هو محبنيش ليه

نايم والحقيقه انه مش تبع البشر وهو نايم والله شعره نازل ع جبهته محليه رموشه الطويله وال مخبيه عسل صافى تحتها لحيته ال محلياه اكتر واكتر ملامحه اللطيفه قادره ابص فيها من غير م اخاڤ انه يشوفنى ملامحه قادره تخلينى اقع ف حبه ميه مره كفيله تخلينى اختاره ف كل مره كأنها اول مره كفيله تخلينى احاول اعافر عشان أوصل لقلبه بس باين انى هتعب 
فوقت من سرحاني لما لقيته بيتقلب وفاق لما شافنى واقفه قدامه زى الصنم 
اتعدل بقلق وخوف 
_ ف حاجه ولا اي انتي كويسه 
احم ايوه الحمدلله بس جيت اعرفك اني نازله تحت عند طنط عشان اعمل الغدا 

_ طب مخبطتيش ليه  
انا خبطت كتير بس انت ال مصحتش عايز حاجه قبل م انزل  
_ لا شكرا 
نزلت ولقيت مرات اخوه الكبير تحت وال حرفيا مش بتحبنى لأنها اخت ريناد بنت عمه وال الحقيقه مش عارفه بتكرهنى ليه مع ان اختها هى ال رفضت ارتباطهم قبل م انا ادخل ف حياتهم أصلا المهم 
سلمت ع مامته وبوست ايديها ك العاده 
سلام عليكم ازيك ي طنط 
بصتلى بحب وال الحقيقه نفسي ابنها يبصلى البصه دى مره 
_ وعليكم السلام ورحمة الله وبركاته الحمدلله ي بنتى ف فضل ونعمه وبعدين مش انا قولتلك قوليلى ي ماما 
حاضر ي ماما انا هدخل اشوف الاكل بقا واعمل الاكل ال بيحبه أواب..
_ ماشي ي بنتى ربنا يسعدكوا يارب ي بنتى 
أمنت وراها من كل قلبى ودخلت المطبخ  
بعد ساعتين وبعد م خلصت شغل خرجت عشان اطلع ل أواب عشان يجهز لصلاه الجمعه وبعد م جهز ونازلين تحت ع السلم كنت مركزه معاه مع شعره الناعم مع طوله ال بياكدلى انى قزمه جمبه م اخدتش بالى انى السلم خلص وكنت هقع ف سندت عليه 
بصلي بقلق طبيعي
_ انتى كويسه ي مي  
بس الحقيقه انى مكنتش مركزه معاه انا كنت مركزههو بيحبنى ياخدنى فيه عشان اعيطله اعيطله عن كل حاجه وجعتنى وانا عند اهلى اعيطله عن احساسي وانا امى بتعمالنى وحش وبتعامل اخواتى حلو اعيطله عن كل الم عيشته  ويطمنى يطمنى ان كل ده عدا وانى دلوقتى معاه
_ مى انتى كويسه 
اتعدلت 
احم ايوه الحمدلله بعد اذنك هدخل لماما 
خلصوا صلاه ع م كنا حطينا الأكل ع السفره والرجاله رجعوا من الجامع جينا عشان ناكل اتفاجئت ان ريناد بتقعد مكانى جمبه وبتبصلى بشماته 
واټصدمت لما لقيته متكلمش وسكت وكمل أكل ولا كأنها قعدت مكانى مكان مراته 
قعدت قصاده وانا هاين