اتجوزته في بيت عيله بقلم اماني السيد
من بكره ننزل نختار احلى شقه لاحلى ايلا فى الدنيا يعنى افهم من كده انك وافقتى
ايلاف مانت عارف انى بحبك وعايزه افضل معاك منكرش انى مچروحه منك بس هستنى معاملتك ليه تنسينى چرحك عليا
صفوان اذا كان على كده كل ده امره بسيط وفعلا طلبت اكل غالى لنفسها وهو طلب زيها وخرجوا وخلته جابلها شابكه من اول وجديد كانه لسه بيتجوزها لاول مره وتانى يوم
ايلاف بقولك يا حبيبى فى كومبوند حلو اوى واسعاره تحفه ايه رايك نروح نشوفوا انا كلمت المبيعات وهما بعتولى المساحات والاسعار
صفوان طيب ابعتيها
شاف صفوان الاسعار ولقاها مناسبه وقرر انه يروحوا تانى يوم يكون سحب فلوس من البنك
وبليل اتصل بيها
صفوان بقولك انا جهزت الفلوس عشان اروح اشترى الشقه
صفوان خلاص يا ستى اخدك ونروح
إيلاف خلاص تمام هستناك تعدى عليا وبالمره اعرف الجيران اننا خلاص هنرجع لبعض عشان لما يشوفوك محدش يتكلم
وصل صفوان عند بيت ايلاف
صفوان ايلا انزلى يلا مستنيكى في العربيه
ايلاف انا لسه مخلصتش اطلع اشرب كوبايه عصير على مخلص
ونزلوا وراحوا الكمبوند وعجابهم اوى المكان وفعلا خلاص قرروا يشتروا واثناء تجهيز العقد اتفاجئ صفوان انوالمحفظه مش فى جيبه
صفوان ايلاف المحفظه مش فى جيبى
إيلاف يا خبر طيب هتعمل ايه والناس هتقول ايه رجعت فى كلمتك تانى وواخدها حجه اكيد
إيلاف عملت نفسها بتفكر طيب انا معايا البطاقه بتاعتى ايه رايك اكتب العقد باسمى وبعد كده لما تتسحل اعملك عقد بيه
صفوان ماشكش لحظه في ايلاف
صفوان خلاص يا ايلا ماشى وفعلا اتكتبت الشقه باسمها ودى كانت تانى حاجة اول حاجه شبكه تانى حاجة شقه
تالت حاجه ايه خمنوا بقى يا نجماتى يلا عايزه اسمع تخميناتكم
اتكتب عقد الشقه الجديده باسم إيلاف ودى كانت اول خطوه وهما ماشين
صفوان تحبى نكتب الكتاب امته بقى ايه رايك بكره كده الشقه جت ومش ناقص حاجه
ايلاف مافيش مشكله عندى يا حبيبي نكتب بكره بس هتعرف تجيب العفش من شقتى القديمه
صفوان ازاى انسى حاجه زى دى ماينفعش طبعا هيشكوا ان إحنا رجعنا لبعض
صفوان طيب تعالى ناكل لقمه فى اى حته وننزل نشترى عفش جديد
إيلاف بس كده يا حبيبي انت هتغرم كتير اوى وانا هحس بالذنب انى بكلفك كده
صفوان سمع كلامها وحس بزغزغه في قلبه تخليه يحط كل فلوسها تحت رجليها وهو مبسوط
صفوان لا يا حبيبتي فداكى وبعدين جيب السبع عمران
وفعلا نزلوا واشتروا كل حاجه إيلاف نفسها فيها وكانت حاسه انها بتتجوز لسه من اول وجديد لان اول مره حماتها هى اللى اختارت كل حاجه على زوقها
Flash back
وقت الخطوبه نزلت ام صفوان مع ايلاف ومعاهم صفوان يختاروا العفش وكل اما حاجه تعجب ايلاف كانت حماتها تحاول تكرهها فيها
إيلاف صفوان بص كده ايه رايك في اوضه النوم دى شكلها سمبل اوى
صفوان اللى يعجبك هاتيه انا بصراحه مش بفهم فى الحاجات دي
ام صفوان طبعا معجبهاش الكلام
ام صفوان انا شايفه انها مش اوضه عرسان ابدا دى اوضه شبابيه
إيلاف طيب بصى دى بيضه وحلوه اوى ومش مبهرجه
ام صفوان وغاليه أوى احنا لما نجبها هنجيب بقيت العفش منين بصى الاوضه دى حلوه وتنفع عرسان
إيلاف اللى تشوفيه حضرتك ومن ساعتها وكل العفش كان اختيار زوق حماتها مش زوقها ابدا
End flash back
فاقت من سراحنها على صوت صفوان
