المرة دي ابتسامته كانت عادية يمكن دي كانت أحلى وأجمل مرة يبتسم فيها في وشي 
بتتكلمي جد ولا زي كل مرة
حطيت النتيجة مكانها على المكتب النهاردة فات سبع شهور على خطوبتنا كل ما بفكر فيها بستغرب أنا ازاي مخطوبة يعني مش هكدب لو قلت إن الأيام جريت وإن الموضوع قلب حدوته كبيرة بين ويوم ليلة بقيت أنا بطلتها وهو .. لا دا هو دا محتاج كلام كتير.
أنا عارفة إني مش شخص سهل الإرضاء مش لميزة فيا مع أنه لو لميزة عادي دا حقي بس انا بطبعي عملية أوي دقيقة أوي وخوافة أوي أوي مش هكدب.
كل الأيام الي فاتت كانت شد وجذب مناكفة من نوع جديد ونس كدا وراحة كنت بدور عليها من سنين طويلة.
عجبتك البشاميل بجد 
مش انا قلت تسلم ايدك 
انت قلت لا لا مش فاكرة.
سمعت صوت ضحكته في التليفون.
طب تسلم ايدك وعيونك كمان.
بحب كلامه بيطمني بيحسسني إن الحب موجود الحب مش قصة في فيلم ولا حدوته في كتاب الحب حقيقة ملموسة ممكن تحاوطنا وتزرع جوانا الأمل لو بس نختار صح.
رحمة.. أنا مش فاهم الجزء دا اشرحيلي. 
ابعتلي اللينك كدا.
اكتشفت من فترة قريبة إنه بياخد كورس أنجلش مع نفسه وأنه بيقولي عادي وبيقولي على المستوى الي وصل له وأنه لسه فاضله مستويات كتير. الجميل إنه مكنش مكسوف مشافش إنها حاجة ينفع يداريها أو يخبيها عني
بل بكل سماحة نفس شاركني خطواته الجديدة لانه واثق إني مش هخذله ولأنه واثق في نفسه اكتر وعارف إنه مش قليل.. ولإنه بيحبني!
المشاعر بتدينا إشارات للحب لكن تبقى المواقف والاعتراف اللفظي على المرتبة العليا. هو لطيف معايا ودود جدا دمه خفيف وبيعدي حاجات كتير لما نختلف أو نتخانق.. لكن دا مش كفاية لتأكيد الحب.. 
تعالوا احكيلكم بقى أنا اتأكدت ازاي.
في مرة عملت حاډثة بسيطة خبطت في عربية ودراعي بس احتاج جبيرة اسبوعين وهو كان مسافر سفرية شغل فمرضتش أقوله خالص على الي حصل علشان ميقلقش حتى لو مش بيحبني الحب الكبير الي بتكلم عنه بس في العادي أي حد هيسمع كلمة حاډثة هيخاف.
وفي يوم على الساعة ٤ الفجر كدا صحيت من النوم على رنه تليفوني باسمه مكنش متعود يتصل بيا في الوقت لانه عارف إني بنام بدري ففتحت المكالمة وانا نايمة على نفسي خالص 
أيوة يا زين.
افتحي الباب.
فتحت عيني وبصيت للسقف بعدم استيعاب 
باب أية باب الاوضة 
باب اوضة اية يا رحمة باب الشقة طبعا.
اتنفضت قاعدة على السرير باب الشقة !
وفي لحظة فوقت وأدركت كلامه فلبست الإسدال بسرعة وانا بتكعبل على وشي أصلا وفتحت الباب بخضة 
يالهوي انت بتعمل أية هنا 
رفع حاجبه فخدت نفسي وبصيت ورايا ورجعت بصتله 
أية رجعك يعني يووووه حمدالله على السلامة أقصد.
اهدي ممكن
بصيت ورايا ورجعت بصتله فقال بنبرة قلق وهو باصص لدراعي أية الي حصل
كانت شنطته على كتفه الظاهر إنه راجع من