ياتسه
انا ببعد نظري عنه تماما لكن هو علطول عينه عليا
_ يمكن بيتهيألك !!
_ يمكن بس انا لي بتوتر وهو موجود !
_ يمكن عشان الواد حلو شويه ..
_ انا اتعملت مع شباب قمرات كتير بس هو بصراحه شكله احله لالا يا ست استغفر الله
_ يا ولا والله شكلك وقعتي على عينك...
_ بعد الشړ عليا من الوقوع يارب لا ونبي يارب مش عايزه احب حد يعني انا اتحب عادي لكن احب لا يارب ونبي
طلبت من نور صحبتي تحضر معايا المحاضره عشان تلاحظ تحركاته وهل فهلا انا من حقي ارتبك بوجوده ولا اي افضل حاجه ممكن اعملها عشان ابعد نظره عني
بدات اشرح انواع الخطوط وراجع الكورس من اوله عشان المحاضره الجايه امتحان على نهايه الكورس ...
نور كانت مركزه مع عمر ومعايا وبتشوفني بتعامل بوجوده ازاي وعنيها كلها بتضحك بحس بأنها فخوره بيا هي دائما بتقولي كدا دائما شايفه اني وصلت لنقطه كويسه في حياتي العمليه ودائما بتشجعني اكمل نور اعرفها من فتره طويله ويمكن هي اهم شخص في حياتي وهي اكتر واحده ساعدتني اوصل لكدا
بعد ما المحاضره خلصت ومعظم الموجودين مشيوا
_ انا زعلان جدا اني مش هشوفك تاني !
_ اكيد هتشوفني يا حمزه وبعدين انا موجوده هنا دائما لو احتاجتني هتلاقيني ...
_ انا عارفك من على اليوتيوب ومتابعك من زمان لكن على الطبيعيه واني اتعامل معاكي كدا خلاني اشوفك بمنظور تاني خالص
_ يعني هو مين يعرف الفنانه ويشوفها من نظرة وحشه !
عمر قاطع كلامنا حسيته كان سامع كل كلمه اتقالت
_ طب مش المحاضره خلصت بتلطف لي يا خفيف !
_ نعم !!
_ عمر في اي !
_ اتفضل اتوكل يلا !!
_ في اي يا باشا مهندس انا بحترمك ...
_ وانا بكلمك بكل ذوق اتفضل امشي
_ عمر للحظه انت ازاي تكلمه كدا وبعدين انت مالك يمشي ولا يقعد وبعدين دا .....
معرفش ازاي حمزه خرج من غير ما يرد عليه لكن يمكن لما بيتعصب شكله پيخوف انا كنت بخاف منه وكنت بخاف اقوله انه خطه بشع مش بس وحش كنت بقعد اشرحله الحاجه تكتب ازاي اكتر من عشرين مره لكن بردو بيكتبها غلط اخد معايا نفس الكورس مرتين كان اول مره على اليوتيوب وكان بيكلمني كل يوم يقولي الجمله دي صح واقوله لأ حسن اكتر كان كل يوم جمله وبعدين عرف عنوان الاكاديميه وجه يتعلم مني على ارض الواقع ومن يومه وانا حاسه ان حياتي اتغيرت ....
_ انت ازاي تكلمه كدا وبعدين....
_ اي اللون اللي انت لابسه دا !
_ لون اي ! ...وبعدين لحظه انا بكلمك في اي وانت بكلمني في اي !
_ اللون الاحمر دا ميتلبس تاني فاهمه ولا مش فاهمه !!
_ بس دا لون حلو
_ انا قولت ميتلبسش ..
_ حاضر ....اي دا في اي لا هلبسه انت مالك اصلا انا البس اللي بعجبني !!
_ اهون عليك
_ بصراحه لأ بس اسمعي كلامي !
_ حاضر ...حاضر اي انت مچنون ولا اي لا مش هسمع كلام حد وهلبس اللي يعجبني ..
_ انا لازم امشي لوقتي ابق روحي مع صحبتك نور اللي قاعده مركزه معاكي ومعايا دي وقوليلها انها مش بتعرف تمثل خالص
_ عندك حق هي فاشله في كل حاج.....للحظه انت بتقول اي انا صاحبتي مش بتركز مع حد ....لا اقصد اني معرفهاش هي مش صحبتي ولا حاجه
سبني ومشي وانا مضايقه جدا كنت عايزه امسكه اۏلع فيه من بروده وردوده عليا
_ رحمة الواد دا طلع حلو اوي
_ يا ست اخرسي بق دا انت طلعتي هبله خالص !!
_ لي بس ! وعلفكره بق هو منزلش عينه من عليكي من اول المحاضره ..
مش هكذب واقول اني مش مركزه مع عمر انا كمان وبحاول اعرف عنه كل حاجه من غير ما ابين انا فعلا كنت ببحث عنه دائما واسمه بق في قائمه البحث عندي ودائما شاغل تفكيري كنت بفتكر كلامه اللي بيضحكني في عز زعلي وافتكر تعليقاته السخيفه اللي مكنتش بضحك حد غيري ولا تقل دمه لما كان بيتعصب بس انا كنت بخاف اقوله فين الواجب برغم انه عمره ما على صوته عليا الا اني بخاف منه ومن رد فعله
كنت مستنيه يوم المحاضره عشان اشوفه
_ انا مبسوطه جدا اني كنت معاكم بجد مش متخيلها ان الكورس خلص بالسرعه دي لكن ان شاءالله نتقابل على خير انا المفروض كنت هعمل
