دبلوم يا ماما

الصغير البيت كله كان متوتر ومړعوپ وكلنا كنا متجمعين في شقة باباه ومامته واول ما النتيجة ظهرت إن اخوه جاب 96 وباذن الله يلحق هندسة.. محضنوش مبصليش مقالش كلمة واحدة.
كل الي هعمله إنه نزل على الأرض وسجد لربنا!
أنا كنت واقفة مكاني وحاطة إيدي على بوئي كلهم فرحانين بأخوه مبسوطين والزغاريط مالية البيت بالفرحة وانا واقفة باصة عليه ولما طول قربت منه وانا بترعش من التأثر وطبطت على كتفه.
يا حبيبي كان مدمع.. يا حبيبي فرحان من قلبه أوي. 
مديت ايدي تعالى.
ولما وقف وحضن اخوه ورجع لروحه الطبيعية وفضل يهزر معاهم ويناكف فيهم أنا سيبتهم ودخلت المطبخ. 
اختفيت كدا لية 
مردتش عليه بس ايدي اتمدت وطبطت على صدره.
أنا فخورة بيك.. فخورة بيك أوي.
ابتسم بحب عود الفل بنفسه راضي عني 
عود الفل! 
هز رأسه وهو مبتسم فسألته 
اشمعني الفل 
له حكاية صغيرة كدا. 
أية هي 
مش دلوقتي ومتسأليش امتى في مرة هتلاقيني بحكيلك لوحدي.
بس الرضا والحب والدلال دا حاجة وإنه مجنني معاه دا حاجة تانية خالص في يوم الأيام وبعد ما خلفت بنتا الصغيرة زينة وبقى عندها سبع سنين كنت خلصت شغل في العيادة وهو كالعادة هيفوت عليا ياخدني ونروح ناخد زينة من عند خالتها لأنها بتحب تروح تلعب مع ولاد خالتها حبيبتي قليلة الادب زي أبوها ونروح كلنا سوا.
وقبل ما أرن عليه لقيته داخل عليا اوضة الكشف.
رحمة.
دا انا كنت لسه.. أية الد..م دا !
حسيت كأن حيطة عالية وقعت فوق قلبي اول لما شفته واقف قدامي وحاطط ايده على جنبه وساند نفسه بالعافية جريت عليه ومسكت ايده پخوف.
أية دا! مين الي عمل فيك كدا
مقدرش يرد سند على كتفي ونام على سرير الكشف وقال وهو باصص للسقف 
هتعرفي تخطيه صح دا چرح سطحي أنا متأكد بس مينفعش أروح كدا علشان زينة.
طب يا حبيبي فهمني ..
رحمة! هتعمليه ولا أغور من هنا
شخطته فيا مخوفتنيش إلا عليه غمضت عيني بتماسك وفتحت الدولاب وجبت ادوات الخياطة وشديت الكرسي وقعد جنبه. وبعد ما اديته حقنه البنج استغليت الكام لحظة دول ورجعت أسأله تاني 
البنج بس هيشتغل.
طيب. 
مش ناوي تحكيلي الي حصل حد طلع عليك قطاع طرق يعني نروح القسم أو.. 
لا دي كانت خنا قة. 
ملامحي اتجمدت خنا قة
مكنتش قاصد تد..
غمضت عيني لما بص لبعيد بتهرب مسكت الإبرة كنت بخيط وانا مش حاسة بنفسي نسيت دور الزوجة للحظة وركزت على الچرح ولما خلصته وحطيت بلاستر كنت هقوم بس مسك ايدي وقبل ما اتكلم مسح دموع كانت على وشي.
مكنتش عارفة إني بعيط مكنتش حاسة بنفسي بجد.
أنا هشرحلك الي حصل.
مردتش عليه بس شديت ايدي من أيده ومسكت دراعه وقومته بالراحة..
يلا نروح علشان ترتاح.
رحمة..
نتكلم بعدين
مكنش فيه بعدين عدى يوم واتنين وتلاتة واسبوع وأنا زي ما أنا براعيه بحضرله أكله بطمن عليه بعمل كل طلباته بإخلاص زوجة هايلة لكن كلام بينا لا.
أيوة خدت موقف وموقف كبير كمان هي حياة الإنسان هينة علشان يضيع عمره في خنا..قة! 
خنا..قة أية بس وغض..ب أية الي يخلوا زوج محترم ينسى نفسه ومراته وبنته ويخاطر بحياته بالشكل دا.
وعلشان أية ولا حاجة والله ولا حاجة.
رحمة.
نعم.
ممكن كوباية ماية 
حاضر.
حطتها قدامه وقعدت اتفرج على التليفزيون كنت بمثل وكان عارف إني بمثل ومع ذلك كنا بنجاري بعض.
عجبك الفيلم 
أيوة.
البطل هنا جري ورا البطلة واول لما اتاسف لها على الي حصل وبين قد اية هو والله ندم سامحته بطلة قلبها كبير.
رفعت حاجبي وبصتله فيه فيلم تاني البطلة برضو سامحت البطل بس البطل متعظش وبعد ما اتجوزته وبقى عندهم حياة جميلة راح ضيع نفسه وسابها تكمل لوحدها.
اكيد ڠصب عنه.
يمكن ويمكن كان اختياره وغض. به عماه.
اتحفز في قاعدته لازم تفهمي إن فيه حاجات بتكون خارجة عن إرادتنا لو فكرنا فيها شوية أيوة ممكن منعملهاش بس ساعات مبنفكرش ساعات .. 
ساعات بنحب.
ايده الي كانت هتلمس ايدي وقفت في نص الطريق وانا مقدرش أوقف نفسي ولا اسكت المرة دي 
أيوة بقول بنحب مستغرب لية متوقع أية بعد السنين دي كلها طبعا بحبك طبعا خاېفة عليك طبعا اتمنى إن كل حاجة وحشة تحصلي وانت لا.. وانت..
صوتي اترعش والمرة دي مسك ايدي وسبتها له. 
بعترف إني مش بعرف أعبر زيك وانك أحسن مني في الكلام الحلو بس..