رواية سندي الصالح بقلم مريم ابو شامه

كنت
كنت قاعده ف الصالون وانا فاتحه الفون بقلب ب ملل ف البوستات.
لقيت بابا داخل عليا وهو بيزعق فيا بصوت عالي ويقولي
_ انتي ي استاذه انا مش قايل ان في عريس جاي لاختك ومش عاوز اشوف وشك تحت
بصيتله وقولتله. 
هو فين العريس دا يبابا انا مش شايفه حد
_ الكلام يتسمع قومي غوري ع فوق باللبس دا مش عايز اشوف وشك لحد ما الضيوف يمشو يلاا

قومت من مكاني واستغربت نفسي عيوني مدمعتش ولا اتأثرت بكلامه يمكن عشان مش اول مره يعاملني كدا
اصلا انا عارفه هو لي بيعاملني بالاسلوب دا.. عشان لبسي كله مش لايق مع المجتمع دا لبسي كله ف نظر بابا مش محترم بس انا ذنبي ايي يعني انا اتربيت برا مش ف مصر ودا الل اتعودت عليه.

قومت فعلا طلعت ودخلت خدت دش وبعدين خرجت لبست لبس بيتي وافتكرت اني نسيت فوني تحت وانا بصراحه مش بعرف ااقعد من غيره لا هو عليه اسرار ولا كلام من دا بس زي ما تقولو اتعودت عليه زي ما اتعودت علي لبسي كدا.
كنت لازم انزل اجيبه مكنتش اعرف ان العريس الل جاي لاختي تحت.
بس الحمد لله وانا ع السلم لسه سمعت صوتهم ف قررت اني اطلع عشان بابا ميزهقش
فضلت ساعه ف اوضتي مش عارفه اخرج وف نفس الوقت مدايقه
قومت لبست فستان فيروزي لحد الركبه ولمېت شعري بعشوائيه ونزلت اجيبه
لما نزلت لقيت اختي او بالاصح تؤامي قاعده بس كانت شبه الملاك
لابسه فستان لافندر وخمار اوفوايت ومن غير اي ميكب بس كانت جميله اويي وقفت شويه مش واخده بالي انهم كلهم باصولي وانا اصلا ببص لاختي واد اي هي حلوه جداا
لقيت بابا شدني من ايدي وهو بيتكلم بصوت واطي وعصبي 
_ اي الل نزلك
ساعتها بلعت ريقي من طريقة كلامه معايا 
نازله اجيب الفون بتاعي
بصلي بصه بتطلع شرار وانا خۏفت صراحه.
لقيت راجل ف سن بابا بيقول 
_ اي ي خالد مش تعرفنا 
بصيت للراجل دا وانا لسه واخده بالي ان في ضيوف قاعدين بعدها بصيت للشاب الل قاعد جمبه كان حلو خالص وبشرته لا هي بيضه ولا سمرا
وجمبه م الناحيه التانيه قاعده بنت كيوت اوي محجبه وست باين عليه اللطف شكلهم عيله لطيفه اصلا.
لقيت بابا بيتكلم وهو مبتسم ليهم بس من تحت الدرس وقال
_ اه طبعا دي مليكه بنتي تؤام منار
بس مكناش نعرف ان منار ليها تؤام يعني
_ ايوا مهي لسه راجعه مع مامتها من لندن
قومت سلمت عليهم ووقفت عند الشاب الل كان قاعد من ساعة ما دخلت راسه ف الارض ومتكلمش
صراحه مردتيش اسلم عليه واكتفيت اني اخد فوني واطلع وانا بستأذن منهم
بعدها بنص ساعه بالظبط لقيت بابا داخل وهو بابن عليه زهقان ودا طبيعي بعد ما الل انا عملته
كنت قاعده قدام المرايا بسرح شعري ولقيته مسكني من شعري جامد وهو پيصرخ فيا وبيقول
_ ينفع الل عملتيه دا يقليلة الادب
اتألمت بس مظهرتش دا وقولتله 
والله يبابا ما كان قصدي انا نزلت اجيب....
شد شعري اكتر لدرجه ان دموعي نزلت ڠصب عني ودا شئ بكرهه ف نفسي اني اعيط قدام حد.
لقيته مسك الفون ورماه وقالي
_ مش دا الل نزلتي عشانه طب اهو
ڠصب عني صړخت فيه وقولتله 
انت لي بتعمل معايا كدا منا بردو بنتك زي منار
ضحك بسخريه وقالي
_ انا بنتي منار لكن انتي بلبسك دا معرفش انتي مين
مهو ڠصب عني اني افتح عيني الاقي البلد الل انا فيها هو دا لبسهم ڠصب عني اتعودت ع كدا المفروض ك اب كنت تمنعني عن دا وزي ما اخدت منار وربيتها كنت تاخدني انا كمان اشمعنا انا. 
لقيته مشي من غير ولا كلمه وانا فضلت مكاني ع الارض متحركتش بتخيل لو فعلا كان اخدني ورباني وعملني الصح م الغلط بتخيل لو بقيت زيي منار 
دا انا حتي معرفش بصلي ازاي مش ذنبي والله انا ع اد ما اقدر بحاول بس مفيش الايد الل تساعد
قومت الصبح فضلت ادور ع حاجه طويله البسها بس مفيش لبست سلوبته جينز هي دي الحاجه المحترمه الل عندي اصلا
نزلت المره دي وانا مش حاطه مكياج
لقيتهم بيفطرو سلمت عليهم بسمحدش رد حتي منار الل هي المفترض تؤامي بتشمئز مني... مهانش عليهم يقولولي تعالي افطري اصلا
خرجت عشان اروح كليتي بس لقيت معاذ اخويا داخل من برا
كان مسافر يومين تبع شغل بابا.
سلمت عليه وهو ضمني تقريبا هو دا الل حنين عليا
باسني من جبيني وقالي 
_ تحبي اوصلك ي قلبي
ابتسمتله وقولت 
لا يحبيبي ادخل انت اكيد تعبان افطر مع بابا ومنار
روحت كليتي ومخلصتش من بصات الولاد ليا ولا همسات البنات عليا.
زي كل يوم قعدت لوحدي وانا بقرأ روايتي لقيت الل قعد اتفاجأت ف رفعت راسي لقيت ..
التاني
زي كل يوم قعدت لوحدي وانا بقرأ روايتي لقيت الل قعد اتفاجأت ف رفعت راسي لقيت البنت اللطيفه الل كانت ف بيتنا امبارح.


