زوجي ولكن
انت في الصفحة 1 من 6 صفحات
1
حد من زمايلك يعرف انك متجوزاني ممنوع.. الضحك بصوت عالي ممنوع... اللبس الضيق والقصير ممنوع..الوقفه مع ولاد ممنوع... اظن اني واضح معاكي من الأول أهوه...
_ و ليه محدش يعرف اننا متجوزين...
عشان انا مبحبش ۏجع الدماغ...
_ مش فاهمة
مش لازم تفهمي...
_ بس ده حقي...
لا مش حقك..
_ تمام يبقي مش من حقك تقولي اضحكي او البس او اقفي...
_ اللي يخليني اسمع كلامك هي فكره انك زوجي وانه واجبي اني اسمع كلامك...
لكن لو انت مش معترف ب ده يبقي انت ملكش اي حق...
انا فاهمة انك متجوزني قدام والدتك مش أكتر وانا اتجوزتك عشان تحميني من ولاد عمي اللي عايزين يسرقوا ورثي والله أعلم يمكن يخلصوا عليا...
ولكن انت ملكش ح...
هي كلها تلات شهور وهتدرس في جامعه تانيه..و قتها هعلن جوازنا...
حور
خاېف ېجرحها!!
وانا محدش خاف علي چرحي ولا حتي اللي المفروض انه بقي سندي... هو ده الشخص اللي هيحميني.. ومين يحميني منه ومن قسوته...
وكأن كلامه زي سلاح حاد عمال يغرس في قلبي أكتر من مرة.. وهو بيبصلي ببرود و لا كأن قلبي پينزف من چرح كلماته اللي سمعتها...
وكأن شخص أسمه اليأس اتمكن من كل خلية فيا وبيقولي كده كده الفرح مش مكتوبلك...
مهانش عليه حتي يقولي اوصلك في طريقي ولا حتي فكر يقولي معاكي يكفيكي ولا لا.. وكأن كل كلمة قرأتها بنت بعمر 19 سنه في روايات وكتب كدبة... وكأن الفارس اللي هيخاف عليكي من عيون الناس ده مستحيل يكون فيه منه نسخه ولو حتي قريب من الخيال...
أطلب منه!! و هو ليه مسألنيش.. ليه مخافش عليا.. وهو عارف اني واحدة هربانه من أهل ابويا وجريت لبيت صاحبة امي من زمان... هربت لبيته...
قعدت في المدرج عشان أول محاضرة ليا في حياتي الجامعيه... سألت بنت جمبي علي جدول المحاضرات.. فتحت تليفونها ومسكته وانا عنيا بتدور علي أسمه بين الدكاترة ولكنه مكانش منهم...
قررت في نفسي ادور علي شغل عشان ممدش ايدي لواحد مش معترف اني مراته...
فتحت كشكولي في أخر اليوم عشان انقل جدول المحاضرات لأني مش معايا تليفون...
رجعت البيت بعد يوم متعب بل بعد أسبوع متعب من اول م هربت من بيتي وانا سمعاهم بيتفقوا انهم يخدروني ويمضوني...
هربت وانا مش عارفه هروح لفين ولا هروح لمين... ماما وحيدة ابوها وأمها و قرايبها من مدينه تانيه بل من محافظة تانيه أبعد ومعرفش عنوانهم...
البيت الوحيد اللي كنت عارفاه هو بيت صاحبتها...
دخلت وأنا ناقصني ثانية واحده و هيغمي عليا من التعب والجوع...
مصرفتش الا فلوس المواصلات مكلتش ولا شربت عشان تكفيني لفترة كبيرة لحد م الأقي شغل...
دخلت أوضته و غيرت هدومي و انا دايخه و بدأت افقد القدرة علي الحركه... ولكن خجلي وشعوري اني عاله علي العيلة دي مانعني من تصرفي وكأني بنت البيت او زوجة الإبن.... ولكن ما باليد حيلة...
لقيت والدة يونس واقفه بتجهز العشاء...
اتأخرت عليكي...
_ اهلا اهلا.. ازيك ي حبيبتي انتي جيتي امتي مخدتش بالي...
لسه داخله يدوب غيرت هدومي...
_ طب كويس.. يونس كلها نص ساعة ويبقي هنا وهناكل سوا...
ماشي... بس.. بس ممكن اخد عصير...
_ لو حبتيه خديه..
هو مين..
ضحكت و بصتلي وبعدين شاورت علي العصير واتكلمت...
_ العصير ي حور..
اه.. هحبه اي المشكله ده برتقان.. ده اااااي مرر اوووي... انتي نسيتي تحطي سكر..
ضحكت وبصتلي...
_