بقولك ايه هحيب الماذون يوم الجمعه نكون فى اليومين دول فرشنا الشقه
إيلاف خلاص وانا هكلم اسماء وجوزها يجوا يحضروا وهعرف الجيران عشان لما امشى محدش يجيب فى سيرتى
واه صحيح محتاجه انزل اجيب شويه هدوم جديده وهاخد اسماء معايا
صفوان طيب ماجى معاكى انا
إيلاف لا فى حاجات عايزه اعملهالك مفاجأة بقى
صفوان حاجات ايه
إيلاف كلك مفهوميه يا معلم
صفوان ضحك بعلو صوته خلاص فهمت يا عروسه طيب افتحى الدرج ده
إيلاف فى فلوس
صفوان خديها هاتى اللى يعجبك بس عايزك تظبطينى بقى
إيلاف ضحكه بكسوف حاضر يا حبيبي ماتقلقش بقولك ايه
صفوان قولى
إيلاف ايه رايك لو سافرنا يومين كده فى مكان قريب وعملنا شهر عسل انا حاسه اننا لسه عرسان جداد
صفوان صعب الموضوع ده يا ايلاف انتى عارفه محدش عارف حاجه
إيلاف بتمثيل الزعل خلاص يا حبيبي وانا ميرضنيش اعملك مشاكل
صفوان بصى سبينى اظبطها كده واشوف بس موعدكيش انى ممكن اقدر وكمان عشان الشغل
إيلاف لا انا واثقه فيك انك تقدر وهاخد محاولتك دى وعد
وصل صفوان ايلاف لبيتها وراح بعد كده على بيته ودخل ولقى امه ومروه قاعدين
صفوان سلام عليكم
مروه وعليكم السلام احطلك تاكل
صفوان لا اكلت بره
ام صفوان الحمد لله انك كلت بره عشان لو كنت كلت اكلها كان ممكن يجرالك حاجه او تنام من غير عشا
صفوان ليه هو اكلها ماله
ام صفوان سم بعيد عنك مالح والرز معجن وكل حاجه بايظه
صفوان مش انتى عاملتى قبل كده يا مروه اكل كان حلو
مروه لا يا حبيبي دى ماما كانت بتعمل الاكل وتبعتهولى مع السواق وانا كنت باخده منها واسخن ولما قولتلها انى هنزل اطبخ عند خالتى بطلت تبعت وقالت خالتك تعلمك وامك مش بترضى تعرفنى حاجه
صفوان معلش يا اما ابقى علميها ينوبك ثواب اعتبريها بنتك
ام صفوان انا بنتى ست البنات مكنتش محتاجه اعلمها حاجه وجوزها شايلها من الارض شيل لولا الغربه بس
صفوان طيب انا هطلع اخد حمام وانام عايزه حاجه من مروه يا اما قبل ما تطلع عشان تجهزلى الحمام
ام صفوان لا يا حبيبي حتى لو عايزه هى مراتك وانت اهم تخدمك اولى
طلعت مروه مع جوزها
صفوان بقولك يا مروه جهزيلى الحمام لان انهارده هلكان بره فى الشغل ومحتاج حمام يزيح تعب اليوم
دخلت مروه حاطتله الشامبو والشاور والليفه على البانيو وخرجت دخل صفوان بعدها وخرج ينادى عليها
صفوان مره يا مروه مجهزتيش الزفت ليه
مروه منا حطتلك كل حاجه قدامك على البانيو
صفوان لا كتر خيرك ابقى دورى على النت تجهيز الحمام ازاى وسابها ودخل وهو متعصب واخد شاور وخرج لقاها لابسه لبس مكشوف
مروه معلش يا حبيبي بكره هتعلم ازاى يتحضر واعملك كل اللى انت عايزه
صفوان ماشى يا مروه
مروه طيب مش عايز حاجه تانيه اعملهالك
صفوان اه اطفى النور وسبينى انام لانى هلكان بقولك ولسه عندى سفر
مروه طيب ايه رايك اجى معاك
صفوان تيجى معايا فين تيجى وسط رجاله ولا تحملى الاقفاص مع العمال
مروه بتمثيل ابتسامه عشان اتضايقت من اسلوبه معاها خلاص يا حبيبي بس بقولك ايه سيبلى فلوس عشان محتاجه اروح للدكتوره
صفوان قام اتنفض مره واحده ليه حاسه بحاجه
مروه فهمت دماغه لا عايزه اعرف سبب تاخير الحمل احنا عدينا ٣ شهور اهو عشان لو فى حاجه اكون عارفه او اخد منشطات ولا حاجه تسرع الحمل
صفوان بخيبه امل طلع فلوس وادهالها وقالها خدى يارب بس تيجى بفايده
عند ايلاف اتصلت بأسماء صحبتها