بصتلها بإستغراب وهي لقيتها بتبتسملي واااه من ابتسامتها جميله اويي ... 
ڠصب عني ابتسمت وقولت
_ اتفضلي
انا أميره اخت أيوب خطيب منار اختك.
مش عارفه لي جذبني الاسم أيوب اسم لطيف اويي جميل ومختلف كمان.
لقتني بقولها...
_ هو اخوكي اسمه ايوب.
ابتسمت وقالتلي
اسم جميل مش كدا
صراحه اتحرجت اصلا انا مالي ب اسمه مديت ايدي وقولتلها
_ انا مليكه
اسمك جمييل ع فكره 
مددت ايديها وقالت الل خلاني استغرب 
صحاااب
استغربت منها اصلا كل البنات بيشمتو فيا ومش بيردو يصاحبوني بسبب لبسي وشعري.. يعني مكنتش اتوقع ف يوم انو واحده تتقبلني.
مديت ايدي انا كمان وانا ببتسم وقولتلها بلهفه
_ وماله صحااب
اخدت رقمها بس هي معرفتش تاخد رقمي بسبب الفون الل بابا كسرهولي
اليوم عدي زيي اي يوم ورجعت الفيلا.
لقيت معاذ اخويا قاعد وباين عليه الزهق .. استغربت هو دلوقتي المفروض يبقي ف الشركه اصلا 
مهتمتش وروحت عنده وقعدت جمبه
بصلي ولقيته ابتسم وكأنه مكنش زهقان من ثانيتين بس.
_ عامله اي يقلبي
الحمد لله .. قولي انت عامل اي شكلك متضايق وراجع بدري م الشركه
اتنهد وقالي 
_ خلاص مبقاش ليا كلمه ف البيت دا ي مليكه
مسكت ايده وقولتله بهدوء 
اي الل بتقوله دا يحبيبي
بصلي وقالي 
_ بقاا منار تتخطب وانا اخر من يعلم .. هو انا مش اخوها بردو
ساعتها فهمت هو لي زهقان هو اصلا بابا بيقولوش ع اي حاجه تخص البيت بيعامله كأنه شغال عنده كل اال يهمه الفلوس ومنار
حاولت اخرجه عن زهقه ف قولتله 
_ عارف ي ميزو
اي يرووحي
_ اتصاحبت انهارده ع بنت بس اي جميله خالص
لقيته كشړ او استغرب مش عارفه 
اتصاحبتي ازاي يعني
_ لا دي غيرهم كلهم هي الل جت وكلمتني عارف دي مين
مين 
_ دي اميره
ايون عرفتها انا كدا .. اميره مين
_ اميره اخت ايوب خطيب منار ي معاذ
اممم ودي بقاا كلمتك لي
_ معرفش هي لقيتها جايه انهارده واتكلمت معايا بس حلوه اويي ي معاذ وكمان محجبه وباين عليها بتصلي وشها منور
ابتسملي وقالي 
عقبالك يرووحي
_ ياارب ي معاذ يااارب ادعيلي
بدعيلك يحبيبتي ربنا يهديكي ويريح قلبك.
_ بقولك صحيح انا عايزه فون جديد
والل لسه جايبهولك من شهرين
_ بابا كسره
طيب اطلعي انتي ذاكري شويه وانا ساعه وجايلك
طلعت فعلا غيرت هدومي وقعدت اذاكر شويه وبعد وقت طوويل 
لقيت الباب بيخبط.
دخل معاذ وهو ماسك شنط كتيره
_ اي دا ي معاذ
دول لبس محجابات يرووحي وقت ما تلاقي نفسك متقبلاهم البسي منهم .. ودا الفون بدل الل اتكسر
حقيقي فرحت جدا من معاذ قومت طلعت وقعدت اتفرج عليهم وكانو ف منتهي الرووعه عجبني جدا فستان ازرق غامق بورد ابيض صغنن...
لبسته ولبست عليه طرحه اوفوايت وبصيت لنفسي ف المرايه كنت جميله خاالص وحبيت شكلي اويي نزلت جري عشان اوريه لمعاذ وانا فرحانه بس اتفاجات من عيلة اميره داخله وكلهم بصولي ولقيت ايوب قال 
_ بسم الله ماشاء الله 
وبعدها بص ف الارض ..
حقيقي فرحت جدا وكان باين ع وشهم الاعجاب لقيت اميره جت مسكت ايدي وهي بتلفني وبتقول بإعحاب
_ الله اكبر اي الجمال دا ي مليكه .. انتي ملاك
كان ساعتها بابا واقف بصيت اشوف ردة فعله اكيد هيفرح وانا باللبس دا بس لقيت نظره خذلتني مكنتش متوقعه رد فعله لما جه وقالي بصووت واطي بس تقريبا اميره سمعت 
_ اطلعي ع فوق والا مش هيحصلك كويس
بصيتله بإنكسار وانا جيت اطلع سمعت صوت صفيير اتلفت لقيت معاذ واقف وبيضحك جريتعليه ونسيت ټهديد بابا ليا
_ اي رأيك ي معاذ حلو ولا اغيره
مسك ايدي وباسهم وباس راسي وقالي جميله وزي الورده ي ملاكي ربنا يثبتك يرووحي
ف الوقت دا كان بابا دخل الضيوف ودخلت منار
جيت اطلع شدني معاذ من ايدي وقالي 
_ والله منا داخل غير معاكي
دخلت فعلا وانا ماسكه فيه وخاېفه من بابا وهو بيطمني
اتكلم ابو ايوب 
_ ما شاء الله جميله ي مليكه ربنا يثبتك يبنتي
ابتسمتله بكسوف وقولتله 
ربنا يخليك ي عمي
شويه م الكلام ع شوية هزار ولقيت ايوب الحمد الله اتكلم ورفع راسه وقال
_ عمي انا اسف بس انا طالب ايد بنت حضرتك مليكه


