اسكريبت لنيره احمد

هيكون زي حضڼ امي انا دلوقتي متاكد من دا ..متبعديش مهما حاولت ابعدك 
انا هنا عشانك ..مش هسيبك ابدا 
مر شهرين و بحر كان ف المصحة كل يومين بروحله و كسرنا شريحة فونه و قطعنا اي خيط يربطه باصحاب السوء و كنت بعمل اكل و بيتريق عليا فيه عشان هو خبرة جدا ف الطبخ وراثة من امه لانها كانت شاطرة جدا ف امور المطبخ ..و الدكتور كان بيفرح كل يوم عن ال قبله باستجابته و استجابة جسمه للعلاج و مرحلة الادمان خلصت و رجع نور بيته من جديد ..و لما رجعنا البيت كنت محضرة له مفاجاة ..و مغمية عيونه بايدي
وصلنا عند الاوضة و فتح عيونه 
بفرحة ..اي رأيك 
ايدا اي الجمال دا عملتي دا كله امتي اوعي يا موج تكوني ..
انا زي ما وعدتك ما
اخدتش حاجه من اهلي ..الاوضة دي كانت فاضية عملتلك فيه مسجد و المصحاف الملونة دي كانت بتاعتي وحتي كتب التفسير و كل ما يخص الدين انا كنت قولت لماما تحطهم ف شنطة هدومي ..واول خطوة بدأنها مع بعض كانت علاج جسمك ..دلوقتي هنعالج روحك بقربك من ربنا و كل الصور ال كنا بناخدها ف المصحه مع بعض علقتها هنا عشان نفتكر انجازتنا والاوضة دي عشان روحنا وبس ..حتي ف زعلنا كفاية انها هتفكرنا بالحلو ال بينا عشان فترة زعلنا متبقاش طويلة 
كان بيبصلي بحب و وشه منور و عيونه بيسكن تحتها نجوم بس و الليل اختفي ..
مر سنة و بحر كمل دراسته السنة الباقية ف هندسة و كان بيشتغل ف مصنع كدا صغير و كل يوم كنت بستني دقة مفاتيحه بلهفه ..و خلفنا بنوتة اسمها ضي اخدت ملامح بحر كلها و مش هقدر انسي اول مرة اشتريت لها جزمة صغننة و حطيتها بين الشوز بتاعتنا و بحر شال جزمتها و باسها و كان فرحان ان ضي بتكبر و بقي لها شوز زينا .. و انا كنت بتعلم منه اعمل حلويات اوقات هو بيسهر معايا عشان نخلص الاوردارت مع بعض و كنت ببيعها للناس ال حوالينا و بقيت مشهورة بكدا و الحمد لله الدخل بتاعنا كويس و كل دا من البيت لانه كان رافض الشغل اصلا بس وافق ع الفكرة دي عشان انها ف البيت و مش تحت اذن حد
ف يوم كان فيه اوردر طلباته كتير جدا لانه لحفلة كبيرة و مش حلويات بس لا دا اكل كمان و اخدت الفلوس ونزلت اشتري الطلبات و للاسف اتسرقت ف المواصلات و كان مبلغ مش هين يعادل مرتب بحر ..كنت ماشية بعيط و دخلت اقرب مسجد عشان محبتش اكلم بحر و ازعله .
في السجود 
يارب انا تعبت انا زعلانه علي حاله كل يوم و هو حاسس بخيبة امل و معاملة مديره و احساسه بالضعف يارب انت عارف انه اتظلم و انا عايزاك تنصره يارب ..انت وعدتنا يارب ف كتابك
ف إني قريب ..نحن اقرب اليه من حبل الوريد ..فصبرا جميل احنا صبرنا كتير و بنتي بتتعب و خاېفة عليها عوضنا يارب 
مكنتش عارفة ان صوتي كان عالي كدا و عياطي و شهقاتي كانت عالية ..لدرجة ان واحده قربت مني و اتكلمت معايا ..كانت منتقبة ورفعت النقاب
تفتكري انه بعد كل الوعود دي هيسيبك 
انا متاكدة انه مش هيسيبني بس تعبت 
طب ممكن تفضفضي وانا هسمعك 
محستش بنفسي غير وانا بحكي لها كل حاجه من اول جوازنا لحد ما اتسرقت من