اسماء ها عملتى ايه طمنينى
ايلاف عيب عليك يا معلم سبع طبعا جبت الشقه وكتبها باسمى ومش بس كده نزلنا جبنا عفش جديد كمان وفوق ده كله سابلى فلوس عشان ننزل نشترى لبس وحاجات عشانى فضيلى نفسك بقى بكره
اسماء خلاص هودى الواد لماما عشان نلف انا وانتى براحتنا
إيلاف عشان نظبط بقيت الخطه وصحيح قولى لجوزك يوم الجمعة كتب كتابي علي صفوان عشان تيجوا
أسماء خلاص ماشى يا عسليه روحى نامى عشان اكيد تعبانه ونتقابل بكره
تانى يوم تم شحن العفش على الشقه الجديده وكان صفوان موجود واستلمه وجاب اتنين ستات فرشوا الشقه وجهزوها لان إيلاف قالتله انها مشغوله وصعب تروح
ايلاف واسماء قضوا يومهم فى التسوق وجابت كل حاجه نفسها فيها زجابت لصحبتها فستان هديه عشان كتب كتابها وبدله لابن صحبتها وزودت من لبس النوم والبيت وقررت انها مش هتكسف تانى منه لان كسوفها وكسرتها وسمعان كلامها وطيبتها خلوها تفشل في حياتها والكل بقى يجيى عليها بعد ما خلصوا شوبينج راحت بيوتى سنتر عملت ماسكات وسونا وجاكوزى وسبا ورسمت حنا فى اماكن متفرقه في جسمها وجهزت الخطه الجايه اللى هتعملها واكدت على اسماء انها ماتبعتلهاش رسايل تخص الخطه بتاعتها ومتكلمهاش في اى حاجه طول ما صفوان موجود تبقى مكلمات ورسايل عاديه عشان مايشكش في حاجه وعدى اليوم بدون مايقابل صفوان ايلاف لكن بعتلها صور الشقه بعد فرشها على الواتس اب وان ناقصها فرش المطبخ وهدومها ودى تعملها هى بعدين
عدت اليام وجه يوم الجمعة وكانت ايلاف راحت الشقه وفرشت الناقص وكان فى تعديلات بسيطه ظبطتها زى فرش الستاير والسجاجيد ورفضت ان صفوان يشوفها عشان مايشوفش اللوك الجديد اللى خيا عملاه
جه يوم كتب الكتاب وايلاف خلت اسماء تصورها كتير مع صفوان صور رومانسيه من غير ما ياخد باله وصوره جماعيه وصوره لاسماء وايلاف فقط وايلاف قالتلها بعد بكره تحطى صورتى انا وانتى بس خلفيه عندك من غير ما تكتبى حاجه وتعمليلى تاج فيها وفعلا أسماء نفذت كلامها وصفوان كان حاجز يومين فى فندق في السخنه
مش عارف ان الأيام الجايه كلها هتكون سخنه
البارت الخامس
سافرت ايلاف مع صفوان للسخنه وقضوا يومين حلوين
كانت إيلاف طول الوقت بتحاول تظهر احلى ما فى شكلها وكانت بتهتم بصفوان بشكل كبير رغم انهم فى فندق الا انها كانت بتحضرله الحمام وكانت جايبه زيوت مساج وشمع بروائح مهدئه كانوا بالنسبة لصفوان من احلى ايام حياته انت اللى حرمت نفسك من كده من زمان مش مشكلتنا
صفوان بس قوليلى يا ايلا الدلع والجمال ده كان فين من زمان
إيلاف انا طول عمرى حلوه حتى وانا كلبوظه شويه كنت حلوه برضو بس كان شغل البيت وطلبات مامتك مش مدينى وقت خالص حتى ابص فى المرايه
صفوان اهو انتى دلوقتي يا ستى بقيتى بعيده عنها مروه معاها
إيلاف وهى مروه بتعرف تهتم بيك زيى كده
صفوان لأ طبعا هو انت فى زيك
إيلاف صفوان هو انت حبيت مروه مرتاح معاها
صفوان مش عارف بس بكون معاكى مرتاح ومبسوط اكتر
إيلاف ان شاء الله هبسطك اكتر
وقضوا فعلا وقت لطيف مع بعض وكانوا طول الوقت يا فى الفندق يا إما على البحر بعد يومين رجعوا تانى لشقتهم
واليوم اللى رجعوا فيه كانت اسماء نزلت صورتها مع إيلاف فيه وهما لوحدهم وعملتلها تاج بحيث انها تظهر فى صفحه ايلاف وعشان ايلاف متاكده ان مروه مراقبه