شويه م الكلام ع شوية هزار ولقيت ايوب الحمد الله اتكلم ورفع راسه وقال
_ عمي انا اسف بس انا طالب ايد بنت حضرتك مليكه
لا معلش عيد تاني كدا .. انا ف لللحظه دي بصيت ع بابا وانا جسمي بيترعش ومړعوبه لقيت معاذ بيهديني وهو بيبصلي ويطمني.
بابا ساعتها قام وقف وزعق 
هو لعب عيال يبن مصطفي ولا ايي مش عيب علي رجولتك تيجي تطلب بنتي وتاني يوم تطلب اختها ولا هي العين زايغه
كله قام وقف وايوب قام ببرود وكانه مقومش البيت حريقه
هو في اي يعمي انا امبارح جيت مع بابا عشان اشوف العروسه وبنت حضرتك انسه منار ماشاء الله ذوق واخلاق والبنت الل كنت بحلم بيها زوجه ليه لبسها وخمارها .. بس انا عايز مليكه
ف الوقت دا معاذ مسكه من هدومه وهو بيزعق فيه 
_ ما تحافظ علي الفاظك واختار كلماتك عشان مصوركش قتيل هنا... اي عايز مليكه دي .. اسمها انسه مليكه ي حيواااان.
اتكلم عم مصطفي وهو بيحاول يهدي الحوار 
خلاص يبني سيبه .. كلام اي دا ي ايوب الل بتقوله انت مش قولت منار
اتكلم بعصبيه 
_ انا مقولتش حد انت طلبت مني اتجوز وانا وافقت مع اصرارك وضغطك عليا لانها بنت صاحبك واكيد في مصلحه بس انا عايز اختها
بابا اتكلم بنرفزة جامده 
وانا معنديش بنات للجواز
ساعتها ايوب بص عليا وانا ارتبكت الصراحه ووطيت راسي ف الارض سمعته بيقول 
_